નેહા કક્કર તાજેતરમાં જ મેલબોર્નમાં તેના કોન્સર્ટમાં ત્રણ કલાક મોડી પહોંચી હતી. સિંગના વિલંબને કારણે ચાહકો ખૂબ ગુસ્સે થઈ ગયા હતા. ચાહકોને ગુસ્સે થતાં જોઈને નેહા કક્કર સ્ટેજ પર જ રડવા લાગી. હવે નેહાના ભાઈ ટોની કક્કરે તેના સમર્થનમાં એક રહસ્યમય પોસ્ટ શેર કરી છે અને સિંગરના મોડા આગમન માટે ઇવેન્ટ આયોજકોને જવાબદાર ઠેરવ્યા છે. ટોનીએ ત્રણ અલગ અલગ પોસ્ટ શેર કરી છે. ટોની નેહાના બચાવમાં ઉતર્યો મંગળવારે, નેહાના ભાઈ અને સિંગર ટોની કક્કરે ઇન્સ્ટાગ્રામ પર એક રહસ્યમય પોસ્ટ શેર કરી. ટોનીએ આ પોસ્ટમાં તેની બહેનના મેલબોર્ન કોન્સર્ટને લગતા વિવાદનો સીધો ઉલ્લેખ કર્યો નથી પરંતુ સિંગરે પોસ્ટ દ્વારા યુઝર્સને પૂછ્યું છે કે, ‘મારો એક પ્રશ્ન છે.’ આ કોઈ માટે નથી, ફક્ત એક પ્રશ્ન છે, કાલ્પનિક. નેહાના મોડા આવવા માટે ટોનીએ મેનેજમેન્ટને દોષ આપ્યો તેણે પોતાની પોસ્ટમાં લખ્યું, ‘ધારો કે મેં તમને મારા શહેરમાં એક કાર્યક્રમમાં આમંત્રણ આપ્યું છે. તમારી બધી વ્યવસ્થાઓની જવાબદારી લીધી છે – હોટેલ બુકિંગ, એરપોર્ટ પિકઅપ અને ટિકિટ. કલ્પના કરો કે તમે આવો છો અને કંઈ બુક નથી. એરપોર્ટ પર ગાડી નથી, હોટેલ રિઝર્વેશન નથી અને ટિકિટ પણ નથી. આ પરિસ્થિતિમાં, તમે કોને દોષ આપશો?’ ટોની કક્કરે ત્રણ અલગ અલગ પોસ્ટ શેર કરી આ સિવાય ટોની કક્કરે બીજી એક પોસ્ટ શેર કરી છે. આમાં તેમણે લખ્યું, ‘કલાકારોએ મર્યાદામાં રહેવું જોઈએ તો જનતાએ…?’ ટોનીએ ઇન્સ્ટાગ્રામ પર એક સ્ટોરી પણ શેર કરી. આમાં, તેણે એવા કેટલાક ઇન્સ્ટાગ્રામ યુઝર્સના આઈડી શેર કર્યા છે જેમણે અભદ્ર ટિપ્પણીઓ કરી હતી. ટોનીએ લખ્યું, ‘તે રાણી છે, મારી બહેન છે, મારો પ્રેમ છે’ ટોનીએ ત્રણ અલગ અલગ પોસ્ટ શેર કરી. ત્રીજી પોસ્ટમાં, ટોનીએ બહેન નેહા કક્કરના મેલબોર્ન કોન્સર્ટનો વીડિયો શેર કર્યો. આમાં, એક ફેન્સ સ્ટેજ પર છે અને તે નેહાને જોઈને રડવા લાગે છે. આ શેર કરતી વખતે ટોનીએ લખ્યું, ‘ચાહકો પણ રડે છે, ચાહકોનું રડવું નકલી નથી, તો પછી કલાકારનું રડવું કેવી રીતે નકલી હોઈ શકે?’ આ પોસ્ટના કેપ્શનમાં ટોનીએ લખ્યું, ‘તે રાણી છે. મારી બહેન, મારો પ્રેમ. નેહા કક્કરે સ્ટેજ પરથી માફી માગી હતી વાયરલ થઈ રહેલા વીડિયોમાં નેહા કક્કર ચાહકોની માફી માગી રહી હતી. તેણે કહ્યું, ‘તમે લોકો ખરેખર ખૂબ સારા છો, તમે તમારી ધીરજ જાળવી રાખી. મને એ વાતનો અફસોસ છે કે તમે લોકો આટલા લાંબા સમયથી રાહ જોઈ રહ્યા છો. મેં મારા જીવનમાં ક્યારેય કોઈને આટલો લાંબો સમય રાહ જોવડાવી નથી. હું ખૂબ જ દુઃખી છું. આ મારા માટે ઘણું મહત્ત્વ ધરાવે છે. મને આ સાંજ હંમેશા યાદ રહેશે. તમે લોકોએ મારા માટે સમય કાઢ્યો. હું તમને બધાને ચોક્કસ નચાવીશ.’ નેહા પર આરોપ – એક કલાક પણ પરફોર્મ ન કર્યું વિલંબ ઉપરાંત, નેહાના પરફોર્મ પર પણ પ્રશ્નો ઊભા થઈ રહ્યા છે. આરોપ છે કે નેહા કક્કર લગભગ 10 વાગ્યે સ્ટેજ પર પહોંચી હતી અને એક કલાકથી ઓછા સમયમાં થોડા પર્ફોર્મન્સ આપ્યા પછી ત્યાંથી ચાલી ગઈ હતી. આ જ કારણ છે કે ચાહકો સોશિયલ મીડિયા પર પોતાનો ગુસ્સો વ્યક્ત કરી રહ્યા છે. કેટલાક લોકો તેને ‘ડ્રામા ક્વીન’ કહી રહ્યા છે જ્યારે કેટલાક માને છે કે,- મોડા આવનારાઓ સાથે આવું જ થવું જોઈએ.
