ગરમીનો પારો છટક્યો:રાજકોટ-કચ્છ 44 ડિગ્રીએ અગનભઠ્ઠી બની શકે, ચાર જિલ્લામાં હીટવેવનું એલર્ટ, સ્વિમિંગ કરનારા આટલું ચોક્કસ ધ્યાનમાં રાખે

હવામાન વિભાગે રાજ્યમાં આજથી ફરી ગરમીમાં વધારો થવાની આગાહી કરી છે. બે ત્રણ દિવસ દરમિયાન ગરમીમાં આંશિક રાહત મળ્યા બાદ આજથી ફરી હીટવેવની આગાહી કરવામાં આવીછે. આગામી ત્રણ દિવસ માટે કચ્છ, રાજકોટ, સાબરકાંઠા અને બનાસકાંઠામાં હીટવેવની આગાહી સાથે યલો એલર્ટ જાહેર કરવામાં આવ્યું છે. આજે ચાર જિલ્લામાં હીટવેવની આગાહી
હવામાન વિભાગે આજે કચ્છ, બનાસકાંઠા, સાબરકાંઠા અને રાજકોટમાં હીટવેવની આગાહી કરી છે. આ ચારેય જિલ્લામાં ગરમીનું યલો એલર્ટ જાહેર કરાયું છે. આ જિલ્લામાં તાપમાનનો પારો 43 થી 44 ડિગ્રીએ પહોંચવાની શક્યતા છે. આજે વિવિધ શહેરમાં તાપમાનની આગાહી રણ પ્રદેશમાંથી ફૂંકાતા સૂકા પવનોએ ગરમી વધારી ગુજરાત રાજ્યમાં ગત સપ્તાહ ગરમીથી આંશિક રાહત મળ્યા બાદ ફરી એક વખત તાપમાનનો પારો ઉચકાયો છે. સતત છેલ્લા ત્રણ દિવસથી રાજ્યભરમાં તાપમાન વધી રહ્યું છે ત્યારે હવામાન વિભાગે હજુ પણ આગામી ચાર દિવસ દરમિયાન ગુજરાત રાજ્યના વિવિધ જિલ્લાઓમાં મહત્તમ તાપમાનમાં બે થી ત્રણ ડિગ્રી સેલ્સિયસનો વધારો થવાની શક્યતાઓ વ્યક્ત કરી છે. પવનની દિશા હાલમાં પશ્ચિમ તથા ઉત્તર પશ્ચિમ હોવાથી રણ પ્રદેશના સૂકા પવનો ગુજરાત તરફ આવી રહ્યા છે. જેથી ગુજરાતના મહત્તમ તાપમાનમાં પણ વધારો થવાની શક્યતાઓ છે. 14 એપ્રિલે વિવિધ શહેરોમાં નોંધાયેલું મહત્તમ તાપમાન આકરી ગરમી વચ્ચે વડોદરામાં વીજકાપની જાહેરાત રાજ્યભરમાં કાળજાળ ગરમી પડી રહી છે. ત્યારે આ ગરમીના પ્રકોપ વચ્ચે વડોદરા શહેર વાસીઓને વીજ કાપ સહન કરવાનો વારો આવશે. વડોદરા શહેરમાં વિવિધ વિસ્તારોમાં વીજ કંપની દ્વારા સમારકામની કામગીરીના કારણે 16 એપ્રિલથી 25 એપ્રિલ સુધી સવારે 6 વાગ્યાથી 10 વાગ્યા સુધી વીજ પુરવઠો બંધ રહેશે. સમારકામ પૂર્ણ થયા બાદ વીજ પુરવઠો કોઈ પણ જાતની જાણ કર્યા વિના પુનઃ ચાલુ કરી દેવાશે. આ વીજ કાપ કઈ તારીખે કયા વિસ્તારમાં વીજ પુરવઠો બંધ રહેશે તે