રાજસ્થાનની શાનદાર બોલિંગે પંજાબને પહેલી હાર આપી:રોયલ્સ 50 રનથી જીત્યું, યશસ્વીની ફિફ્ટી; આર્ચરને 3 વિકેટ

રાજસ્થાન રોયલ્સે શાનદાર બોલિંગના આધારે પંજાબ કિંગ્સને પહેલી હાર અપાવી હતી. મુલ્લાનપુરના મહારાજા યાદવિન્દ્ર સિંહ સ્ટેડિયમમાં રાજસ્થાને 4 વિકેટ ગુમાવીને 205 રન બનાવ્યા. જવાબમાં પંજાબની ટીમ 9 વિકેટ ગુમાવીને માત્ર 155 રન જ બનાવી શકી હતી. 5 પોઈન્ટમાં મેચ એનાલિસિસ … 1. પ્લેયર ઓફ ધ મેચ રાજસ્થાન 206 રનનો ટારગેટ ડિફેન્ડ કરવા ઉતર્યું અને જોફ્રા આર્ચરની પહેલી જ ઓવરમાં 2 વિકેટ ગુમાવી દીધી. તેણે પહેલા બોલ પર પ્રિયાંશ આર્યને અને છઠ્ઠા બોલ પર કેપ્ટન શ્રેયસ ઐયરને બોલ્ડ આઉટ કર્યો. તેની બોલિંગે પંજાબ કિંગ્સને બેકફૂટ પર ધકેલી દીધી. આર્ચરે આખરે અર્શદીપ સિંહને પણ પેવેલિયન મોકલી દીધો. 2. જીતનો હીરો
3. ફાઇટર ઓફ ધ મેચ પંજાબ તરફથી નેહલ વાઢેરાએ 62 રનની ઇનિંગ રમી. તેણે ગ્લેન મેક્સવેલ સાથે પાંચમી વિકેટ માટે 88 રનની પાર્ટનરશિપ પણ કરી. જ્યાં સુધી વાઢેરા મેદાન પર હતો ત્યાં સુધી પંજાબ વિજયની નજીક દેખાતું હતું. વાઢેરાના આઉટ થતાં જ ટીમ વિખેરાઈ ગઈ અને ટારગેટ પુરો કરી શકી નહીં.
4. ધ ટર્નિંગ પોઈન્ટ 206 રનના લક્ષ્યાંકનો પીછો કરતા પંજાબે 43 રનમાં પોતાની પહેલી ચાર વિકેટ ગુમાવી દીધી હતી. ટીમ મિડલ ઓવરોમાં જ સંભાળી શકી હતી કે 131 રનથી 151 રન બનાવીને વધુ 5 વિકેટ ગુમાવી દીધી હતી. સતત વિકેટ ગુમાવવી એ પંજાબની હારનો સૌથી મોટો ટર્નિંગ પોઈન્ટ સાબિત થયો. 5. મેચ રિપોર્ટ પ્રથમ બેટિંગ કરતા, રોયલ્સે યશસ્વી અને કેપ્ટન સંજુ સેમસનથી મજબૂત શરૂઆત કરી. બંનેએ મળીને 89 રનની ઓપનિંગ પાર્ટનરશિપ કરી. સેમસન 38 રન બનાવીને આઉટ થયો હતો. તેના પછી, રિયાન પરાગે 43 અને યશસ્વી જયસ્વાલે 67 રન બનાવીને ટીમનો સ્કોર 205 રન સુધી પહોંચાડ્યો. મોટા ટારગેટ સામે પંજાબની શરૂઆત ખૂબ જ ખરાબ રહી હતી. ટીમે પહેલી ઓવરમાં જ 2 વિકેટ ગુમાવી દીધી. ટીમે 43 રન સુધી પહોંચવા માટે વધુ 2 વિકેટ ગુમાવી. નેહલ વાઢેરા અને ગ્લેન મેક્સવેલે ઇનિંગ્સને સંભાળવાનો પ્રયાસ કર્યો, પરંતુ તે બંને આઉટ થતાં જ ટીમ રન ચેઝમાં પડી ભાંગી. રાજસ્થાન તરફથી મહેશ તીક્ષણાએ અને સંદીપ શર્માએ 2-2 વિકેટ લીધી. આ રમતગમતના સમાચાર પણ વાંચો… IPL મેચ મોમેન્ટ્સ આર્ચરે પહેલી ઓવરમાં 2 બોલ્ડ કર્યા: યાનસને રાયનનો કેચ છોડ્યો; જુરેલે ડાઇવિંગ કેચ કરીને વાઢેરાને આઉટ કર્યો IPL-18ની 18મી મેચમાં, રાજસ્થાન રોયલ્સ (RR)એ પંજાબ કિંગ્સ (PBKS)ને 50 રનથી હરાવ્યું. શનિવારે મુલ્લાનપુરમાં રસપ્રદ મોમેન્ટ્સ જોવા મળી. માર્કો યાનસન રિયાન પરાગનો કેચ ચૂકી ગયો. મુલ્લાનપુરમાં સૌથી વધુ રન બન્યા. જોફ્રા આર્ચરે પહેલી ઓવરમાં 2 બોલ લીધા. ધ્રુવ જુરેલે વાઢેરાનો ડાઇવિંગ કેચ ઝડપ્યો.