વલસાડ જિલ્લાના વાપીથી દમણ કચીગામ સુધીના વિસ્તારમાં આજે અચાનક કમોસમી વરસાદ નોંધાયો હતો. કાળઝાળ ગરમી વચ્ચે આવેલા આ વરસાદથી સ્થાનિક લોકોને રાહત મળી હતી. વરસાદને કારણે વાપી-દમણ રોડ ભીનો થઈ ગયો હતો. પરિણામે વાહનોની ગતિ ધીમી પડી હતી. એપ્રિલ માસમાં આવેલા આ અણધાર્યા વરસાદની મઝા વાહન ચાલકો અને યુવાનોએ માણી હતી. જોકે, આ કમોસમી વરસાદથી કેરીના પાકને નુકસાન થવાની આશંકા સેવાઈ રહી છે. વલસાડ જિલ્લો કેરીના ઉત્પાદન માટે જાણીતો છે અને આ સમયે કમોસમી વરસાદ ખેડૂતો માટે ચિંતાનો વિષય બની શકે છે.
