હોલિવૂડના સૌથી મોટા પુરસ્કાર – ઓસ્કરએ આખરે સ્ટંટ ડિઝાઇન માટે એક નવી કેટેગરીની જાહેરાત કરી છે. આ કેટેગરી 2027 થી રિલીઝ થનારી ફિલ્મો માટે લાગુ પડશે. ડિરેક્ટર એસએસ રાજામૌલીએ આ ઐતિહાસિક નિર્ણય પર ખુશી વ્યક્ત કરી છે. રાજામૌલીએ ખુશી વ્યક્ત કરી, સોશિયલ મીડિયા પર પોસ્ટ કરી તેમણે સોશિયલ મીડિયા પર લખ્યું: ‘100 વર્ષ પછી. હું ખૂબ ખુશ છું. 2027 થી, ઓસ્કરમાં સ્ટંટ ડિઝાઇન માટે એક નવો એવોર્ડ હશે. ડેવિડ લીચ, ક્રિસ ઓ’હારા અને સ્ટંટ કોમ્યુનિટીનો આભાર કે જેમણે આ શક્ય બનાવ્યું. એકેડેમી સીઈઓ બિલ ક્રેમર અને પ્રમુખ જેનેટ યાંગનો પણ આભાર કે જેમણે સ્ટંટ વર્કને સન્માન આપ્યું ‘ રાજામૌલી માટે ખાસ ક્ષણ રાજામૌલી માટે આ ક્ષણ વધુ ખાસ હતી. ઓસ્કર સ્ટંટ કેટેગરીની જાહેરાતમાં તેમની ફિલ્મ ‘RRR’નું એક શક્તિશાળી એક્શન દૃશ્ય પણ બતાવવામાં આવ્યું હતું. આના પર તેમણે લખ્યું- ‘ઓસ્કરની જાહેરાતમાં RRR ની એક્શન જોઈને ખૂબ ગર્વ થયો.’ ઓસ્કરમાં સ્ટંટ આર્ટિસ્ટ માટે અલગ કેટેગરી રાજામૌલી ‘બાહુબલી’ અને ‘આરઆરઆર ‘ જેવી ફિલ્મોના તેમના શક્તિશાળી એક્શન દૃશ્યો અને વાર્તા કહેવા માટે પહેલાથી જ વિશ્વભરમાં પ્રખ્યાત છે. હવે જ્યારે ઓસ્કરે સ્ટંટ એક્ટર્સ માટે એક અલગ કેટેગરી રાખી છે, તો તે તેમના માટે એક મોટી ક્ષણ છે. આ એવા લોકો છે જે પડદા પાછળ રહે છે અને ફિલ્મોને ખાસ બનાવવા માટે પોતાનો જીવ જોખમમાં મૂકે છે.
