ઇટાલીના વડાપ્રધાન જ્યોર્જિયો મેલોનીએ ગુરુવારે રાત્રે વડાપ્રધાન મોદી સાથે ટેલિફોન પર વાત કરી. તેમણે મંગળવારે જમ્મુ અને કાશ્મીરના પહેલગામમાં થયેલા આતંકવાદી હુમલામાં માર્યા ગયેલા લોકો પ્રત્યે સંવેદના વ્યક્ત કરી હતી. તેમણે આતંકવાદ સામેની લડાઈમાં ઇટાલીના સંપૂર્ણ સમર્થનની વાત કરી હતી. પીએમ મોદીએ તેમના આ સમર્થન અને આતંકવાદ વિરુદ્ધ સ્પષ્ટ સંદેશની પ્રશંસા કરી. મેલોની ઉપરાંત, ફ્રાન્સના રાષ્ટ્રપતિ ઇમેન્યુઅલ મેક્રોને પણ પીએમ મોદી સાથે ફોન પર વાત કરી હતી. પહેલગામ હુમલામાં માર્યા ગયેલા લોકો પ્રત્યે સંવેદના વ્યક્ત કરતા તેમણે કહ્યું કે ફ્રાન્સ અને તેના સાથીઓ જ્યાં પણ જરૂર પડશે ત્યાં આતંકવાદ સામે લડતા રહેશે. મેક્રોને X પર પીએમ મોદી સાથેની તેમની વાતચીતની વિગતો હિન્દીમાં પોસ્ટ કરી હતી. પહેલગામ આતંકવાદી હુમલાના પડઘા બ્રિટિશ સંસદમાં ગુંજ્યા જમ્મુ અને કાશ્મીરના પહેલગામમાં થયેલા આતંકવાદી હુમલાના પડઘા બ્રિટિશ સંસદમાં ગુંજ્યા હતા. શીખ સાંસદ તનમનજીત સિંહ ઢેસી અને બ્રિટિશ સાંસદ બોબ બ્લેકમેને ગુરુવારે (24 એપ્રિલ) સંસદમાં આ મુદ્દો ઉઠાવ્યો અને તેને કાયર, ભયાનક અને આઘાતજનક આતંકવાદી હુમલો ગણાવ્યો. સાંસદ ઢેસીએ કહ્યું, “કાશ્મીરમાં નિર્દોષ પ્રવાસીઓ પર થયેલા કાયર આતંકવાદી હુમલાથી મને ખૂબ જ દુઃખ થયું છે. મારી પ્રાર્થના પીડિતોના પરિવારો સાથે છે. મને આશા છે કે ગુનેગારોને જલ્દી જ કઠેડામાં લવાશે.” તેમણે સંસદમાં હાજર ગૃહના નેતાને વિનંતી કરી કે તેઓ આ મામલે ભારતીય લોકો પ્રત્યે બ્રિટિશ સંસદની સંવેદના વ્યક્ત કરે અને આ અમાનવીય હુમલાની કડક નિંદા કરે. વિદેશ મંત્રાલયે અન્ય દેશોના રાજદૂતો સાથે બેઠક યોજી ગુરુવારે, વિદેશ મંત્રાલયે દિલ્હીના સાઉથ બ્લોક સ્થિત મંત્રાલય કાર્યાલયમાં જર્મની, જાપાન, પોલેન્ડ, બ્રિટન અને રશિયા સહિત અનેક દેશોના રાજદૂતો સાથે બેઠક યોજી હતી. જેમાં વિદેશ મંત્રાલયના અધિકારીઓએ આ દેશોના રાજદૂતોને પહેલગામ હુમલા અંગે વિગતવાર માહિતી આપી હતી. ગુરુવારે, ઇઝરાયલી પીએમ બેન્જામિન નેતન્યાહૂએ પહેલગામ હુમલાની કડક નિંદા કરી. તેમણે પીએમ મોદી સાથે ફોન પર પણ વાત કરી. ઇઝરાયલી પીએમએ કહ્યું કે અમે ભારતના લોકો સાથે છીએ. અમારી સંવેદનાઓ પીડિતો સાથે છે. રશિયન મીડિયા રશિયા ટુડે (RT) એ દાવો કર્યો છે કે વર્તમાન પરિસ્થિતિને જોતા ભારત કંઈક મોટું કરવા જઈ રહ્યું છે. પહેલગામ હુમલા સંબંધિત આ સમાચાર પણ વાંચો…. પાકિસ્તાની પીએમએ કહ્યું- ભારતના નિર્ણયો યુદ્ધ ઉશ્કેરનારા છે: ઇસ્લામાબાદમાં ભારતીય હાઇ કમિશનની બહાર હોબાળો, ભીડે ગેટ ઓળંગવાનો પ્રયાસ કર્યો પાકિસ્તાને કહ્યું છે કે પહેલગામ હુમલા પછી સિંધુ જળ સંધિને સ્થગિત કરવાનો ભારતનો નિર્ણય યોગ્ય પગલું નહોતું. પાકિસ્તાનના વડાપ્રધાન શાહબાઝ શરીફે ગુરુવારે કહ્યું કે ભારતે યુદ્ધ ઉશ્કેરણીજનક નિર્ણયો લીધા અને પાકિસ્તાન સામે આક્રમક વલણ અપનાવ્યું છે.