જાણો. આગામી તારીખ 16 એપ્રિલને બુધવારે શહેરના આટલાદરા સબ ડિવિઝન, અટલાદરા રોડ ફીડર, ફતેગંજ સબ ડિવિઝન દીપ ફીડર, ધરમસિંહ ફીડર સહિત આસપાસનો વિસ્તારમાં વીજ કાપ રહેશે. તારીખ 17ને ગુરુવારે સમા સબ ડિવિઝન 11 કેવી અગોરા, અગોરા મોલ સમા ફીડર, ગોત્રી સબ ડિવિઝન ગંગોત્રી ફીડર તથા વાસણા સબ ડિવિઝન માઇલ સ્ટોન ફીડર અને અટલાદરા સબ ડિવિઝન નારાયણ ફીડર સહિત લક્ષ્મીપુરા સબ ડિવિઝન પ્રથમ સૃષ્ટિ ફીડર અને ગોરવા સબ ડિવિઝન શ્રીનાથ ફીડરનો આસપાસનો વિસ્તાર ઉપરાંત તા.19ને શનિવારે ફતેગંજ સબ ડિવિઝન આનંદ નગર ફીડર, ગોત્રી સબ ડિવિઝન, ઇસ્કોન હાઇટ્સ ફીડર, વાસણા સબ ડિવિઝન ફીડર, અટલાદરા સ્ટેડિયમ ફીડરની આસપાસનો વિસ્તારમાં વીજ પુરવઠાનો કાપ રહેશે. તારીખ 20 એપ્રિલને રવિવારે અલકાપુરી સબ ડિવિઝન આર્કેડ ફીડર, પૂર્વ સબ ડિવિઝન ગોરવા ગામ ફીડરની આસપાસનો વિસ્તારમાં પુરવઠો બંધ રહેશે. આવી જ રીતે તા.22 ને મંગળવારે સમા સબ ડિવિઝન ચાણક્યપુરી ફીડર, મનોરથ ફીડર, ગોરવા સબ ડિવિઝન, સહયોગ ફીડરની આસપાસનો વિસ્તાર તથા તા.23 ને બુધવારે ફતેગઢ સબ ડિવિઝન હાર્મની ફીડર લક્ષ્મીપુરા સબ ડિવિઝન, માધવ પાર્ક ફીડર, અટલાદરા સબ ડિવિઝન, મહાબલીપુરમ ફીડર, અકોટા સબ ડિવિઝન, સ્વાગત ફીડર, વાસણા સબ ડિવિઝન, ટાગોર નગર ફીડર, ગોત્રી સબ ડિવિઝન, વુડા ફીડરની આસપાસનો વિસ્તારમાં વીજ કાપ સર્જાશે. તારીખ 24 ગુરુવારે સમા સબ ડિવિઝન, અણુશક્તિ ફીડર, ગોરવા સબ ડિવિઝન, સુભાનપુરા રોડ ફીડરની આસપાસનો વિસ્તાર ઉપરાંત અટલાદરા સબ ડિવિઝન, સન ફાર્મા ફીડર (એસટી ઇએક્સપી) તા.25 ને શુક્રવારે વાસણા સબ ડિવિઝન, વરણીમાં ફીડર, અટલાદરા સબ ડિવિઝન, ચાણક્ય ફીડર અકોટા સબ ડિવિઝન ગુજરાત ટ્રેક્ટર ફીડર ગોત્રી સબ ડિવિઝન રાજેશ ટાવર ફીડર આસપાસનો વિસ્તારમાં વીજ પુરવઠો ખોરવાશે. ઉપરાંત તા.26 ને શનિવારે ફતેગંજ સબ ડિવિઝન ડિલક્સ ફીડર, અલકાપુરી સબ ડિવિઝન સારાભાઈ ઇસ્ટ એવન્યુ આસપાસના વિસ્તારમાં નિયત સમયે વીજ પુરવઠો જરૂરી રીપેરીંગકામ અંગે બંધ રહેશે તેમ વિશ્વામિત્રી પશ્ચિમ વિભાગના કાર્યપાલક ઇજનેર દ્વારા જણાવાયું છે.