તાજેતરમાં ઐશ્વર્યા રાયે ઇન્સ્ટાગ્રામ પર કેટલીક તસવીરો શેર કરી હતી. મંગળવારે એક્ટ્રેસના પિતા કૃષ્ણરાજ રાયની પુણ્યતિથિ હતી. ઐશ્વર્યાએ તેના પિતા માટે એક ઇમોશનલ પોસ્ટ લખી હતી. ઐશ્વર્યા રાયે શેર કરી ઇમોશનલ પોસ્ટ
દર વર્ષની જેમ આ વર્ષે પણ ઐશ્વર્યા રાય બચ્ચને તેના પિતા કૃષ્ણરાજ રાયને તેમની પુણ્યતિથિ પર શ્રદ્ધાંજલિ આપી. ઐશ્વર્યા રાય બચ્ચને તેના ઇન્સ્ટાગ્રામ હેન્ડલ પર કેટલીક તસવીરો શેર કરી છે. પહેલા ફોટામાં સ્વર્ગસ્થ કૃષ્ણરાજ રાય દેખાય છે. બીજા ફોટામાં, ઐશ્વર્યા અને આરાધ્યા તેમને શ્રદ્ધાંજલિ આપતા જોવા મળે છે. સોશિયલ મીડિયા પર પોસ્ટ શેર કરી
ઐશ્વર્યાએ પોસ્ટનાં કેપ્શનમાં લખ્યું – લવ યુ ડેડી-અજ્જા, હંમેશા પ્રેમ કરતી રહીશ. તમારા આશીર્વાદ માટે આભાર. છૂટાછેડાના સમાચારોને કારણે અભિષેક-ઐશ્વર્યા હેડલાઇન્સમાં હતાં
થોડા સમય પહેલા, ઐશ્વર્યા રાય અને અભિષેક બચ્ચન તેમના છૂટાછેડાને લઈને સમાચારમાં હતા. જ્યારે તેમના છૂટાછેડાની અફવાઓ સામે આવવા લાગી, ત્યારે બંનેએ જુલાઈમાં અનંત-રાધિકાના લગ્નમાં અલગ-અલગ એન્ટ્રી કરી અને લગ્ન દરમિયાન એકબીજા અલગ જોવા મળ્યા હતા. પછી જ્યારે ઐશ્વર્યા રાય પણ તેની પુત્રી સાથે વેકેશન પર ગઈ હતી, ત્યારે પણ અભિષેક તેની સાથે હાજર નહોતો. જોકે, તાજેતરમાં જ ઐશ્વર્યા અને અભિષેક બચ્ચન કેટલીક ઇવેન્ટ્સમાં સાથે જોવા મળ્યા હતા. જે બાદ તેમના છૂટાછેડાની અફવાઓ શાંત પડી હતી. છૂટાછેડાની અફવાઓ બાદ ઇવેન્ટ્સમાં સાથે જોવા મળ્યાં હતાં
થોડા અઠવાડિયા પહેલા મુંબઈમાં ડિરેક્ટર આશુતોષ ગોવારિકરના પુત્ર કોણાર્કના લગ્નમાં ઐશ્વર્યા રાય બચ્ચન અને અભિષેક બચ્ચન હાજર રહ્યાં હતાં. ઐશ્વર્યાએ આશુતોષ ગોવારિકર ડિરેક્ટર ફિલ્મ ‘જોધા અકબર’ (2008) માં કામ કર્યું હતું. ડિસેમ્બરની શરૂઆતમાં, બંને એક હાઇ-પ્રોફાઇલ પાર્ટીમાં સાથે જોવા મળ્યાં હતાં. બંને તેમની પુત્રી આરાધ્યાના જન્મદિવસની પાર્ટીમાં પણ સાથે સેલિબ્રેશન કર્યું હતું. ઐશ્વર્યા રાય છેલ્લે ફિલ્મ ‘પોનીયિન સેલ્વન 2’માં જોવા મળી હતી
વર્કફ્રન્ટની વાત કરીએ તો, ઐશ્વર્યા રાય બચ્ચન છેલ્લે સાઉથ ફિલ્મ પ્રોડ્યુસર મણિરત્નમની ફિલ્મ ‘પોનીયિન સેલ્વન 2’માં જોવા મળી હતી. આ દરમિયાન એક એવા પણ સમાચાર આવ્યા હતા જેમાં કહેવામાં આવ્યું કે વિક્રમ અને ઐશ્વર્યા ટૂંક સમયમાં એક ફિલ્મમાં સાથે જોવા મળશે. મણિરત્નમ આ બંને પર ફિલ્મ બનાવવાનું વિચારી રહ્યા છે.
પિતાની પુણ્યતિથિ પર ભાવુક થઈ ઐશ્વર્યા:ફોટા સામે માથું નમાવી પુત્રી આરાધ્યા સાથે શ્રદ્ધાંજલિ આપી; છૂટાછેડાની અફવાઓને કારણે એક્ટ્રેસ હેડલાઇન્સમાં હતી
