રાજકોટની એડીશનલ સેશન્સ કોર્ટ દ્વારા ઐતિહાસિક ચુકાદો આપવામા આવ્યો છે. હરિયાણાના સાઈબર ક્રાઈમ પોલીસ સ્ટેશનના રૂ.70 લાખની ફેસબુક દ્વારા ઈન્વેસ્ટમેન્ટ કરાવી નાણા પરત ન મળતા ઠગાઈના ગુન્હામાં ઝડપાયેલા આરોપીઓએ રાજકોટનાં હેર શેમ્યુ મેન્યુફેક્ચરના વેપારી હર્ષદભાઈ હોથીનુ નામ આપ્યું હોવાથી હરિયાણા સાયબર ક્રાઇમ પોલીસ રાજકોટ આવી હતી. જોકે, તે વખતે તેઓ ઘરે હાજર ન હતા. આ દરમિયાન વેપારીએ વકીલને રોકી રાજકોટની એડીશનલ સેશન્સ કોર્ટમાં આગોતરા માટે અરજી કરી હતી. જેમાં જયારે કોઈ વ્યકિતને મુસાફરી કરતી વખતે અથવા અધિકાર ક્ષેત્રમાં ફરતી વખતે ધરપકડમાંથી કામચલાઉ રાહતની જરૂરીયાત જરૂર હોય ત્યારે ટ્રાન્ઝિટ આગોતરા જામીન અરજી મંજુર કરી શકાય તેવી દલીલોને ધ્યાનમાં રાખી હરિયાણાના સાઈબર ક્રાઈમ પોલીસ સ્ટેશનના ગુન્હામાં 15 દિવસના ટ્રાન્ઝિટ આગોતરા જામીન અરજી મંજુર કરવામાં આવ્યા છે. જે ખૂબજ અપવાદ રૂપ કિસ્સો ગણી શકાય. રાજકોટ શહેરમાં રહેતા અને હેર શેમ્પુનું મેન્યુફેક્ચરનો વેપાર કરતા વેપારી હર્ષદ હોથીને હરીયાણા સાઈબર ક્રાઈમ પોલીસ સ્ટેશનના ગુન્હામાં હરિયાણા પોલીસે રાજકોટ આવી અન્ય આરોપીઓને ધરપકડ કરી ગુજરાતના અલગ-અલગ જીલ્લાનાં આરોપીની આ ગુન્હામાં ધરપકડ કરવામાં આવી છે. જેમાં રાજકોટમાંથી એક આરોપીની ધરપકડ કરતા હરિયાણા પોલીસ હર્ષદભાઈના ઘરે તપાસ કરતા તેઓ ઘરે હાજર ન હોય પોલીસે તેમને ફોન કરી ગુન્હામાં જે આરોપીની ધરપકડ કરી છે. તેને તમારુ નામ આપેલ છે. તમારે અમારી સાથે હરિયાણા આવવાનું છે. જેથી હર્ષદભાઈ ખૂબ જ ડરી ગયા હતા અને તેમણે કોઈ ગુન્હો કરેલ નથી છતા ખોટા ગુન્હામાં સંડોવવામાં આવી રહ્યા છે એવું જણાતા ખરેખર હરિયાણા પોલીસ હતી કે બીજા કોઈ તેમના નામની ઓળખ આપતા હતા. આનાથી માલૂમ પડ્યું કે હરીયાણાના એક વ્યક્તિએ પોતાના ફેસબુક એકાઉન્ટ પરથી એક ઈન્વેસ્ટમેન્ટ માટેની જાહેરાત જોતા તે જાહેરાતમાં આપેલા અલગ-અલગ મોબાઈલ નંબરો પર પોતે સંપર્ક કરી કટકે-કટકે રૂ. 70 લાખ ઉપરનું રોકાણ કર્યુ હતું. આ રોકાણ કર્યા બાદ જાહેરાતમાં આપેલ ફોન નંબર બંધ આવતા અને તેમણે આપેલ પોતાની એપ્લિકેશનથી પૈસા પણ ન ઉપડતા ત્યાં હરિયાણાના ગુરુગ્રામ પોલીસ સ્ટેશનમાં રૂ. 70 લાખ ઉપરની ઠગાઈ થયાની ફરીયાદ આપી હતી. જેમાં આ નાણા ઓનલાઈનની મદદથી અલગ-અલગ એકાઉન્ટમાં ગુજરાત તથા અન્ય રાજ્યોના લોકોનાં બેંક એકાઉન્ટમાં ટ્રાન્સફર થયા હતા. જેની તપાસમાં હરિયાણા આગોતરા જામીન માટે અને પોતે આ ગુન્હામાં કોઈ રોલ ન હોય પોતાને ખોટા કેસમાં ફીટ કરવા માંગતા હોય તેથી તેમણે રાજકોટના યુવા ધારાશાસ્ત્રી રાજેશ બી. ચાવડા ને હરિયાણાના ગુન્હામાં આગોતરા માટે વકીલ તરીકે રોક્યા હતા. જેઓએ રાજકોટથી હરિયાણાના કોર્ટમાં જતા સુધીમાં ગુજરાત કે