ટ્રમ્પ વિરુદ્ધ આદેશ આપનારા જજોને ઓનલાઇન ધમકી:અમેરિકન ન્યાયતંત્રમાં ગભરાટ; ન્યાયાધીશ વિરોધી રાજકારણીઓને ભંડોળ આપી રહ્યા છે મસ્ક

અમેરિકાના રાષ્ટ્રપતિ પદની ચૂંટણી પ્રચાર દરમિયાન ડોનાલ્ડ ટ્રમ્પ અમેરિકન ન્યાયાધીશો સામે કડક કાર્યવાહીની ધમકી આપતા હતા. હવે ટ્રમ્પે રાષ્ટ્રપતિ પદ સંભાળ્યા પછી તેમના આદેશો વિરુદ્ધ ચુકાદો આપનારા અમેરિકન ન્યાયાધીશોએ તેમની સલામતીની ચિંતા કરવાનું શરૂ કર્યું છે. ખરેખર ઘણા યુએસ ફેડરલ ન્યાયાધીશોને ડર છે કે ટ્રમ્પ વહીવટીતંત્રની નીતિઓને પડકારતા હાઇ-પ્રોફાઇલ કેસોની દેખરેખ રાખનારાઓ સામે ઓનલાઇન ધમકીઓ વાસ્તવિક દુનિયામાં હિંસા તરફ દોરી શકે છે. ટ્રમ્પે તેમની વિરુદ્ધ ચુકાદો આપનારા ન્યાયાધીશ સામે મહાભિયોગની માગ કરી
ટ્રમ્પ રાષ્ટ્રપતિ બન્યા ત્યારથી તેમના એક્ઝિક્યુટિવ ઓર્ડર વિરુદ્ધ કેસ સાંભળનારા ન્યાયાધીશો અને ઈલોન મસ્કના DOGE આદેશ પછી બરતરફ કરાયેલા અધિકારીઓને લગતા કેસ સાંભળનારા ફેડરલ ન્યાયાધીશો સામે સોશિયલ મીડિયા પર ધમકીઓનો પૂર આવી રહ્યો છે. તાજેતરમાં જ, રાષ્ટ્રપતિ ટ્રમ્પે તેમના વહીવટ વિરુદ્ધ ચુકાદો આપનારા ફેડરલ ન્યાયાધીશ સામે મહાભિયોગની માગ કરી હતી. આ પછી સોશિયલ મીડિયા પર ન્યાયાધીશ સામે ધમકીઓ વધી ગઈ. આમાં ન્યાયાધીશને હાથકડી પહેરાવીને લઈ જવામાં આવતા દર્શાવતી તસવીરો શામેલ હતી. ન્યાયાધીશોના મહાભિયોગને ટેકો આપનારાઓને મસ્કે મોટું દાન આપ્યું
મસ્કે રિપબ્લિકન કાયદા ઘડનારાઓને ભારે દાન આપ્યું છે જેઓ રાષ્ટ્રપતિ ટ્રમ્પ વિરુદ્ધ ચુકાદો આપનારા ફેડરલ ન્યાયાધીશોના મહાભિયોગને સમર્થન આપે છે. મસ્કે 7 રિપબ્લિકન ઝુંબેશને કાયદેસર મહત્તમ રૂ. 5.41 લાખનું દાન આપ્યું. આમાં એરિઝોનાના એલી ક્રેન, કોલોરાડોના લોરેન બોબર્ટ, ટેનેસીના એન્ડી ઓગલ્સ, જ્યોર્જિયાના એન્ડ્રુ ક્લાઈડ, વિસ્કોન્સિનના ડેરિક વેન ઓર્ડન અને ટેક્સાસના બ્રાન્ડન ગિલનો સમાવેશ થાય છે. મસ્કે આયોવાના સેનેટર ચાર્લ્સ ઇ. ગ્રાસલીને પણ દાન આપ્યું. મસ્કે ન્યાયાધીશોના મહાભિયોગને ટેકો આપ્યો છે. પીઝા, પાર્સલ અને અનામી કોલ દ્વારા ન્યાયાધીશોને ધમકીઓ
ન્યાયાધીશો સામે ધમકીઓ નવી નથી, પરંતુ તાજેતરના વર્ષોમાં તેમની સંખ્યામાં વધારો થયો છે. ન્યાયાધીશોને બોમ્બ ધમકીઓ, પોલીસ SWAT ટીમોને તેમના ઘરના સરનામાં પર મોકલવા માટે અનામી ફોન કોલ અને પીત્ઝા ડિલિવરી દ્વારા ધમકીઓ મળી રહી છે. ટ્રમ્પ વહીવટીતંત્ર વિરુદ્ધ કેસની સુનાવણી કરી રહેલા એક ન્યાયાધીશે કહ્યું કે, ગુંડાઓ જાણે છે કે તમે અને તમારા પરિવારના સભ્યો ક્યાં રહો છો. આનાથી હિંસાની શક્યતા વધી રહી છે. મને એવું લાગે છે કે લોકો આપણા જીવન સાથે રશિયન રૂલેટ રમી રહ્યા છે, ન્યુ જર્સી ડિસ્ટ્રિક્ટ માટે યુએસ ડિસ્ટ્રિક્ટ કોર્ટના ન્યાયાધીશ એસ્થર સલાસે કહ્યું. તમને જણાવી દઈએ કે જજ એસ્થરના 20 વર્ષના પુત્રની 2020માં એક સ્વ-ઘોષિત નારીવાદ વિરોધી વકીલે તેમના ઘરે ગોળી મારીને હત્યા કરી દીધી હતી. તેમણે કહ્યું કે આમાં કોઈ અતિશયોક્તિ નથી. હું મારા નેતાઓને વિનંતી કરું છું કે તેઓ સમજે કે અહીં લોકોના જીવન જોખમમાં છે. ચાર્લ્સટનમાં સુપ્રીમ કોર્ટના જજ એમી કોની બેરેટને ધમકી મળી કે તેમના મેઇલબોક્સમાં બોમ્બ છે. તેમાં લખ્યું હતું- આગલી વખતે મેઇલબોક્સ ખોલતી વખતે ઉપકરણ ફૂટશે.