રાષ્ટ્રીય તપાસ એજન્સી (NIA) રવિવારે ત્રીજા દિવસે તહવ્વુર રાણાની પૂછપરછ કરશે. 2008ના મુંબઈ આતંકવાદી હુમલાના આરોપી તહવ્વુર રાણાના અવાજના નમૂના લેવામાં આવી શકે છે. નવેમ્બર 2008ના હુમલા દરમિયાન તહવ્વુર ફોન પર સૂચનાઓ આપી રહ્યો હતો કે કેમ તે NIA શોધી કાઢશે. અવાજનો નમૂનો લેવા માટે તહવવુરની સંમતિ જરૂરી રહેશે. જો ના પાડશે તો NIA કોર્ટમાં જઈ શકે છે. મીડિયા રિપોર્ટ્સ અનુસાર શનિવારે NIAની પૂછપરછ દરમિયાન એક ‘એમ્પલોઈ B’નું નામ સામે આવ્યું હતું, જેણે રાણાના કહેવાથી હેડલીને ઓપરેશન અને લોજિસ્ટિક્સમાં મદદ કરી હતી. હવે NIA રાણા અને ‘એમ્પલોઈ B’ ને સામસામે બેસાડીને પૂછપરછ કરશે. એજન્સીના જણાવ્યા અનુસાર, ‘એમ્પલોઈ બી’ ને આતંકવાદી કાવતરાની જાણ નહોતી. તે ફક્ત રાણાના નિર્દેશ પર હેડલી માટે રિસેપ્શન, ટ્રાન્સપોર્ટ, રહેવાની વ્યવસ્થા અને ઓફિસની વ્યવસ્થા કરતો હતો. ડેવિડ હેડલી મુંબઈ હુમલાનો માસ્ટરમાઇન્ડ હતો. 10 એપ્રિલના રોજ તહવ્વુરને ખાસ વિમાન દ્વારા અમેરિકાથી ભારત લાવવામાં આવ્યો. આ પછી તેને 18 દિવસ માટે NIA કસ્ટડીમાં મોકલી દેવામાં આવ્યો છે. કસ્ટડી દરમિયાન NIA દરરોજ રાણાની પૂછપરછની ડાયરી તૈયાર કરશે. તહવ્વુર રાણા વિશે 3 મહત્ત્વપૂર્ણ બાબતો તહવ્વુરના પ્રત્યાર્પણની ત્રણ તસવીરો, તેને સાંકળોમાં બાંધેલો જોવા મળ્યો… તહવ્વુરને દિલ્હીની તિહાર જેલમાં રાખવામાં આવશે રાણાને દિલ્હીની તિહાર જેલમાં ઉચ્ચ સુરક્ષા વોર્ડમાં રાખવામાં આવશે. જોકે, તેમને ક્યારે અને કયા વોર્ડમાં રાખવામાં આવશે તેની માહિતી હજુ સુધી જાહેર કરવામાં આવી નથી. તપાસ એજન્સી NIA અને ગુપ્તચર એજન્સી RAW ની સંયુક્ત ટીમ બુધવારે રાણાને લઈને અમેરિકા રવાના થઈ હતી. ગુરુવારે સાંજે લગભગ 6:30 વાગ્યે રાણાને લઈને યુએસ ગલ્ફસ્ટ્રીમાં G550 વિમાન દિલ્હીના પાલમ ટેકનિકલ એરપોર્ટ પર ઉતર્યું. જ્યાં તેનું મેડિકલ ચેકઅપ થયું, ત્યારબાદ તેમને સીધા NIA હેડક્વાર્ટર લઈ જવામાં આવ્યો. NIA વતી કોર્ટમાં રજૂ કરાયેલ દલીલ તહવ્વુર રાણા કેસના આ સમાચાર પણ વાંચો…. તહવ્વુર પોતાને નુકસાન ન પહોંચાડે તે માટે ખાસ દેખરેખ:24 કલાક CCTV અને અધિકારીઓની નજર, પેન પણ સોફ્ટ પોઇન્ટવાળી આપવામાં આવી રહી છે રાષ્ટ્રીય તપાસ એજન્સી (NIA) શનિવારે બીજા દિવસે 2008ના મુંબઈ આતંકવાદી હુમલાના માસ્ટરમાઇન્ડ તહવ્વુર રાણાની પૂછપરછ કરશે. રાણાને NIA મુખ્યાલય લોધી રોડના ઉચ્ચ સુરક્ષાવાળા ગ્રાઉન્ડ ફ્લોર પર 14×14 ફૂટના કોટડીમાં રાખવામાં આવ્યો છે. સંપૂર્ણ સમાચાર વાંચો…
