જોન અબ્રાહમ ફિલ્મ ‘ધ ડિપ્લોમેટ’માં જીતેન્દ્ર પાલ સિંહની ભૂમિકા ભજવીને ચર્ચામાં છે. આ ફિલ્મ અંગે અભિનેતાએ એક ખુલાસો કર્યો છે. તેણે તેના તાજેતરના ઇન્ટરવ્યૂમાં જણાવ્યું હતું કે તેમની ફિલ્મ OTT પ્લેટફોર્મ દ્વારા નકારી કાઢવામાં આવી હતી. પિંકવિલા સાથે વાત કરતી વખતે, જ્હોને કહ્યું કે ફક્ત તેને અને દિગ્દર્શક શિવમ નાયરને જ આ ફિલ્મ પર વિશ્વાસ હતો. જ્યારે કોઈ સ્ટુડિયો કોઈ ફિલ્મ જુએ છે અને જ્યારે તે OTT પર જાય છે, ત્યારે સ્ટુડિયો તેને OTT ચેનલ પર મોકલીને તેનું જોખમ ઓછું કરવા માગે છે. આવી સ્થિતિમાં, તેમની ફિલ્મને કેટલીક OTT ચેનલોએ નકારી કાઢી હતી. તેમને આ ફિલ્મ પસંદ ન આવી. ફિલ્મ નકારાયા પછી, સ્ટુડિયો પણ ડરી ગયો અને કહ્યું કે ફિલ્મ સારી નથી. કોઈને આ ગમશે નહીં. જ્હોને આગળ કહ્યું કે તમારે સમજવું પડશે કે સ્ટુડિયો આ ફિલ્મોમાં પૈસા રોકે છે, તેથી ક્યારેક તેમનો ડર વાજબી હોય છે. પરંતુ ‘ધ ડિપ્લોમેટ’ ના કિસ્સામાં અમે સ્ટુડિયોને ખોટો સાબિત કર્યો. અમે OTT ને ખોટું સાબિત કર્યું છે. અમે બધાને ખોટા સાબિત કર્યા છે. જ્હોને એવો પણ દાવો કર્યો હતો કે જો સ્ટુડિયો અને ડિસ્ટ્રિબ્યૂટર તેમની બધી જ મહેનત કરે તો ‘ધ ડિપ્લોમેટ’ બોક્સ ઓફિસ પર ટકી રહેશે. સ્ટુડિયોએ આ ફિલ્મનું માર્કેટિંગ કરવું પડશે. તમે એવી ફિલ્મનું માર્કેટિંગ કરી રહ્યા છો જેને લોકોએ જોઈ છે અને કહ્યું છે કે તે એક શાનદાર ફિલ્મ છે. તેમણે વધુમાં ઉમેર્યું કે, આ ફિલ્મ આગામી છ અઠવાડિયા સુધી ચાલુ રાખવા માટે સ્ટુડિયો પર નિર્ભર છે કે તે તેના તમામ પ્રયત્નો કરે અને ફિલ્મને ચાલુ રાખે કારણ કે તેમાં ક્ષમતા છે. નોંધનીય છે કે, જ્હોનની આ ફિલ્મ 14 માર્ચે રિલીઝ થઈ હતી. 20 કરોડ રૂપિયાના ખર્ચે બનેલી આ ફિલ્મે અત્યાર સુધીમાં ૧૯ કરોડ રૂપિયાની કમાણી કરી છે.
