‘ઐશ્વર્યા વિવેક ઓબરોયને ભાવ પણ નહોતી આપતી’:’હિરો બનવા ઉભી કરેલી વાર્તા’ હનિફ ઝવેરીએ દાવો કરી ખોલ્યું સલમાન સાથેના સંબંધ તૂટવાનું રહસ્ય

અમિતાભ બચ્ચન અને રેખાના અફેર સિવાય, ઇન્ડસ્ટ્રીમાં સૌથી વધુ ચર્ચા સલમાન ખાન અને ઐશ્વર્યા રાયના સંબંધની થઈ છે. બંનેએ સાથે એક ફિલ્મ કરી અને એકબીજાનાં પ્રેમમાં પડ્યા. જોકે, થોડા સમય પછી તેમનું બ્રેકઅપ થઈ ગયું. સંબંધ તૂટવા પાછળ ઘણીવાર વિવેક ઓબેરોયને જવાબદાર માનવામાં આવે છે. પરંતુ હવે એક પત્રકારે દાવો કર્યો છે કે એક્ટ્રેસે ક્યારેય વિવેકને ડેટ કર્યો જ નથી. ‘ઐશ્વર્યા રાયના માતાપિતાને સલમાનથી વાંધો હતો’
સિનિયર ફિલ્મ જર્નાલિસ્ટ અને લેખક હનિફ ઝવેરીએ દાવો કર્યો છે કે ઐશ્વર્યાએ ક્યારેય વિવેક ઓબેરોયને ડેટ કર્યો જ નથી. ‘મેરી સહેલી’ સાથેની વાતચીતમાં તેણે કહ્યું, જ્યાં સુધી ઐશ્વર્યા રાય અને સલમાન ખાનનો સવાલ છે, બંને એકબીજા પ્રત્યે સિરિયસ હતા અને બંને ઇચ્છતા હતા કે તે લગ્ન કરે, પરંતુ સલમાન ખાનની ગર્લફ્રેન્ડ તરીકે સોમી અલી, સંગીતા બિજલાનીનું નામ પણ જોડાયેલુ હતુ. આ વાતના કારણે ઐશ્વર્યા રાયના માતાપિતા સલમાનથી એટલા ખુશ ન હતા. તેમને લાગતું હતું કે કદાચ તે તેમની દીકરી સાથે ફ્લર્ટ કરી રહ્યો હશે. સલમાન-ઐશ્વર્યા વચ્ચેના સંબંધો કેમ બગડ્યા?
હનિફ ઝવેરીએ જણાવ્યું કે સલમાન તો ઐશ્વર્યા રાય સાથે લગ્ન કરવા માગતો હતો પરંતુ એક્ટ્રેસ લગ્ન માટે તૈયાર નહોતી કારણ કે તે તેના કરિયર પર ફોક્સ કરવા માગતી હતી. સલમાન ખાને ઐશ્વર્યાના મકાનમાં ઘૂસી હોબાળો કર્યો ત્યારબાદ બંને વચ્ચે સંબંધો વધુ ખરાબ થયા. પછી ઐશ્વર્યાએ આ સંબંધનો અંત લાવવાનો નિર્ણય કર્યો. હનિફ ઝવેરીએ પોતાના ઇન્ટરવ્યૂમાં ઐશ્વર્યા રાય અને વિવેક ઓબેરોયના સંબંધોનું કથિત સત્ય પણ જાહેર કર્યું. ‘ઐશ્વર્યાએ ક્યારેય વિવેક ઓબેરોયને ભાવ નથી આપ્યો’
પત્રકારે દાવો કર્યો હતો કે જ્યારે ઐશ્વર્યા રાયને ફ્રેક્ચર થયું હતું, ત્યારે વિવેક ઓબેરોય ફક્ત તેને મદદ કરી રહ્યો હતો. તેને હોસ્પિટલ લઈ જતો અને સારસંભાળ રાખતો. વિવેક કંઈક કરવા માગતો હતો. એટલે એક્ટરે એવો દેખાવ કર્યો કે ઐશ્વર્યા તેને પાગલની જેમ પ્રેમ કરે છે, પરંતુ એવું કંઈ નહોતું. પરિસ્થિતિનો ફાયદો ઉઠાવીને વિવેકે પ્રેસ કોન્ફરન્સ પણ કરી અને સલમાન ખાન વિરુદ્ધ ઇન્ટરવ્યૂ પણ આપ્યો અને આ વસ્તુ વિવેકને મોંઘી પડી. કોઈ છોકરી વિશે એવું કહેવું ખોટું છે કે તે મને પ્રેમ કરે છે. એવું કંઈ હતુ જ નહીં. આ એકદમ ફેક ઉભી કરાયેલી વાર્તા હતી. જોકે, એક વાત એવી પણ હતી કે ઐશ્વર્યા અને વિવેકે વર્ષ 2004માં ફિલ્મ ‘ક્યૂં.. હો ગયા ના’થી જ એકબીજાને ડેટ કરવાનું શરૂ કર્યું હતું. જોકે બાદમાં સલમાન સાથેના વિવાદને કારણે વિવેક અને ઐશ્વર્યાનું બ્રેકઅપ થઈ ગયું હતું. ‘ક્યૂં હો ગયા ના’માં અમિતાભ બચ્ચન પણ મહત્વના રોલમાં હતા.