હરિયાણા પોલીસ પોતે બાય પ્લેન, ટ્રેન કે બસ દ્વારા મુસાફરી કરતા હોય અને ટ્રાવેલીંગ દરમિયાન જો તેમની ધરપકડ કરવામાં આવે તો તેઓનાં ભારતના નાગરિક હોય ભારતીય બંધારણીય મુજબનાં હકકો તેમને મળવા જોઈએ અને પોતે નિર્દોષ છે, જે સાબિત કરવા કોર્ટ કાર્યવાહી કરવા હરિયાણા જવુ પડે તેમ હોય જેથી કાયદાકીય રક્ષણ મેળવવા ટ્રાન્ઝિટ બેલના આગોતરા જામીનની અરજી રાજકોટ એડીશન સેશન્સ કોર્ટમાં દાખલ કરી. જેમાં ગુજરાત સરકાર વતી સરકારી વકીલ,હરીયાણા સરકાર વતી સરકારી વકિલ આ ગુન્હાની તપાસ કરનાર અધિકારી તથા આ ગુન્હાના મુળ ફરીયાદીને રાજકોટ એડીશનલ સેશન્સ કોટમાં ટ્રાન્ઝિટ આગોતરા જામીન અરજી સબંધે રાજકોટ કોર્ટમાં હાજર રહેવા નોટીસ ઈસ્યુ કરી હતી અને ત્યારબાદ બધાને નોટિસ બજી જતા હરીયાણાનાં ગુરુગ્રામ સાઈબર ક્રાઈમ પોલીસ તરફથી આ જામીન નામંજુર કરવા સોગંદનામા સાથે વાંધા રજુ કરવામા આવ્યા હતા કોર્ટ તરફથી સુનાવણી હાથ ધરાતા અરજદાર હર્ષદ અરજણભાઈ હોથીના એડવોકેટ દ્વારા દલીલો કરવામા આવી. જેમાં જણાવ્યું કે, આપ કોર્ટને ટેરીટોરીયલ જયુરીશડીકશન છે. અરજદાર રાજકોટના સ્થાનિક રહેવાસી છે. સુપ્રીમ કોર્ટ દ્વારા જે જજમેન્ટ અમારા દ્વારા રજુ થયેલ છે. તેનાથી સ્પષ્ટ થાય છે કે આપ કોર્ટને આ જામીન અરજી સાંભળવા તથા તેનો નિકાલ કરવા પૂરતી સત્તા અને અધિકાર છે તેમજ વધુમાં જણાવેલ કે, જે એફ.આઈ.આર. થયેલ છે. તેમાં ધરપકડનો ભય છે. અરજદાર સામે કોઈ પ્રથમદર્શી કેસ બનતો નથી. જેથી, અરજદાર હરિયાણા ગુરુગ્રામ કોર્ટમાં આગોતરા જામીન અરજી દાખલ કરવા માંગે છે. ગુરુગ્રામ જતા રસ્તામાં ધરપકડનો ભય છે અને ટ્રાન્ઝિટ જામીન અરજી હતી. સુપ્રીમ કોર્ટ તથા ગુજરાત હાઈકોર્ટના ચુકાદા આ અંગે રજુ કર્યા હતા. સરકાર પક્ષની મહત્વની રજુઆત એવી હતી કે, આરોપી સામે પ્રથમ દ્રષ્ટિએ કેસ છે. તેથી ટ્રાન્ઝિટ આગોતરા જામીન મેળવવા હકદાર નથી, સાયબર ક્રાઈમ દિવસે ને દિવસે વધી રહયો છે તેમજ ગુનામાં અરજદારની સંડોવણી પ્રથમ દ્રષ્ટિએ સ્થાપિત થાય છે. અરજદારની ટ્રાન્ઝિટ આગોતરા ખર્ચ સાથે નામંજુર કરવા ભાર આપવામાં આવ્યો હતો બંને પક્ષોની દલીલો સાંભળયા બાદ કોર્ટ દ્વારા જણાવવામાં આવ્યુ કે, જયારે કોઈ વ્યક્તિને મુસાફરી કરતી વખતે અથવા અધિકારક્ષેત્રમાં ફરતી વખતે ધરપકડમાંથી કામચલાઉ રાહતની જરૂરિયાત જરૂર હોય ત્યારે ટ્રાન્ઝિટ આગોતરા જામીન અરજી મંજુર કરી શકાય છે અને જો ન્યાય અને ન્યાયનાં સિધ્ધાંતો આરોપીને કામચલાઉ રક્ષણ પૂરુ પાડે છે. જેનાથી બિનજરૂરી જોખમ વિના કાનુની કાર્યવાહીમાં ભાગ લઈ શકે છે તો કોર્ટ ટ્રાન્ઝિટ આગોતરા આપી શકે છે. જેથી અરજદારની અરજી ન્યાયોચિત જણાતા રાજકોટના એડી.સેશન્સ જજ ડી.એસ.સીંગે ટ્રાન્ઝિટ આગોતરા જમીન 15 દિવસ માટે મંજુર કરવાનો હુકમ ફરમાવ્યો છે.
