‘ડ્રગ્સના નશામાં એક્ટરે મને ખોટી રીતે સ્પર્શ કર્યો”:મલયાલમ એક્ટ્રેસ વિન્સી એલોશિયસે કહ્યું- તેણે બધાની સામે આવું કર્યું, ક્યારેય તેની સાથે કામ નહીં કરું’

મલયાલમ એક્ટ્રેસ વિન્સી એલોશિયસે તેના ઇન્સ્ટાગ્રામ એકાઉન્ટ પર એક વીડિયો શેર કર્યો છે, જેમાં તેણે ખુલાસો કર્યો છે કે, ફિલ્મના સેટ પર નશાની હાલતમાં એક એક્ટરે તેની સાથે ખરાબ વર્તન કર્યું હતું. તાજેતરમાં, વિન્સીએ જાહેરાત કરી હતી કે તે ક્યારેય એવા એક્ટર સાથે કામ કરશે નહીં જે ડ્રગ્સ લેતા હોય. વિન્સી એલોશિયસ કહે છે, ‘થોડા દિવસો પહેલા, ડ્રગ્સ વિરોધી ઝુંબેશમાં, મેં કહ્યું હતું કે હું હવે એવા લોકો સાથે ફિલ્મો નહીં કરું જેમને હું જાણું છું કે તેઓ ડ્રગ્સ વ્યસની છે.’ મારા આ નિવેદન પછી, અનેક પ્રકારની પ્રતિક્રિયાઓ સામે આવી. જ્યારે મેં તે વાંચી, ત્યારે મને લાગ્યું કે મારે સ્પષ્ટ કરવું જોઈએ કે મેં તે નિવેદન કેમ આપ્યું. હું આ વીડિયો એટલા માટે બનાવી રહી છું કે હું મારી વાત સ્પષ્ટ રીતે રજૂ કરી શકું. વિન્સીએ કહ્યું, ‘હું એક એવી ફિલ્મમાં કામ કરી રહી હતી જેના મુખ્ય એક્ટર ડ્રગ્સ લેતા હતા. નશામાં હતો ત્યારે તેણે મારી સાથે ખરાબ વર્તન કર્યું. એકવાર મારા ડ્રેસમાં કોઈ સમસ્યા આવી અને હું તેને રિપેર કરાવવા જઈ રહી હતી, ત્યારે અચાનક તેણે મને કહ્યું કે હું પણ તમારી સાથે આવીશ અને ડ્રેસ રિપેર કરવામાં મદદ કરીશ. તેણે બધાની સામે આ કહ્યું હતું. તેની સાથે શૂટિંગ કરવું ખૂબ મુશ્કેલ બની ગયું હતું. આ પછી, જ્યારે અમે એક દૃશ્યનું રિહર્સલ કરી રહ્યા હતા, ત્યારે તે ટેબલ પર સફેદ પાવડર થૂંકી રહ્યો હતો.’ ‘તે સ્પષ્ટપણે જોઈ શકાતું હતું કે, તે ફિલ્મના સેટ પર ડ્રેસ લઈ રહ્યો હતો. જ્યારે કોઈ સેટ પર નશામાં હોય અને બીજા માટે મુશ્કેલી ઊભી કરે, ત્યારે તેની સાથે કામ કરવું સરળ નથી હોતું. હું એવી વ્યક્તિ સાથે કામ કરવા માગતી નથી જે આટલું પણ સમજી શકતો નથી. મેં મારા અંગત અનુભવના આધારે આ નિર્ણય લીધો છે. બધાને આ વિશે ખબર હતી, ડિરેક્ટરે પણ તેમની સાથે આ વિશે વાત કરી હતી.’ વિન્સી એલોશિયસ 2024 માં આવેલી મલયાલમ ફિલ્મ ‘મારિવિલિન ગોપુરંગલ’ માં જોવા મળી હતી. આ માટે, તેને વર્ષ 2022 માં બેસ્ટ એક્ટ્રેસનો કેરળ રાજ્યનો ફિલ્મ પુરસ્કાર પણ મળ્યો હતો.