આયોજકોએ નેહા કક્કડની પોલ ખોલી!:સિંગરે કરેલા તમામ આરોપોને ખોટા ગણાવ્યાં, કહ્યું- હોટલમાં મિત્રો સાથે સિગારેટ ફૂંકતી હતી એટલે મોડી પહોંચી

હાલ નેહા કક્કડ એક વિવાદમાં ફસાય છે. સિંગરનો મેલબોર્ન (ઓસ્ટ્રેલિયા)માં કોન્સર્ટ હતો. આ કોન્સર્ટની એક ક્લિપ Reddit પર વાઇરલ થઈ હતી. જેમાં સિંગર હીબકે-હીબકે રડતી હતી તેની પાછળનું કારણ એવું હતું કે કોન્સર્ટમાં સિંગર અઢી કલાક મોડી પહોંચી હતી. જેને લઈ ભીડમાંથી ઘણા લોકોએ હોબાળો કર્યો હતો. જોકે, આ મામલે સ્પષ્ટતા આપતી વખતે નેહાએ બધો દોષો શોના આયોજકો પર નાખ્યો હતો. હવે શોના આયોદકોએ એક નિવેદન બહાર પાડ્યું છે જેમાં તેમણે નેહાના દાવાઓને નકારી કાઢ્યા છે. બીટ્સ પ્રોડક્શને સોશિયલ મીડિયા પર એક સ્ક્રીનશોટ શેર કર્યો છે. આમાં, તેણે બધા બિલ શેર કર્યા અને જણાવ્યું કે નેહાના મેલબોર્ન અને સિડની કોન્સર્ટથી લગભગ 529,000 ડોલર એટલે કે 4.52 કરોડ રૂપિયાનું નુકસાન થયું છે. વધુમાં, પ્રોડક્શન કંપનીએ દાવો કર્યો હતો કે સિડની, મેલબોર્ન અને પર્થમાં ક્રાઉન ટાવર્સે તેમના પર પ્રતિબંધ મૂક્યો હતો. તેમણે એમ પણ કહ્યું કે નેહા અને તેના મિત્રો હોટલના રૂમમાં સ્મોકિંગ પણ કરી રહ્યા હતા. આ જગ્યા નો સ્મોકિંગ ઝોનમાં હતી. એટલું જ નહીં, નેહાએ દાવો કર્યો હતો કે તેને હોટલ અને પરિવહન સુવિધાઓ આપવામાં આવી ન હતી. પ્રોડક્શન કંપનીએ આના પુરાવા તરીકે એક વીડિયો પણ શેર કર્યો છે. શું હતો સમગ્ર મામલો?
તાજેતરમાં સિંગરે મેલબોર્નમાં એક કોન્સર્ટ કર્યો હતો. કોન્સર્ટનો સમય સાંજે 7:30 વાગ્યાનો હતો, પણ નેહા કક્કડ એક કે બે કલાક પછી નહીં પણ અઢી કલાક પછી, રાત્રે 10 વાગ્યે સ્ટેજ પર આવી. ગાયકની રાહ જોઈ રહેલા ચાહકો તેના વિલંબને કારણે ખૂબ ગુસ્સે થયા અને વિરોધમાં સૂત્રોચ્ચાર કરવાનું શરૂ કર્યું. ચાહકોને ગુસ્સે થયેલાં જોઈને નેહા કક્કડ સ્ટેજ પર જ રડવા લાગી. એવા પણ આરોપો હતા કે નેહાએ એક કલાક પણ પરફોર્મ કર્યું ન હતું. નેહાએ ચાહકોની માફી માંગી અને કહ્યું, તમે લોકો ખરેખર ખૂબ સારા છો, તમે ધીરજ રાખી. મને એ વાતનો અફસોસ છે કે તમે લોકો આટલા લાંબા સમયથી રાહ જોઈ રહ્યા છો. મેં મારા જીવનમાં ક્યારેય કોઈને આટલો લાંબો સમય રાહ જોવડાવી નથી. હું ખૂબ જ દુઃખી છું. આ મારા માટે ઘણું મહત્ત્વ ધરાવે છે. મને આ સાંજ હંમેશા યાદ રહેશે. તમે બધાએ મારા માટે સમય કાઢ્યો છે. હું તમને બધાને ચોક્કસ નચાવીશ.’ વાયરલ વીડિયોમાં ચાહકો નેહા વિરુદ્ધ ભારે ટિપ્પણી કરતા જોવા મળ્યા હતા. એક છોકરો બૂમ પાડી રહ્યો છે, ‘આ ઓસ્ટ્રેલિયા છે, ભારત નહીં. તેમાંથી એકે કહ્યું, પાછા જાઓ, હોટેલમાં જાઓ અને આરામ કરો. એક દર્શકે તો તેના રડવા પર ટિપ્પણી કરી અને કહ્યું, આ ઇન્ડિયન આઇડોલ નથી.’ ભાઈ ટોની કક્કડે મેનેજમેન્ટને દોષી ઠેરવ્યું
આ વિવાદ પર નેહા કક્કડના ભાઈ ટોની કક્કડે પણ તેનો બચાવ કર્યો છે. ટોનીએ ગઈકાલે સોશિયલ મીડિયા પર લખ્યું હતું કે, ‘ધારો કે મેં તમને મારા શહેરમાં એક કાર્યક્રમમાં આમંત્રણ આપ્યું છે. તમારી બધી વ્યવસ્થાઓની જવાબદારી લીધી છે – હોટેલ બુકિંગ, એરપોર્ટ પિકઅપ અને ટિકિટ. કલ્પના કરો કે તમે આવો છો અને કંઈ બુક નથી. એરપોર્ટ પર ગાડી નથી, હોટેલ રિઝર્વેશન નથી અને ટિકિટ પણ નથી. આ પરિસ્થિતિમાં, તમે કોને દોષ આપશો?’