દેશમાં યુનિફાઇડ પેમેન્ટ્સ ઇન્ટરફેસ (UPI) ડાઉન છે. આ ઉપરાંત 10થી વધુ બેંકોની સેવાઓ પણ પ્રભાવિત થઈ છે. જોકે, આ ટેક્નિકલ ખામી પાછળનું કારણ બહાર આવ્યું નથી. ડાઉનડિટેક્ટરના જણાવ્યા અનુસાર, બુધવારે સાંજે 7 વાગ્યાથી યુઝર્સને UPI દ્વારા ચુકવણી કરવામાં સમસ્યાઓનો સામનો કરવો પડી રહ્યો છે. 23,000થી વધુ યુઝર્સે ફરિયાદ કરી હતી કે ફંડ ટ્રાન્સફર, ચુકવણી અને લોગિન ઍક્સેસ શક્ય નથી. ગૂગલ પે, ફોન પે, પેટીએમ, એચડીએફસી, એક્સિસ સહિત 10થી વધુ બેંકોની સેવાઓ પ્રભાવિત થઈ છે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ જણાવ્યું હતું કે, ‘યુઝર્સને કામચલાઉ ટેક્નિકલ સમસ્યાઓનો સામનો કરવો પડ્યો હતો જેના પરિણામે UPIમાં આંશિક વિક્ષેપ પડ્યો હતો. હવે આ સમસ્યાઓનું નિરાકરણ આવી ગયું છે. સિસ્ટમ સ્થિર બની ગઈ છે.’ 82% લોકોને ચુકવણી કરવામાં મુશ્કેલી
ડાઉનડિટેક્ટર મુજબ, લગભગ 82% લોકો ચુકવણી કરવામાં સમસ્યાઓનો સામનો કરી રહ્યા છે. જ્યારે 14% લોકોને ફંડ ટ્રાન્સફર મળ્યું અને લગભગ 5% લોકોને તે મેળવવામાં મુશ્કેલી પડી રહી છે. સોશિયલ મીડિયા પર યુઝર્સે કહ્યું- આજે વાસણો ધોવડાઈને જ માનશે UPIને NCPI ઓપરેટ કરે છે
ભારતમાં, RTGS અને NEFT ચુકવણી પ્રણાલીઓનું સંચાલન RBI પાસે છે. IMPS, RuPay, UPI જેવી સિસ્ટમો નેશનલ પેમેન્ટ કોર્પોરેશન ઓફ ઈન્ડિયા (NPCI) દ્વારા સંચાલિત થાય છે. સરકારે 1 જાન્યુઆરી, 2020થી UPI વ્યવહારો માટે શૂન્ય-ચાર્જ ફ્રેમવર્ક ફરજિયાત કર્યું હતું. UPI કેવી રીતે કાર્ય કરે છે
UPI સેવા માટે તમારે વર્ચ્યુઅલ ચુકવણી સરનામું બનાવવું પડે છે. આ પછી તેને બેંક ખાતા સાથે લિંક કરવું પડશે. આ પછી, તમારો બેંક એકાઉન્ટ નંબર, બેંકનું નામ અથવા IFSC કોડ વગેરે યાદ રાખવાની જરૂર નથી. ચુકવણીકર્તા ફક્ત તમારા મોબાઇલ નંબરના આધારે ચુકવણી વિનંતી પર પ્રક્રિયા કરે છે. જો તમારી પાસે તેમનો UPI ID (ઈમેલ ID, મોબાઈલ નંબર અથવા આધાર નંબર) હોય તો તમે તમારા સ્માર્ટફોન દ્વારા સરળતાથી પૈસા મોકલી શકો છો. ફક્ત પૈસા જ નહીં, યુટિલિટી બિલ પેમેન્ટ, ઓનલાઈન શોપિંગ, ખરીદી વગેરે માટે તમારે નેટ બેંકિંગ, ક્રેડિટ કે ડેબિટ કાર્ડની પણ જરૂર નહીં પડે. તમે આ બધા કાર્યો યુનિફાઇડ પેમેન્ટ ઇન્ટરફેસ સિસ્ટમ દ્વારા કરી શકો છો.
દેશમાં UPI પેમેન્ટ ઇન્ટરફેસ ડાઉન:GPay, PhonePe મારફતે લેવડ-દેવડમાં સમસ્યા; 10થી વધુ બેંકોની સેવાઓ પણ પ્રભાવિત, NPCIએ કહ્યું- સિસ્ટમ સ્ટેબલ
