પોતાના પર્સનલ જીવનને લઈને ચર્ચા અને વિવાદોમાં રહેતા કોમેડિયન અને એક્ટર મુનાવર ફારુકીનો એક વીડિયો સામે આવ્યો છે. વીડિયોમાં મુનાવર એક ફેન્સને ધમકાવતો જોવા મળે છે. ફેન તેને તેની એક્સ ગર્લફ્રેન્ડ નાઝિલાના નામથી ચીડવી રહ્યો હતો. જે વીડિયો સામે આવ્યો છે તે એન્ટરટેઈનમેન્ટ ક્રિકેટ લીગનાં સ્ટેડિયમનો છે. મુનાવર ફારુકી મુંબઈ ડિસપ્ટર્સ ટીમ તરફથી રમી રહ્યો છે. તાજેતરમાં જ તેની એક મેચ હતી અને સ્ટેડિયમમાંથી બહાર આવતી વખતે એક ફેને હજારો લોકોની વચ્ચે બૂમ પાડીને પૂછ્યું, મુનાવર ભાઈ, નાઝિલા કેમ છે? આ સાંભળીને મુનાવર ગુસ્સે થઈ ગયો અને બહાર જવાને બદલે ફેન પાસે ગયો. મુનાવર સતત ફેનને નીચે આવવાની ધમકી આપી રહ્યો હતો. મુનાવર લાંબા સમય સુધી ગુસ્સામાં છોકરાને નીચે આવીને મળવાની ધમકી આપતો રહ્યો. બીજી બાજુ, તે ફેન તેના પર કોમેન્ટ કરતો જોવા મળ્યો. મુનાવર ફારુકી એક સમયે ઈનફ્લુએન્સર નાઝિલા સાથે સંબંધમાં હતો. મુનાવર ‘બિગ બોસ’નો ભાગ બન્યા પછી તેમના સંબંધો વિવાદમાં આવ્યા. શોમાં કોમેડિયને ઘણી વખત નાઝિલાનો ઉલ્લેખ પણ કર્યો હતો. આયેશા ખાને ‘બિગ બોસ’માં વાઇલ્ડ કાર્ડ એન્ટ્રી તરીકે કરી અને મુનાવર પર ડબલ ડેટિંગનો આરોપ લગાવ્યો. મુનાવરે આયેશા સમક્ષ કબૂલાત કરી હતી કે નાઝિલાથી અલગ થયા પછી તેણે સપોર્ટ મેળવવા માટે તેની સાથે સંબંધ જાળવી રાખ્યો હતો. તે જ સમયે નાઝિલાનો એક વીડિયો સામે આવ્યો જેમાં તેણે મુનાવર પર છેતરપિંડીનો આરોપ લગાવ્યો. નાઝિલાએ કહ્યું હતું કે શોમાં જતા પહેલા મુનાવરે તેની સાથે બ્રેકઅપ કર્યું ન હતું. આયેશા સાથેના તેના ડેટિંગના સમાચાર બહાર આવ્યા પછી, નાઝિલા ઇન્સ્ટાગ્રામ પર લાઇવ આવી અને મુનાવર સાથેના તેના બ્રેકઅપની જાહેરાત કરી. મુનાવર ફારુકીએ વર્ષ 2017માં જાસ્મીન સાથે લગ્ન કર્યા હતા, જેનાથી તેમને એક પુત્ર પણ છે. જોકે, આ લગ્ન 2022માં તૂટી ગયા. મુનાવરે ગયા વર્ષે મેકઅપ આર્ટિસ્ટ મહજબીન કોટવાલા સાથે બીજા લગ્ન કર્યા.
