IPL-18ની 24મી મેચમાં દિલ્હી કેપિટલ્સે રોયલ ચેલેન્જર્સ બેંગલુરુને 6 વિકેટથી હરાવીને પોતાની ચોથી જીત નોંધાવી. 10 એપ્રિલે ગુરુવારે RCBના 164 રનના જવાબમાં DCએ KL રાહુલના અણનમ 93 રનની મદદથી 4 વિકેટે 169 રન બનાવ્યા અને 13 બોલ બાકી રહેતા મેચ જીતી લીધી. ચિન્નાસ્વામી સ્ટેડિયમમાં રસપ્રદ ક્ષણો જોવા મળી. વિપ્રાજ નિગમે ફિલ સોલ્ટને રન આઉટ કર્યો. મિચેલ સ્ટાર્કના ડાઇવિંગ કેચથી વિરાટ કોહલી આઉટ થયો. રજત પાટીદારે રાહુલનો કેચ છોડ્યો. તેણે સિક્સર ફટકારીને મેચ જીતી લીધી. બેંગલુરુએ IPLમાં પોતાની બીજી સૌથી ઝડપી અડધી સદી ફટકારી. વાંચો DC Vs RCB મેચની ટોપ મોમેન્ટ્સ… 1. વિપરાજે સોલ્ટને રન આઉટ કર્યો ચોથી ઓવરના પાંચમા બોલ પર ફિલ સોલ્ટ રન આઉટ થયો. અક્ષર પટેલની ઓવરના પાંચમા બોલ પર સોલ્ટે શોર્ટ કવર પર શોટ રમ્યો અને રન માટે દોડ્યો, પરંતુ વિરાટ કોહલીએ તેને રોકી દીધો. ત્યાં ઉભેલા વિપરાજ નિગમે બોલ વિકેટકીપર કેએલ રાહુલ તરફ ફેંક્યો અને તેણે સોલ્ટને 37 રન પર આઉટ કર્યો. 2. સ્ટાર્કના ડાઇવિંગ કેચથી કોહલી આઉટ બેંગલુરુની ઇનિંગની 7મી ઓવરમાં વિરાટ કોહલી કેચ આઉટ થયો. વિપરાજની ઓવરના છેલ્લા બોલ પર કોહલીએ આગળનો શોટ રમ્યો, પરંતુ બોલને સારી રીતે ટાઈમ ના કરી શક્યો. મિચેલ સ્ટાર્ક, લોંગ ઓફ પર ઊભો હતો, આગળ દોડ્યો, ડાઇવ મારી અને કેચ પકડ્યો. કોહલીએ 22 રન બનાવ્યા. 3. રજતથી રાહુલનો કેચ છૂટ્યો કેપ્ટન રજત પાટીદારે 5 રન પર કેએલ રાહુલને જીવનદાન આપ્યું હતું. યશ દયાલે ત્રીજી ઓવરનો બીજો બોલ સામેની તરફ ફેંક્યો. રાહુલે મોટો શોટ રમ્યો. મિડ-ઓફ પર ઊભેલા રજતે પાછળ દોડીને ડાઇવ મારી પણ બોલ તેના હાથને વાગ્યો અને ગ્રાઉન્ડ પર પડ્યો. 4. રાહુલે સિક્સર ફટકારીને મેચ જીતાડી 18મી ઓવરના છેલ્લા બોલ પર કેએલ રાહુલે સિક્સર ફટકારીને દિલ્હીના પક્ષમાં મેચ જીતી લીધી. ઓવરના પાંચમા બોલ પર યશ દયાલે ફુલ ટોસ ફેંક્યો. રાહુલે ફ્લિક શોટ રમ્યો અને બોલ ડીપ ફાઇન લેગ ઉપરથી સ્ટેન્ડમાં ગયો. ફેક્ટ્સ:
