શત્રુઘ્ન સિંહા તેમની શક્તિશાળી ડાયલોગ ડિલિવરી માટે જાણીતા છે. શત્રુઘ્નની પડદા પર બોલવાની પોતાની આગવી શૈલી હતી. જ્યારે પણ તેઓ કોઈ ડાયલોગ બોલતા ત્યારે થિયેટર તાળીઓથી ગૂંજી ઉઠતા, પરંતુ મુકેશ ખન્નાએ શત્રુઘ્ન સિંહા પર તેમના સમગ્ર કારકિર્દી દરમિયાન નકલી અવાજનો ઉપયોગ કરવાનો આરોપ પણ લગાવ્યો છે. મુકેશ ખન્નાએ શાર્દુલોજી યુટ્યુબ ચેનલને આપેલા ઇન્ટરવ્યૂમાં શત્રુઘ્ન સિંહા પર આરોપ લગાવ્યો અને કહ્યું કે તેઓ હંમેશા નકલી અવાજમાં બોલ્યા છે. પોતાની કારકિર્દી દરમ્યાન નકલી અવાજનો ઉપયોગ કર્યો છે. જ્યારે તેમણે પોતે ટીવી પર ‘શક્તિમાન’ અને ‘ભિષ્મ પિતામહ’ની ભૂમિકાઓ કોઈ પણ ડર વગર ભજવી હતી અને સંવાદો તેમની અંદરથી જ આવતા હતા. મુકેશ ખન્નાએ કહ્યું- શત્રુઘ્ન સિંહા મારા ખૂબ સારા મિત્ર છે અને અમે ઘણા પ્રોજેક્ટ્સમાં સાથે કામ કર્યું છે. મને તમને જણાવતાં દુઃખ થાય છે કે તે હંમેશા નકલી અવાજમાં બોલ્યા છે. તમે કદાચ નોંધ્યું હશે કે, તે પેટમાંથી નહીં, પણ ગળામાંથી બોલે છે. ખામૌશ… તેના ગળામાંથી નીકળે છે. તેમણે પોતાના ખોટા અવાજથી છાપ ઉભી કરી અને તે તેના માટે કામ કરી ગયું. મુકેશ ખન્નાએ વધુમાં કહ્યું કે ફિલ્મ ‘દોસ્ત’ (1974) એકમાત્ર એવી ફિલ્મ છે જેમાં શત્રુઘ્ન સિંહાએ પોતાના વાસ્તવિક અવાજનો ઉપયોગ કર્યો હતો. આ પહેલી વાર નથી જ્યારે મુકેશ ખન્નાએ શત્રુઘ્ન સિંહા પર કટાક્ષ કર્યો હોય. આ પહેલા પણ મુકેશ ખન્નાએ સોનાક્ષી સિન્હા અને શત્રુઘ્ન સિંહા પર ટોણો માર્યો હતો. તેમણે સોનાક્ષીને રામાયણ વિશે જાણકારી ન હોવા માટે એક્ટ્રેસના પિતા શત્રુઘ્ન સિંહાને જવાબદાર ઠેરવ્યા હતા. મુકેશ ખન્નાએ સિદ્ધાર્થ કન્નન સાથેની વાતચીતમાં કહ્યું હતું કે – મને લાગે છે કે આજકાલ બાળકોને માર્ગદર્શનની ખૂબ જરૂર છે. નવી પેઢીના બાળકો ભટકી રહ્યા છે. ગર્લફ્રેન્ડ-બોયફ્રેન્ડ એકબીજા સાથે ફરતા રહે છે. આજના બાળકો ઇન્ટરનેટના કારણે ભટકી ગયા છે. તેમને તેમના દાદા-દાદીના નામ પણ યાદ નથી. એક છોકરીને ખબર પણ નહોતી કે ભગવાન હનુમાન કોના માટે સંજીવની ઔષધિ લાવ્યા હતા. જ્યારે તે છોકરી શત્રુઘ્ન સિંહાની પુત્રી છે. તે વાતચીતમાં મુકેશ ખન્નાએ કહ્યું હતું કે સોનાક્ષીના અધૂરા જ્ઞાન માટે તેના પિતા શત્રુઘ્ન સિંહા જવાબદાર છે. તેના ભાઈઓના નામ લવ અને કુશ છે, અને ઘરનું નામ રામાયણ છે, છતાં તેને રામાયણનું કોઈ જ્ઞાન નથી. મુકેશ ખન્નાએ આગળ કહ્યું – તે સમયે લોકો ખૂબ ગુસ્સે હતા કે સોનાક્ષીને આટલી પણ ખબર નહોતી, પરંતુ હું કહીશ કે તે તેની ભૂલ નથી, તેના પિતાની ભૂલ છે. તેઓ તેમના બાળકોને આ કેમ નથી શીખવતા? તેઓ આટલા આધુનિક કેમ બન્યા? જો હું આજે શક્તિમાન હોત, તો હું બાળકો સાથે બેસીને તેમને ભારતીય સંસ્કૃતિ અને સનાતન ધર્મ વિશે શીખવત. નોંધનીય છે કે, 2019 માં ‘કૌન બનેગા કરોડપતિ’ શો દરમિયાન સોનાક્ષીને એક પ્રશ્ન પૂછવામાં આવ્યો હતો કે ભગવાન હનુમાન કોના માટે સંજીવની બૂટી લાવ્યા હતા? જેનો સોનાક્ષી જવાબ આપી શકી નહીં. જવાબ ન આપવા બદલ એક્ટ્રેસને સોશિયલ મીડિયા પર ઘણી ટ્રોલ પણ કરવામાં આવી હતી.
