મૌની રોય ટૂંક સમયમાં ફિલ્મ ‘ભૂતની’માં જોવા મળશે. જોકે, આ દિવસોમાં તે ફિલ્મ કરતાં તેના લુક માટે વધુ ચર્ચામાં છે. ખરેખર, તાજેતરમાં મૌનીએ ‘ભૂતની’ના એક પ્રમોશનલ કાર્યક્રમમાં હાજરી આપી હતી, જ્યાં તેનો ચહેરો એકદમ બદલાયેલો દેખાતો હતો. જેને લઈ સોશિયલ મીડિયા પર એક્ટ્રેસ ટ્રોલ થઈ હતી. જેના પર મૌની રોયે ટ્રોલ કરનારાઓને જવાબ આપ્યો છે. તાજેતરમાં એક્ટ્રેસ મૌની રોયે બોમ્બે ફેશન વીકમાં હાજરી આપી હતી. જેમાં તેને બ્લેક લહેંગા સાથે રેમ્પ વોક કર્યું હતું. વોક પછી, મીડિયા દ્વારા એક્ટ્રેસને ટ્રોલ થવા અંગે સવાલ કરવામાં આવ્યો. જેના પર એક્ટ્રેસે કહ્યું- હું આવી બાબતો ધ્યાને નથી લેતી. જો તમે તમારા સોશિયલ મીડિયા સ્ક્રિન પાછળ બેસીને ટ્રોલ કરી રહ્યા છો અને તમને તેનાથી ખુશી મળે છે તો તમે તે કરી શકો છો. એક્ટ્રેસના જવાબ પછી પણ લોકો ટ્રોલ કરવાનું બંધ કરી રહ્યા નથી. એક યુઝરે વીડિયોમાં લખ્યું- ફોરહેડ બોટોક્સ સર્જરી ખોટી થઈ છે, તેને છુપાવવા માટે આટલી મોટી બિંદી લગાવી છે. જ્યારે બીજા યુઝરે પણ આ જ પ્રકારની કોમેન્ટ કરી એક્ટ્રેસને ટ્રોલ કરી હતી. મૌની રોયની ફિલ્મ ‘ભૂતની’ના ટ્રેલર લોન્ચ દરમિયાન ઘણી તસવીરો અને વીડિયો સામે આવ્યા હતા. આ સમયે બધાનું ધ્યાન તેના ચહેરાના હાવભાવ પર હતું. તેના કપાળ પર કરચલીઓ હતી, જેના કારણે લોકો અનુમાન લગાવી રહ્યા છે કે તેણે પ્લાસ્ટિક સર્જરી કરાવી છે. આ સિવાય થોડા દિવસો પહેલા મૌની રોયે સોશિયલ મીડિયા પર પોતાની કેટલીક તસવીરો શેર કરી હતી.આ તસવીરોમાં, તેણે એવી હેરસ્ટાઇલ બનાવી હતી કે તેનું કપાળ સંપૂર્ણપણે ઢંકાયેલું દેખાતું હતું. આ પછી, સોશિયલ મીડિયા પર એવી અટકળો શરૂ થઈ ગઈ કે મૌનીએ પ્લાસ્ટિક સર્જરી કરાવીને પોતાનું કપાળ ઓછું કરાવ્યું છે. ‘ભૂતની’ 18 એપ્રિલે રિલીઝ થશે ફિલ્મ ‘ભૂતની’ 18 એપ્રિલે રિલીઝ થશે. મૌની રોય ઉપરાંત સંજય દત્ત, સની સિંહ અને પલક તિવારી પણ મહત્ત્વની ભૂમિકામાં છે. મીડિયા રિપોર્ટ્સ અનુસાર, આ ફિલ્મ 37 કરોડ રૂપિયાના ખર્ચે બનાવવામાં આવી છે.
