આજે ઈન્ડિયન પ્રીમિયર લીગ (IPL) 2025ની આઠમી મેચમાં ચેન્નઈ સુપર કિંગ્સ અને રોયલ ચેલેન્જર્સ બેંગલુરુ આમને-સામને ટકરાશે. આ મેચ ચેન્નઈના હોમ ગ્રાઉન્ડ એમએ ચિદમ્બરમ સ્ટેડિયમમાં રમાશે. આ સીઝનમાં બંને ટીમ વચ્ચે આ બીજી મેચ હશે. ચેન્નઈએ તેની પહેલી મેચમાં મુંબઈ ઈન્ડિયન્સને હરાવ્યું હતું અને બેંગલુરુએ કોલકાતા નાઈટ રાઈડર્સને હરાવ્યું હતું. ગયા સીઝનમાં, બેંગલુરુ ચેન્નઈને હરાવીને પ્લેઑફમાં પહોંચ્યું હતું. આ મેચ ખૂબ જ શાનદાર હતી. પ્લેઑફમાં પહોંચવા માટે બંને ટીમ માટે કરો યા મરો જેવી મેચ હતી. બેંગલુરુએ અંતિમ-4માં સ્થાન મેળવવા માટે ચેન્નઈને ઓછામાં ઓછા 18 રનથી હરાવવું જરૂરી હતું. બીજી તરફ, જો ચેન્નઈ 18 રનથી ઓછા રનથી હારી ગયું હોત તો તે પ્લેઑફમાં પહોંચી ગયું હોત. RCBએ તેના હોમ ગ્રાઉન્ડ પર 27 રનથી જીત મેળવીને આગામી રાઉન્ડમાં પ્રવેશ મેળવ્યો હતો. આજની મેચમાં કોણ જીતશે…કોહલીની ટીમ કે પછી ધોની એન્ડ કંપનીની ટીમ…ક્લિક કરીને પ્રિડિક્શન આપો…. મેચ ડિટેઇલ્સ, આઠમી મેચ
CSK Vs RCB
તારીખ: 28 માર્ચ
સ્ટેડિયમ: એમએ ચિદમ્બરમ સ્ટેડિયમ, ચેપોક, ચેન્નઈ
સમય: ટૉસ – સાંજે 7:00 વાગ્યે, મેચ શરૂ – સાંજે 7:30 વાગ્યે ચેન્નઈ હેન્ડ ટુ હેડમાં આગળ
ચેન્નઈ હેન્ડ ટુ હેડ મેચમાં બેંગલુરુ પર સરસાઈ ધરાવે છે. અત્યાર સુધીમાં બંને વચ્ચે 34 IPL મેચ રમાઈ ચૂકી છે. જેમાંથી ચેન્નઈએ 22 મેચ જીતી અને બેંગલુરુએ 11 મેચ જીતી. જ્યારે એક મેચનું પરિણામ નક્કી થઈ શક્યું ન હતું. તે જ સમયે, બંને ટીમ એમએ ચિદમ્બરમ સ્ટેડિયમમાં 9 વખત ટકરાઈ છે, ચેન્નઈ 8 વખત જીત્યું છે અને બેંગલુરુ ફક્ત 1 વખત જીત્યું છે. આ જીત 2008માં આવી હતી. નૂર CSKનો આ IPLમાં હાઇએસ્ટ વિકેટ ટેકર
ચેન્નઈએ છેલ્લી મેચમાં મુંબઈને હરાવ્યું હતું. આ લો-સ્કોરિંગ મેચમાં સ્પિનર નૂર અહેમદે 4 વિકેટ લીધી હતી. તેને પ્લેયર ઑફ ધ મેચ જાહેર કરવામાં આવ્યો. નૂર ઉપરાંત, જાડેજા અને અશ્વિન સ્પિન ડિપાર્ટમેન્ટને ખૂબ જ મજબૂત બનાવી રહ્યા છે. બેટિંગમાં, રચિન રવીન્દ્રએ 65 રનની અણનમ ઇનિંગ રમી. RCBના બંને ઓપનર્સે છેલ્લી મેચમાં અડધી સદી ફટકારી હતી
RCB માટે છેલ્લી મેચમાં, બંને ઓપનરોએ અડધી સદી ફટકારી હતી. વિરાટ કોહલીએ અણનમ 59 અને ફિલ સોલ્ટે 56 રન બનાવ્યા. ટીમમાં લિયામ લિવિંગસ્ટન, જીતેશ શર્મા અને કૃણાલ પંડ્યા જેવા T20 એક્સપર્ટ્સ છે. કૃણાલ પંડ્યા ટીમનો સૌથી વધુ વિકેટ લેનાર બોલર છે. તેણે KKR સામેની છેલ્લી મેચમાં 3 વિકેટ લીધી હતી અને તેને પ્લેયર ઓફ ધ મેચ જાહેર કરવામાં આવ્યો હતો. પિચ રિપોર્ટ
એમએ ચિદમ્બરમ સ્ટેડિયમની પિચ સ્પિન-ફ્રેન્ડલી છે. અહીં બેટિંગ થોડી મુશ્કેલ છે. અત્યાર સુધીમાં અહીં 86 IPL મેચ રમાઈ ચૂકી છે. 49 મેચ પ્રથમ બેટિંગ કરનારી ટીમે જીતી હતી અને 37 મેચ ચેઝ કરતી ટીમે જીતી હતી. અહીં સૌથી વધુ ટીમ સ્કોર 246/5 છે, જે 2010માં રાજસ્થાન રોયલ્સ સામે યજમાન ટીમ ચેન્નઈ સુપર કિંગ્સે બનાવ્યો હતો. વેધર રિપોર્ટ
આજે ચેન્નઈમાં હવામાન ખૂબ જ ગરમ રહેશે. દિવસભર ભારે તડકો રહેશે અને વરસાદની કોઈ શક્યતા નથી. તાપમાન 26 થી 36 ડિગ્રી વચ્ચે રહેવાની ધારણા છે. બન્ને ટીમની સંભવિત પ્લેઇંગ-12 (ઇમ્પેક્ટ પ્લેયર સહિત)
ચેન્નઈ સુપર કિંગ્સ (CSK): ઋતુરાજ ગાયકવાડ (કેપ્ટન), રચિન રવીન્દ્ર, રાહુલ ત્રિપાઠી, દીપક હુડા, શિવમ દુબે, રવીન્દ્ર જાડેજા, સેમ કરન, એમએસ ધોની (વિકેટકીપર), રવિચંદ્રન અશ્વિન, નૂર અહેમદ, નાથન એલિસ અને ખલીલ અહેમદ. રોયલ ચેલેન્જર્સ બેંગલુરુ (RCB): રજત પાટીદાર (કેપ્ટન), ફિલ સોલ્ટ, વિરાટ કોહલી, લિયામ લિવિંગસ્ટન, જીતેશ શર્મા (વિકેટકીપર), ટિમ ડેવિડ, કૃણાલ પંડ્યા, રાસિખ દાર સલામ, સુયશ શર્મા, જોશ હેઝલવુડ, યશ દયાલ અને દેવદત્ત પડિકલ.
ચેન્નઈમાં CSKને છેલ્લા 17 વર્ષથી હરાવી શકી નથી કોહલીની ટીમ:આજે ગત સીઝનની હારનો બદલો લેવા ઉતરશે ધોની એન્ડ કંપની; હેડ ટુ હેડમાં RCB ક્યાંય પાછળ
