હરિયાણાના કરનાલના નેવી લેફ્ટનન્ટ વિનય નરવાલનો 19 સેકન્ડનો વીડિયો વાયરલ થયો છે. સોશિયલ મીડિયા પર યુઝર્સનો દાવો છે કે આ પહેલગામનો તેની પત્ની હિમાંશી સાથેનો તેમનો આ છેલ્લો વીડિયો છે. આ વીડિયોમાં બંને લગ્ન પછી ખૂબ જ ખુશ દેખાઈ રહ્યા છે. તેઓ એકબીજા સાથે ડાન્સ કરી રહ્યા છે. બેકગ્રાઉન્ડમાં પાકિસ્તાની ગાયક અનુરલ ખાલિદના ઝોલ આલ્બમનું એક પંજાબી ગીત વાગી રહ્યું છે. લેફ્ટનન્ટ નરવાલ 3 વર્ષ પહેલા નૌકાદળમાં જોડાયા હતા. તેમણે 16 એપ્રિલના રોજ ગુરુગ્રામની હિમાંશી સાથે લગ્ન કર્યા હતા. લેફ્ટનન્ટે માત્ર 1 રૂપિયામાં દહેજ વિના લગ્ન કર્યા. લગ્ન પછી તેઓ હનીમૂન મનાવવા પહેલગામ ગયા હતા. જ્યાં 22 એપ્રિલના રોજ આતંકવાદીઓએ તેમની ગોળી મારીને હત્યા કરી દીધી હતી. 23 એપ્રિલના રોજ કરનાલમાં તેમના અંતિમ સંસ્કાર કરવામાં આવ્યા હતા. બહેન સૃષ્ટિએ અંતિમ સંસ્કાર કર્યા. પહેલગામમાં ખુશી મનાવતા વિનય અને હિમાંશીના 3 ફોટા… કરનાલની એક શાળામાં અભ્યાસ કર્યો, દિલ્હીથી બી.ટેક કર્યું વિનય નરવાલ મૂળ કરનાલના ભુસલી ગામનો રહેવાસી છે. પરંતુ તેનો પરિવાર છેલ્લાં 15 વર્ષથી સેક્ટર-7માં રહે છે. તેણે પોતાનું શાળાકીય શિક્ષણ કરનાલની સંત કબીર સ્કૂલમાં કર્યું. ત્યારબાદ તેણે દિલ્હીથી બી.ટેક કર્યું. વિનય અભ્યાસમાં તેજસ્વી હતો. પરિવાર શરૂઆતથી જ સેના સાથે સંકળાયેલો છે વિનયના દાદા હવાસિંહે કહ્યું, “અમારો પરિવાર શરૂઆતથી જ સેના સાથે જોડાયેલો છે. મારા કાકા પણ આર્મીમાં હતા. વિનયના નાનાના ભાઈ પણ આર્મીમાં રહ્યા અને અંગ્રેજો સાથે લડાઈ લડી. મારો ભત્રીજો પણ આર્મીમાં છે. હું પણ પોતે BSFમાં હતો. ત્યાંથી રિટાયર્ડ થયા પછી હું હરિણાયા પોલીસમાં જોડાયો અને હવે ત્યાંથી પણ રિટાયર્ડ થઈ ગયો છું. બે મહિના પહેલાં ETOની દીકરી સાથે સંબંધ બંધાયો, 16મીએ લગ્ન થયાં વિનયનો 2 મહિના પહેલાં જ ગુરુગ્રામની હિમાંશી સાથે સંબંધ નક્કી થયો હતો. હિમાંશી PHD કરી રહી છે અને સાથે જ બાળકોને ઓનલાઇન ભણાવે છે. હિમાંશીના પિતા સુનીલકુમાર ગુરુગ્રામમાં એક્સાઇઝ એન્ડ ટેક્સેશન ઓફિસર (ETO) છે. 28 માર્ચે વિનય લગ્ન માટે રજા લઈને આવ્યો હતો. 16 એપ્રિલે મસૂરીમાં તેમનાં લગ્ન થયાં. 19 તારીખે કરનાલમાં રિસેપ્શન પાર્ટી રાખવામાં આવી હતી. Topics: આ સમાચાર પણ વાંચો… હરિયાણાના લેફ્ટનન્ટને અંતિમ વિદાય: પત્નીએ સલામી આપી, પિતાએ હાથ જોડ્યા; બહેને કહ્યું- હું બદલો લેવા માંગુ છું જમ્મુ અને કાશ્મીરના પહેલગામમાં થયેલા આતંકવાદી હુમલામાં શહીદ થયેલા નૌકાદળના લેફ્ટનન્ટ વિનય નરવાલ બુધવારે (23 એપ્રિલ) સાંજે કરનાલમાં પાંચ તત્વોમાં વિલીન થયા હતા. તેમની બહેન અને પિતરાઈ ભાઈએ મુખાગ્નિ આપી હતી. આ પહેલા, બહેને પણ શબપેટીને કાંધ આપી હતી.
