ભાવનગરને અમદાવાદ સાથે ટૂંકા અને સલામત માર્ગે જોડનારો 109 કિલોમીટર લાંબો ધોલેરા-અમદાવાદ એક્સપ્રેસ-વે લગભગ પૂર્ણ થઈ ગયો છે, જેનું 95 ટકા બાંધકામ પૂર્ણ થઈ ગયું છે. નેશનલ હાઇ-વે ઓથોરિટીના જણાવ્યા પ્રમાણે સંભવત: મે મહિનામાં આ એક્સપ્રેસ-વે શરૂ થઇ જશે. ભાવનગર અને અમદાવાદ વચ્ચે 169 કિમીની મુસાફરીમાં સાડા ત્રણ કલાકથી વધુ સમય લાગે છે. નવો એક્સપ્રેસ-વે આ અંતર ઘટાડીને 141 કિમી કરશે, મુસાફરીનો સમય ધોલેરા-અમદાવાદ એક્સપ્રેસ-વેના 109 કિ.મી.નું કામ 4 તબક્કામાં કરાયું હતું. સરખેજ-સિંઘરેજ 22 કિ.મી., સિંઘરેજ-વેજલકા 26.5 કિ.મી., વેજલકા-ધોલેરા સર 22.5 કિ.મી., ધોલેરા સર- અધેળાઇ (ભાવનગર) 38 કિ.મી.નું કામ અલગ અલગ કંપનીઓને સોંપાયું હતું. આ એક્સપ્રેસ-વેમાં 24 ગામડાઓની જમીનોનું અધિગ્રહણ કરવામાં આવ્યું હતું અને માર્ગમાં 46 અંડર પાસ તથા 10 ફ્લાઓવરનું નિર્માણ કરવામાં આવ્યુ છે. ક્ત 1 કલાક 45 મિનિટનો થશે. અમદાવાદ અને ધોલેરા વચ્ચેની મુસાફરી પણ ઘણી ઝડપી બનશે, જે 2 કલાક 15 મિનિટથી ઘટીને માત્ર 40થી 45 મિનિટ થશે. નેશનલ હાઇ-વે ઓથોરિટીના જણાવ્યા મુજબ, 4500 કરોડ રૂપિયાનો આ પ્રોજેક્ટના તમામ તબક્કાના કામ પૂર્ણતાના આરે છે અને સંભવત: ચાલુ વર્ષના મધ્ય ભાગમાં એક્સપ્રેસ-વે શરૂ થઇ જશે. એવું કહેવામાં આવી રહ્યું છે કે આનાથી અમદાવાદ, ભાવનગર અને ભારતના પ્રથમ ગ્રીનફિલ્ડ સ્માર્ટ સિટી, ધોલેરા વચ્ચેના જોડાણમાં સુધારો થશે.
