સલમાન ખાનની ફિલ્મ ‘સિકંદર’ 30 માર્ચે ઈદના તહેવાર પર રિલીઝ થઈ હતી. રિલીઝના ચાર દિવસમાં ફિલ્મે 84.25 કરોડની જ કમાણી જ કરી છે. સેકેનિલ્કના મતે, ફિલ્મે તેના ચોથા દિવસે એટલે કે બુધવારે 9.75 કરોડ રૂપિયાની કમાણી કરી હતી. ઉપરાંત, ફિલ્મે વિશ્વભરમાં 141 કરોડ રૂપિયાનો આંકડો પણ પાર કરી લીધો છે. ‘સિકંદર’નું અત્યાર સુધીનું કલેક્શન સલમાનની અગાઉની ફિલ્મોના કલેક્શન પર એક નજર…
વર્ષ 2023માં, સલમાન ખાનની ફિલ્મ ટાઇગર 3 રિલીઝ થઈ હતી. આ ફિલ્મે ભારતીય બોક્સ ઓફિસ પર 339 કરોડ રૂપિયાની કમાણી કરી હતી. તે જ વર્ષે, ‘કિસી કા ભાઈ કિસી કી જાન’ પણ રિલીઝ થઈ, જેણે 175 કરોડ રૂપિયાની કમાણી કરી. સલમાનની સ્ક્રિપ્ટની પસંદગીને કારણે તેનો સ્ટારડમ ઝાંખો પડી ગયો
સલમાન ખાનની છેલ્લી 5 રિલીઝ થયેલી ફિલ્મો પર નજર કરીએ તો સ્પષ્ટ થાય છે કે 2023 માં આવેલી ટાઇગર 3 સિવાય, તેની કોઈ પણ ફિલ્મ બોક્સ ઓફિસ પર કોઈ ખાસ કમાલ કરી શકી નથી. કારણ ફિલ્મોની સ્ટોરી અને પ્લોટ એક સરખા જ છે. ફિલ્મ ‘ટાઈગર 3’ સિવાય, આ બધી ફિલ્મોની વાર્તાઓ લગભગ સમાન હતી. એક હીરો છે જે એકલા હાથે મોટા લોકો સામે લડે છે અને પોતાના પરિવારનો બદલો લે છે. તેમની તાજેતરમાં રિલીઝ થયેલી ફિલ્મ ‘સિકંદર’ની વાર્તા પણ આનાથી અલગ નથી. આ વાર્તા રાજકોટના રાજા સંજયની છે જે એક મંત્રી સાથે ઝઘડો કરે છે અને પછી ઝઘડો વ્યક્તિગત બની જાય છે અને અંતે હીરો જીતે છે. ફિલ્મો ફ્લોપ થવાનું એક મોટું કારણ ઉંમરનો તફાવત પણ છે
‘સિકંદર’ની રિલીઝ પહેલા, સલમાન ખાન અને તેની હિરોઈન રશ્મિકા મંદાના વચ્ચે ઉંમરનો તફાવત એક મોટો મુદ્દો હતો. બંને વચ્ચે 31 વર્ષનો તફાવત હતો. ફિલ્મોમાં ગમે તેટલું VFX હોય, આ અંતરને અવગણી શકાય નહીં. સલમાનની પાછલી ફ્લોપ ફિલ્મોમાં પણ આ વાત સામાન્ય હતી. ‘કિસી કા ભાઈ કિસી કી જાન’માં, સલમાને પૂજા હેગડે સાથે કામ કર્યું હતું જે તેના કરતા 25 વર્ષ નાની છે. ‘રાધે’માં દિશા પટણી સાથે જે તેના કરતા 27 વર્ષ નાની છે. સ્વાભાવિક છે કે, ‘ટાઇગર 3’ માં આ બહુ અનુભવાયું ન હતું કારણ કે સલમાન ખાન અને કેટરિના કૈફની જોડી બોલિવૂડના પ્રિય યુગલોમાંની એક છે, જેઓ ‘પાર્ટનર’, ‘મૈંને પ્યાર કિયા’, ‘એક થા ટાઇગર’ અને ‘ટાઇગર ઝિંદા હૈ’ જેવી સુપરહિટ ફિલ્મોમાં સાથે દેખાયા છે. સલમાન ખાનની આગામી ફિલ્મો
‘સિકંદર’ના બોક્સ ઓફિસ પર મરણિયા પ્રયાસ!:ચાર દિવસમાં માંડ ₹84 કરોડની કમાણી કરી, જાણો સલમાનની છેલ્લી કેટલીક ફિલ્મોના રેકોર્ડ્સ
