ફિલ્મ પ્રોડ્યુસર હંસલ મહેતાએ ફિલ્મ ઇન્ડસ્ટ્રીમાં આવી રહેલી નવી પ્રતિભા વિશે વાત કરી છે. સિનેવેસ્ટર ઇન્ટરનેશનલ ફિલ્મ ફેસ્ટિવલની બીજી એડિશનમાં, તેમણે નવી પ્રતિભા પર દાવ લગાવવા અને મોટા નામોને વારંવાર તક આપવાના ફાયદા અને ગેરફાયદા પર પોતાના મંતવ્યો વ્યક્ત કર્યા. નવા કલાકારોને કાસ્ટ કરવા અંગે હંસલે કહ્યું કે હાલમાં ઘણી પ્રતિભા છે પરંતુ તેમને તક આપવામાં આવી રહી નથી. સલામતીના નામે તે રસ્તો બંધ કરી દેવામાં આવ્યો છે. જે મોટાં નામોને વારંવાર તક મળે છે તેઓ વાર નિષ્ફળ જઈ રહ્યા છે છતાં તેમને તક મળતી રહે છે. તેમની સફળતાની ટકાવારી કેટલી છે? જ્યારે તેઓ નિષ્ફળ જાય છે ત્યારે તેઓ ખરેખર તમને ડૂબાડી દે છે. જો તમે નવા કલાકારોને કાસ્ટ કરવાનું જોખમ લો છો તો તમને ઓછું નુકસાન થશે. અને તેના ફાયદા ઘણા હશે. ઉદાહરણ આપતાં, તેમણે કહ્યું કે, ‘2000 ના દાયકામાં યુટીવી જેવા સ્ટુડિયો હતા જે નવા કલાકારોને તક આપતા હતા. એપ્લોઝ એન્ટરટેઈનમેન્ટ ગાંધી, જહાન કપૂર અને ગગન દેવ રિયાલ જેવા કલાકારોને સપોર્ટ આપીને અને સફળ બનાવીને કંઈક આવું જ કરી રહ્યું છે.’ તેમણે તાજેતરમાં સોશિયલ મીડિયા પ્લેટફોર્મ X પર આ મુદ્દા વિશે લખ્યું હતું. ગુરુવારે સિનેવેસ્ટર ઇન્ટરનેશનલ ફિલ્મ ફેસ્ટિવલની શરૂઆત દક્ષિણ કોરિયન ફિલ્મ ‘અ નોર્મલ ફેમિલી’ સાથે થઈ. આમાં, વિક્રમાદિત્ય મોટવાણી, નંદિતા દાસ, અભિષેક ચૌબે અને હની ત્રેહાન જેવી ફિલ્મ હસ્તીઓ સાથે સેશનનું આયોજન કરવામાં આવ્યું હતું.
