મહેસાણા સિવિલ હોસ્પિટલમાં આજે મહત્વપૂર્ણ આરોગ્ય સાધનોનું લોકાર્પણ કરવામાં આવ્યું. મહેસાણાના ધારાસભ્ય મુકેશ પટેલે આ કાર્યક્રમમાં ઉપસ્થિત રહી લોકાર્પણ કર્યું હતું. ઉત્તર ગુજરાત વીજ વિતરણ કંપની લિમિટેડ (UGVCL)ના કોર્પોરેટ સોસિયલ રિસ્પોન્સિબિલિટી (CSR) ફંડમાંથી આ સાધનો માટે 42 લાખ રૂપિયાનો ખર્ચ કરવામાં આવ્યો છે. હોસ્પિટલમાં નવા ઉપકરણોમાં સોનોગ્રાફી મશીન, બેબીવોર્મર અને એનેસ્થેસિયા ટ્રોલીનો સમાવેશ થાય છે. આ નવા આરોગ્ય સાધનોથી હોસ્પિટલની સેવાઓમાં નોંધપાત્ર સુધારો થશે. દર્દીઓને વધુ સારી અને આધુનિક સારવાર મળી શકશે. સિવિલ હોસ્પિટલની આરોગ્ય સેવાઓ વધુ સક્ષમ અને સુવિધાજનક બનશે. આ સાધનોથી હોસ્પિટલની સેવાકીય ક્ષમતામાં વધારો થશે.
