હંમેશા કૂલ રહેતો કાર્તિક આર્યનનો એક વીડિયો સામે આવ્યો છે જે તમને ચોંકાવી દેશે. આ વીડિયોમાં, કાર્તિક આર્યન એક માણસને એટલો ખરાબ રીતે મારે છે કે તે નીચે પડી જાય છે. જોકે, આ વીડિયો ‘આશિકી 3’ના શૂટિંગનો છે. સિક્કિમના ગંગટોકથી ફિલ્મના કેટલાક વીડિયો સામે આવ્યો છે, જેમાં ફિલ્મના શૂટિંગની ઝલક જોઈ જોવા મળી રહી છે. એક વીડિયોમાં કાર્તિક આર્યન સ્ટેજ પર ગિટાર વગાડીને ગીત ગાઈ રહ્યો છે. વીડિયોમાં શ્રીલીલા પાછળ ઉભી છે. કાર્તિકના વીડિયોમાં, લાંબા વાળ અને દાઢી સાથેનો એકદમ ખતરનાક લુક બતાવવામાં આવ્યો છે. બીજા વીડિયોમાં કાર્તિક સ્ટેજ ગિટારથી મારપીટ કરતો નજરે પડે છે. તે વ્યક્તિ પોતાને બચાવવાનો પ્રયાસ કરે છે. પણ કાર્તિક તેની વાત સાંભળતો નથી અને તેને ખૂબ માર મારે છે. જ્યારે તે વ્યક્તિ જમીન પર પડે છે, ત્યારે પણ કાર્તિક અટકતો નથી. કાર્તિકનો પહેલી વખત આવો અંદાજ જોવા મળશે. આ ફિલ્મનું ડિરેક્શન અનુરાગ બાસુ કરી રહ્યા છે અને પ્રીતમનું મ્યૂઝિક સાંભળવા મળશે. આ ફિલ્મમાં કાર્તિક શ્રીલીલા સાથે જોવા મળશે, એક્ટ્રેસ આ ફિલ્મથી બોલિવૂડમાં ડેબ્યૂ કરી રહી છે. આ દરમિયાન, એવું કહેવામાં આવી રહ્યું છે કે કાર્તિક અને શ્રીલીલા વચ્ચે એકબીજાની નજીક આવી રહ્યા છે, અને કેટલાક અહેવાલોમાં એવો પણ દાવો કરવામાં આવ્યો છે કે તે એકબીજાને ડેટ કરી રહ્યા છે. જોકે, આ બાબતે હજુ સુધી કાર્તિક કે શ્રીલીલા તરફથી કોઈ પ્રતિક્રિયા આવી નથી. આ વીડિયો સામે આવ્યા બાદ, ચાહકો સોશિયલ મીડિયા પર પ્રતિક્રિયા આપી રહ્યા છે. ‘આશિકી 3’નું શૂટિંગ હાલમાં ચાલી રહ્યું છે અને ફિલ્મની રિલીઝ તારીખ અંગે કોઈ સત્તાવાર માહિતી આપવામાં આવી નથી. ‘આશિકી’ 1990 માં રિલીઝ થઈ હતી
‘આશિકી’ ફ્રેન્ચાઇઝીની વાત કરીએ તો, પહેલી ફિલ્મ 1990માં સિનેમાઘરોમાં રિલીઝ થઈ હતી, જેમાં રાહુલ રોય અને અનુ અગ્રવાલ મુખ્ય ભૂમિકામાં હતા. આ ફિલ્મ મહેશ ભટ્ટના દિગ્દર્શન હેઠળ બનાવવામાં આવી હતી. આ પછી, 2013માં ‘આશિકી 2’ રિલીઝ થઈ, આ ફિલ્મમાં આદિત્ય રોય કપૂર અને શ્રદ્ધા કપૂર મુખ્ય ભૂમિકામાં જોવા મળ્યા હતા. આ ફિલ્મનું દિગ્દર્શન મોહિત સૂરી દ્વારા કરવામાં આવ્યું હતું. આ ફિલ્મે વિશ્વભરમાં 5 કરોડ રૂપિયાની કમાણી કરી હતી
‘આશિકી’ ફ્રેન્ચાઇઝી બોક્સ ઓફિસ પર સુપરહિટ સાબિત થઈ. ફિલ્મના કલેક્શન વિશે વાત કરીએ તો, સક્કિનલ્કના મતે, આશિકીનું ભારતમાં કુલ કલેક્શન રૂ. 4.50 કરોડ હતું. આ ફિલ્મે વિશ્વભરમાં ₹5 કરોડની કમાણી કરી. ‘આશિકી’ ફિલ્મ 80 લાખ રૂપિયાથી પણ ઓછા બજેટમાં બની હતી. અહેવાલો અનુસાર, ફિલ્મના શો 6 મહિના સુધી હાઉસફુલ રહ્યા. ‘આશિકી 2’ એ તેના બજેટ કરતાં સાત ગણી કમાણી કરી
ફિલ્મ ‘આશિકી 2’નું બજેટ 15 કરોડ રૂપિયા હતું. આ ફિલ્મે પહેલા ચાર અઠવાડિયામાં તેના બજેટ કરતાં સાત ગણી કમાણી કરી. આ ફિલ્મે બોક્સ ઓફિસ પર 109 કરોડ રૂપિયાથી વધુની કમાણી કરી હતી. આ ફિલ્મ 2013 ની સૌથી વધુ કમાણી કરનારી હિન્દી ફિલ્મોમાંની એક હતી.
લાંબા વાળ, વધેલી ડાઢી અને ગિટારથી મારપીટ!:’આશિકી 3’ના શૂટિંગનો વીડિયો વાઈરલ, કાર્તિક આર્યન-શ્રીલીલાની જોડીને જોવા ફેન્સ ઉત્સાહિત
