દાહોદ નગરપાલિકાના વોર્ડ નંબર 3ની મહિલા કાઉન્સીલર લક્ષ્મીબેન હિતેશભાઈ ભાટ, તેમના પતિ અને અન્ય એક વ્યક્તિ સામે પોલીસમાં ફરિયાદ નોંધાઈ છે. આ ફરિયાદમાં જણાવાયું છે કે, આ ત્રણેય વ્યક્તિઓએ એક કુટુંબી યુવક અને તેના પરિવારજનોને માર માર્યો હતો, જેના પગલે દાહોદ શહેરમાં ચકચાર મચી ગઈ છે. છાયાબેનનો પુત્ર રૂપરાજ, કાગળો, સર્ટિફિકેટો, પાસપોર્ટ, એટીએમ કાર્ડ અને માર્કશીટ લેવા માટે દાહોદમાં ગયા હતા. બી ડિવિઝન પોલીસ મથકે ફરિયાદ નોંધાવી
મધ્યપ્રદેશના દેવાસ જિલ્લાના ટોડખુર્દ ગામના રહેવાસી છાયાબેન મહેશભાઈ સિસોદીયા દ્વારા દાહોદ બી ડિવિઝન પોલીસ મથકે નોંધવામાં આવેલી ફરિયાદમાં જણાવાયું છે કે, 16 એપ્રિલના રોજ બપોરના દોઢ વાગ્યે, તેઓ દાહોદ શહેરના દર્પણ રોડ પર આવેલા પોતાના માતા-પિતાના વારસાઈના મકાનમાં ગયા હતા. પુત્ર સાથે ડોક્યુમેન્ટ લેવા છાયાબેનના ઘરે ગયા
છાયાબેનની બહેન નંદાબેન આ મકાનમાં રહેતી હતી, અને નંદાબેનના મૃત્યુ પછી, છાયાબેન સામાજિક પ્રસંગોમાં આ મકાનમાં રોકાતી હતી. 16 એપ્રિલના રોજ, છાયાબેનનો પુત્ર રૂપરાજ, કાગળો, સર્ટિફિકેટો, પાસપોર્ટ, એટીએમ કાર્ડ અને માર્કશીટ લેવા માટે દાહોદમાં ગયા હતા. ગડદાપાટ્ટુ અને લાતો વડે માર માર્યો
જ્યારે તેઓ મકાનમાં પહોંચ્યા, ત્યારે છાયાબેનના મોટાભાઈના પુત્ર હિતેશ ભાટ, લક્ષ્મીબેન હિતેશભાઈ ભાટ (કાઉન્સીલર) અને તેમના ભત્રીજા લખન રમેશ સિસોદીયાએ છાયાબેન, મહેશ, રૂપરાજ અને અભયને માર માર્યો હતો. આ હુમલામાં તેમને ગડદાપાટ્ટુ અને લાતો વડે માર મારવામાં આવ્યો, જેના કારણે તેમને શરીરે ઈજાઓ પહોંચી હતી. પોલીસે આગળની કાર્યવાહી હાથ ધરી
ઘટનાને પગલે સ્થળ પર લોકટોળા ઉમટી પડ્યા હતા. છાયાબેન મહેશભાઈ સિસોદીયાએ દાહોદ બી ડિવિઝન પોલીસ મથકે ફરિયાદ નોંધાવી, જેના આધારે પોલીસે ગુનો નોંધીને આગળની કાયદેસરની કાર્યવાહી શરૂ કરી છે.
ભાજપના મહિલા કાઉન્સિલર સહિત 3 સામે મારઝૂડની ફરિયાદ:દાહોદમાં મિલકતના વિવાદમાં હિંસા, વારસાઈના મકાનમાં દસ્તાવેજો લેવા ગયેલા પરિવાર પર હુમલો
