અભિષેક બચ્ચન અને ઐશ્વર્યા રાય થોડા સમય પહેલા છૂટાછેડાના સમાચારને કારણે હેડલાઇન્સમાં હતા. પરંતુ, આ પ્રકારની ખબરો પછી પણ બંને ઘણી વાર સાથે જોવા મળ્યા. તાજેતરમાં અભિષેક-ઐશ્વર્યા પુત્રી આરાધ્યા સાથે એક લગ્નમાં હાજરી આપી હતી. જેમાં ઐશ્વર્યા-અભિષેક અને તેમની લાડકીએ ‘કજરા રે’ સોન્ગ પર ડાન્સ કર્યો હતો. 2005માં રિલીઝ થયેલી ફિલ્મ ‘બંટી ઔર બબલી’નું ‘કજરા રે’ સોન્ગ આજ પણ લોકોના પ્લે લિસ્ટ સામેલ હશે. આ સોન્ગ અમિતાભ બચ્ચન, અભિષેક બચ્ચન અને ઐશ્વર્યા રાયની ત્રિપુટીએ ડાન્સ કર્યો હતો. 20 વર્ષ બાદ ફરી ઐશ્વર્યા-અભિષેક આજ સોન્ગ પર ડાન્સ કર્યો પરંતુ આ વખતે ‘બિગ બી’ની જગ્યાએ તેમની લાડકીએ આ ત્રિપુટી પૂર્ણ કરી હતી. અભિષેક-ઐશ્વર્યા રવિવારે પુણેમાં એક્ટ્રેસની કઝિન શ્લોકા શેટ્ટીના ભાઈના લગ્નમાં હાજર રહ્યા હતા. લગ્નના કેટલાક ફોટા અને વીડિયો સોશિયલ મીડિયા પર સામે આવ્યા છે. તસવીરોમાં આરાધ્યા સફેદ લહેંગા પહેરેલી જોવા મળી રહી છે. આરાધ્યાએ પોતાના દેશી લુક સાથે ન્યૂનતમ મેકઅપ પણ કર્યો. ઐશ્વર્યા લીલા રંગના અનારકલી સૂટમાં જોવા મળી હતી, જ્યારે અભિષેક પીચ રંગનો ઇન્ડો-વેસ્ટર્ન સૂટ પહેરેલો જોવા મળ્યો હતો. આ વીડિયો સામે આવ્યા પછી, ફેન્સ ડાન્સના ખૂબ જ વખાણ કરી રહ્યા છે. એક યુઝરે લખ્યું- બંનેને સાથે જોઈને સારું લાગી રહ્યુ છે, હું ઈચ્છું છું કે બંને હંમેશા સાથે રહે. જ્યારે બીજા યુઝરે લખ્યું- ઘણા વિવાદો પછી, પરિવારની જીતી. ઐશ્વર્યા-અભિષેકનો આ વીડિયો આપણને IIFA એવોર્ડ્સના પર્ફોર્મન્સની યાદ અપાવે છે. આ દંપતીએ વર્ષો પહેલા IIFAમાં આ ગીત પર પરફોર્મ કર્યું હતું. છૂટાછેડાના સમાચારને કારણે અભિષેક-ઐશ્વર્યા હેડલાઇન્સમાં હતા
થોડા સમય પહેલા, ઐશ્વર્યા રાય અને અભિષેક બચ્ચન તેમના છૂટાછેડાની ખબરોને લઈને સમાચારમાં હતા. તેમના છૂટાછેડાની અફવાઓ વચ્ચે બંનેએ જુલાઈમાં અનંત-રાધિકાના લગ્નમાં અલગ-અલગ એન્ટ્રી કરી અને સમગ્ર લગ્ન દરમિયાન તેઓ સાથે જોવા મળ્યા નહોતા. આ પછી, ઐશ્વર્યા રાય તેની પુત્રી સાથે વેકેશન પર પણ ગઈ હતી, ત્યારે પણ અભિષેક તેની સાથે હાજર નહોતો. જોકે, તાજેતરમાં જ ઐશ્વર્યા અને અભિષેક બચ્ચન કેટલીક ઇવેન્ટ્સમાં સાથે જોવા મળ્યા હતા. જે બાદ તેમના છૂટાછેડાના સમાચાર ખોટા સાબિત થયા. ઐશ્વર્યા રાય બચ્ચન અને અભિષેક બચ્ચને થોડા અઠવાડિયા પહેલા મુંબઈમાં ડિરેક્ટર આશુતોષ ગોવારિકરના પુત્ર કોણાર્કના લગ્નમાં હાજરી આપી હતી. ઐશ્વર્યાએ આશુતોષ ગોવારિકર દિગ્દર્શિત ફિલ્મ ‘જોધા અકબર’ (2008) માં કામ કર્યું હતું. ડિસેમ્બરની શરૂઆતમાં, બંને એક હાઇ-પ્રોફાઇલ પાર્ટીમાં સાથે જોવા મળ્યા હતા. બંને તેમની પુત્રી આરાધ્યાના જન્મદિવસની પાર્ટીમાં પણ સાથે જોવા મળ્યા હતા. ઐશ્વર્યા રાય છેલ્લે ફિલ્મ ‘પોન્નિયિન સેલવન: II’ માં જોવા મળી હતી
વર્કફ્રન્ટની વાત કરીએ તો, ઐશ્વર્યા રાય બચ્ચન છેલ્લે સાઉથ ફિલ્મ ડિરેક્ટર મણિરત્નમની ફિલ્મ ‘પોન્નિયિન સેલવન: II’ માં જોવા મળી હતી. આ દરમિયાન, એક સમાચાર આવ્યા જેમાં કહેવામાં આવ્યું કે બંને ટૂંક સમયમાં એક ફિલ્મમાં સાથે જોવા મળશે. મણિરત્નમ આ બંને પર ફિલ્મ બનાવવાનું વિચારી રહ્યા છે. ઐશ્વર્યા અને અભિષેકે 2007 માં લગ્ન કર્યા હતા
અભિષેક બચ્ચન અને ઐશ્વર્યા રાયના લગ્ન વર્ષ 2007 માં થયા હતા. બંનેના લગ્નને 17 વર્ષ થઈ ગયા છે. બંનેને એક દીકરી પણ છે, જેનું નામ આરાધ્યા છે. છેલ્લા ઘણા સમયથી ઐશ્વર્યા અને અભિષેક વચ્ચે અલગ થવાના સમાચાર આવી રહ્યા છે.
20 વર્ષ બાદ ‘બિગ બી’ની જગ્યા આરાધ્યાએ લીધી:ઐશ્વર્યા-અભિષેક અને તેમની લાડકી ‘કજરા રે’ પર ઠુમક્યા, ડાન્સ જોઈ ફેન્સ ફિદા
