ટેસ્લા કાર તોડનારાઓને ટ્રમ્પ જેલમાં ધકેલશે:કહ્યું- આ કેપિટલ હિલ હિંસા કરતાં પણ ખરાબ, ગુનેગારોને સજા માટે ખતરનાક અલ સાલ્વાડોર જેલમાં ધકેલાશે

અમેરિકાના રાષ્ટ્રપતિ ડોનાલ્ડ ટ્રમ્પે શુક્રવારે ટેસ્લા કારમાં તોડફોડ કરનારાઓને ચેતવણી આપી હતી. તેમણે કહ્યું કે જે કોઈ પણ આવું કરતા પકડાય તેને અલ સાલ્વાડોરની જેલમાં ધકેલવા જોઈએ. ટ્રમ્પે તેમના સત્તાવાર સોશિયલ મીડિયા હેન્ડલ ટ્રુથ પર લખ્યું – હું ટેસ્લાની મિલકતોને નુકસાન પહોંચાડનારા બીમાર આતંકવાદી ગુંડાઓને 20 વર્ષની જેલની સજા મળતા જોવા માંગુ છું. કદાચ તેમને અલ સાલ્વાડોરની કુખ્યાત જેલની સજા ફટકારવામાં આવશે. બીજી પોસ્ટમાં ટ્રમ્પે લખ્યું – અમે તમને શોધી રહ્યા છીએ. ટ્રમ્પે કહ્યું કે ટેસ્લાને નુકસાન પહોંચાડવાનો પ્રયાસ એક આતંકી કૃત્ય છે, જે 6 જાન્યુઆરી, 2021ના ​​રોજ યુએસ કેપિટલ હિલ (સંસદ) પર થયેલા ઘાતક રમખાણો કરતાં પણ ખરાબ છે. ટેસ્લા કારને થયેલા નુકસાનના 3 તસવીરો… ટ્રમ્પ ગુનેગારોને અલ સાલ્વાડોર કેમ મોકલવા માંગે છે? અલ સાલ્વાડોરમાં વિશ્વની સૌથી મોટી અને સૌથી ખતરનાક જેલ છે. અલ સાલ્વાડોરના રાષ્ટ્રપતિ નાયબ બુકેલેએ 2023માં ગુનેગારોને ડરાવવા માટે આ જેલ બનાવી હતી. અહીં 40 હજાર કેદીઓને રાખી શકાય છે. આ જેલ ‘આતંકવાદીઓના કેદખાના કેન્દ્ર (CECOT)’ તરીકે ઓળખાય છે. ફેબ્રુઆરીમાં અમેરિકા અને અલ સાલ્વાડોર વચ્ચે આ કરાર થયો હતો. આ મુજબ, અલ સાલ્વાડોર પૈસા લઈને અમેરિકાના ખતરનાક ગુનેગારોને જેલમાં રાખશે. મસ્કે ડાબેરી નેતાઓને જવાબદાર ગણાવ્યા
ટ્રમ્પના નિવેદન પહેલા, ગુરુવારે યુએસ એટર્ની જનરલ પામ બોન્ડીએ પણ ચેતવણી આપી હતી. તેમણે કહ્યું હતું કે હવે અમેરિકામાં ગુના કરનારાના દિવસો પૂરા થઈ ગયા છે. જો તમે ટેસ્લાની મિલકતને નુકસાન પહોંચાડશો તો તમને જેલના સળિયા પાછળ ધકેલી દેવામાં આવશે. જે લોકો પડદા પાછળથી આ ગુનેગારોને ટેકો અને ફંડિંગ કરી રહ્યા છે તેમને પણ ગંભીર પરિણામો ભોગવવા પડશે. અમેરિકામાં ટ્રમ્પ સરકાર બની ત્યારથી, ટેસ્લા કાર પર સતત હુમલા થઈ રહ્યા છે. કંપનીના સીઈઓ ઈલોન મસ્કે તેની નિંદા કરી અને તેને ‘આતંકવાદ’ ગણાવ્યો. તેમણે આવી હિંસાને પ્રોત્સાહન આપવા બદલ ડાબેરી નેતાઓની ટીકા કરી છે. ટ્રમ્પે લાલ રંગની ટેસ્લા કાર ખરીદી, કહ્યું- આ દુનિયાની શ્રેષ્ઠ કંપની છે ટ્રમ્પે 11 માર્ચે લાલ રંગની ‘ટેસ્લા મોડેલ એસ’ કાર ખરીદીને તેનું સમર્થન કર્યુ હતું. આ દરમિયાન તેમણે કહ્યું કે આ કાર ખૂબ જ સુંદર છે અને તેમણે તેને કોઈપણ ડિસ્કાઉન્ટ વિના સંપૂર્ણ કિંમત (80 હજાર ડોલર)માં ખરીદી છે. ટ્રમ્પે કારનું પરિક્ષણ કર્યું ન હતું અને સ્પષ્ટ કર્યું હતું કે તેઓ ટેસ્લા નહીં ચલાવે કારણ કે તેમને ડ્રાઈવ કરવાની મંજુરી નથી, પરંતુ તેઓ વ્હાઇટ હાઉસના તેમના સ્ટાફને તે ચલાવવા દેશે. ટ્રમ્પે કહ્યું- ટેસ્લા કંપની મસ્ક માટે બાળક જેવી છે મસ્કની પ્રશંસા કરતા ટ્રમ્પે કહ્યું કે તેમણે ખૂબ સારું કામ કર્યું છે. તેઓ દેશની સેવા માટે બધું જ દાવ પર લગાવી રહ્યા છે. ટ્રમ્પે કહ્યું કે ટેસ્લા વિશ્વની શ્રેષ્ઠ કંપનીઓમાંની એક છે અને મસ્ક માટે તે “બાળક” જેવી છે. ટ્રમ્પે ટેસ્લાના શેરના ઘટાડા પર કહ્યું હતું કે 2024ની ચૂંટણીમાં તેમની સાથે પણ આવું જ કરવાનો પ્રયાસ કરવામાં આવ્યો હતો. પણ તેનું પરિણામ શું આવ્યું? મસ્ક ખરેખર એક મહાન અમેરિકન છે. તેઓ અમેરિકાને ફરીથી મહાન બનાવવા માટે પોતાની સંપૂર્ણ કુશળતાનો ઉપયોગ કરી રહ્યા છે, આ માટે તેમને શા માટે સજા મળવી જોઈએ. ટ્રમ્પ અને ટેસ્લા સંબંધિત આ સમાચાર પણ વાંચો… ટ્રમ્પ ટેસ્લા કાર ખરીદશે: કંપનીના શેર 15% ઘટવા પર તેમણે કહ્યું- મસ્કે અમેરિકા માટે બધું દાવ પર લગાવી દીધું, લોકો તેમને જ નુકસાન પહોંચાડી રહ્યા છે અમેરિકાના રાષ્ટ્રપતિ ડોનાલ્ડ ટ્રમ્પે જાહેરાત કરી છે કે તેઓ ટેસ્લા કાર ખરીદવા જઈ રહ્યા છે. તેમણે મંગળવારે કહ્યું કે આમ કરીને તેઓ ટેસ્લાના વડા અને DoGEના વડા ઈલોન મસ્ક પ્રત્યે વિશ્વાસ અને સમર્થન દર્શાવવા માંગે છે. તેમણે સોશિયલ મીડિયા પોસ્ટમાં મસ્કને એક મહાન અમેરિકન પણ કહ્યા. આનો જવાબ મસ્કે ‘આભાર રાષ્ટ્રપતિ’ લખીને આપ્યો હતો.