આજે કોહલી Vs ગિલ વચ્ચે મુકાબલો:હેડ ટુ હેડ રેકોર્ડ્સમાં બેંગલુરુ આગળ; ચિન્નાસ્વામીની બેટિંગ પિચ પર હાઇ સ્કોરિંગ મેચ જોવા મળી શકે

IPL 2025ની 14મી મેચ આજે રોયલ ચેલેન્જર્સ બેંગલુરુ (RCB) અને ગુજરાત ટાઇટન્સ (GT) વચ્ચે રમાશે. આ મેચ બેંગલુરુના હોમ ગ્રાઉન્ડ એમ ચિન્નાસ્વામી સ્ટેડિયમમાં સાંજે 7:30 વાગ્યે રમાશે. આ સીઝનમાં બંને ટીમ પહેલી વાર એકબીજા સામે ટકરાશે. ગત સીઝનમાં બન્ને ટીમ બે વાર એકબીજા સામે ટકરાઈ હતી. બેંગલુરુ બન્નેમાં જીત્યું હતું. RCBએ બે મેચમાં બે જીત સાથે 4 પોઈન્ટ સાથે પોઈન્ટ ટેબલમાં ટોચ પર છે. તે જ સમયે, ગુજરાત બે મેચમાં એક જીતથી 2 પોઈન્ટ સાથે ચોથા સ્થાને છે. મેચ ડિટેઇલ્સ, 14મી મેચ
RCB Vs GT
તારીખ: 2 એપ્રિલ
સ્ટેડિયમ: એમ ચિન્નાસ્વામી સ્ટેડિયમ, બેંગલુરુ
ટૉસ: સાંજે 7:00 વાગ્યે, મેચ શરૂ : સાંજે 7:30 વાગ્યે બેંગલુરુ હેડ ટુ હેડમાં આગળ IPLમાં ગુજરાત અને બેંગલુરુ વચ્ચે કુલ 5 મેચ રમાઈ છે. બેંગલુરુએ 3માં જીત મેળવી, જ્યારે ગુજરાતે 2માં જીત મેળવી. તે જ સમયે, બંને ટીમ એમ ચિન્નાસ્વામી સ્ટેડિયમ ખાતે ત્રીજી વખત એકબીજાનો સામનો કરશે. આ પહેલા રમાયેલી બે મેચમાં બન્નેએ 1-1થી જીત મેળવી હતી. કોહલી RCBનો ટૉપ સ્કોરર વિરાટ કોહલી RCBનો ટૉપ સ્કોરર છે. પોતાની છેલ્લી મેચમાં તેણે ચેન્નઈ સામે 30 બોલમાં 31 રન બનાવ્યા હતા. તેણે પહેલી મેચમાં કોલકાતા સામે અણનમ 59 રન બનાવ્યા હતા. કેપ્ટન રજત પાટીદાર બીજા નંબરે છે. તેણે છેલ્લી મેચમાં ચેન્નઈ સામે 32 બોલમાં 51 રન બનાવ્યા હતા. આ સીઝનમાં તેણે બે મેચમાં 85 રન બનાવ્યા છે. બોલિંગમાં, જોશ હેઝલવુડ 5 વિકેટ સાથે ટોચ પર છે. સુદર્શને બંને મેચમાં ફિફ્ટી ફટકારી ગુજરાતના ટૉપ સ્કોરર સાઈ સુદર્શને આ સીઝનમાં રમાયેલી બંને ઇનિંગ્સમાં અડધી સદી ફટકારી છે. તેણે મુંબઈ સામેની છેલ્લી મેચમાં 63 રન બનાવ્યા હતા. તેણે પહેલી મેચમાં પંજાબ સામે 74 રનની ઇનિંગ રમી હતી. જ્યારે આર સાઈ કિશોરે 2 મેચમાં 4 વિકેટ લીધી છે. તે ટીમ માટે સૌથી વધુ વિકેટ લેનાર બોલર છે. પિચ રિપોર્ટ
બેંગલુરુના એમ ચિન્નાસ્વામી સ્ટેડિયમની પિચ બેટર્સ માટે મદદરૂપ સાબિત થાય છે. IPLમાં, આ મેદાન પર 200 થી વધુનો સ્કોર સરળતાથી બનાવી શકાય છે અને તેનો ચેઝ પણ કરી શકાય છે. આગામી મેચમાં પણ પિચ બેટિંગ માટે સરળ બની શકે છે. ટૉસ જીતનાર ટીમ પહેલા બોલિંગ કરવાનો નિર્ણય લઈ શકે છે. અત્યાર સુધીમાં અહીં 95 IPL મેચ રમાઈ ચૂકી છે. 41 મેચમાં પ્રથમ બેટિંગ કરનારી ટીમ અને 50 મેચમાં ચેઝ કરતી ટીમ જીતી છે. અહીં પણ ચાર મેચ અનિર્ણિત રહી. વેધર અપડેટ
2 એપ્રિલે બેંગલુરુમાં આંશિક રીતે તડકો અને વાદળછાયું વાતાવરણ રહેશે. વરસાદની શક્યતા માત્ર 3% છે. આ દિવસે અહીં તાપમાન 20 થી 33 ડિગ્રી સેલ્સિયસની વચ્ચે રહેશે. બન્ને ટીમની સંભવિત પ્લેઇંગ-12 (ઇમ્પેક્ટ પ્લેયર સહિત)
રોયલ ચેલેન્જર્સ બેંગલુરુ (RCB): રજત પાટીદાર (કેપ્ટન), ફિલ સોલ્ટ, વિરાટ કોહલી, દેવદત્ત પડિકલ, લિયામ લિવિંગસ્ટન, જીતેશ શર્મા (વિકેટકીપર), ટિમ ડેવિડ, કૃણાલ પંડ્યા, ભુવનેશ્વર કુમાર, જોશ હેઝલવુડ, યશ દયાલ, સુયશ શર્મા. ગુજરાત ટાઇટન્સ (GT): શુભમન ગિલ (કેપ્ટન), સાઈ સુદર્શન, જોસ બટલર, શાહરૂખ ખાન, શેરફાન રૂધરફોર્ડ, રાહુલ તેવટિયા, રાશિદ ખાન, કાગીસો રબાડા, આર સાઈ કિશોર, મોહમ્મદ સિરાજ, પ્રસિદ્ધ ક્રિષ્ના, ઈશાંત શર્મા.