અક્ષય કુમારની ફિલ્મ ‘કેસરી ચેપ્ટર 2’ બોક્સઓફિસ પર સારી કમાણી કરી રહી છે. શનિવારે એક્ટર પોતાની ફિલ્મના સ્ક્રિનિંગમાં હાજરી આપી દર્શકોને સરપ્રાઈઝ કર્યા હતા. આ દરમિયાન તેણે પહેલગામ આતંકવાદી હુમલા પર પ્રતિક્રિયા આપી હતી. તેણે તેની ફિલ્મ કેસરીનો એક ડાયલોગ બોલીને પોતાની ભાવનાઓને રજૂ કરી હતી. ‘કેસરી 2’ના સ્ક્રિનિંગનો અક્ષય કુમારનો એક વીડિયો સામે આવ્યો છે. આ દરમિયાન તેનો કો-એક્ટર આર. માધવન પણ થિયેટરમાં હાજર હતો. અક્ષયે લોકોને સંબોધતા કહ્યું- “કમનસીબે, આજે ફરી એકવાર તે જ ગુસ્સો આપણા બધાના દિલમાં જાગી ઊઠ્યો છે.” તમે બધા સારી રીતે જાણો છો કે હું કોની વાત કરી રહ્યો છું. આટલું કહ્યા પછી, અક્ષય કુમાર પોતાનો માઈક દર્શકો તરફ કરે છે અને ત્યાં હાજર લોકો તરત જ ગાળો બોલવા લાગે છે જે અક્ષયે ફિલ્મ ‘કેસરી 2’માં અંગ્રેજો માટે બોલી હતી. ‘નિર્દોષોને મારવા એ દુષ્ટતા છે’
22 એપ્રિલના રોજ કાશ્મીરના પહેલગામમાં આતંકવાદીઓએ 27 પ્રવાસીઓની ગોળી મારીને હત્યા કરી હતી. આ સમાચાર પર ગુસ્સો વ્યક્ત કરતા અક્ષયે લખ્યું હતું કે- પહેલગામમાં પ્રવાસીઓ પર આતંકી હુમલાના સમાચાર સાંભળીને મને આઘાત લાગ્યો છે. આ રીતે નિર્દોષ લોકોને મારવા એ ઘોર પાપ છે. પીડિતોના પરિવારો માટે પ્રાર્થના. અક્ષય કુમારની ફિલ્મ ‘કેસરી 2’ 18 એપ્રિલના રોજ સિનેમાઘરોમાં રિલીઝ થઈ છે. આ ફિલ્મમાં અક્ષય કુમાર જસ્ટિસ શંકરન નાયરની ભૂમિકા ભજવી રહ્યા છે. ફિલ્મ ‘કેસરી 2’ પર સાહિત્યચોરીનો આરોપ લાગ્યો હતો
તાજેતરમાં, યૂટ્યુબર યાહ્યા બુટવાલાએ અક્ષય કુમારની ફિલ્મ ‘કેસરી 2’ના ડાયલોગ પર ચોરી કરવાનો આરોપ લગાવ્યો છે. સોશિયલ મીડિયા પર તેમની કવિતાના વીડિયો સાથે, યૂટ્યુબરે ફિલ્મમાંથી અનન્યા પાંડેની એક ક્લિપ પણ શેર કરી છે જેમાં તેમની કવિતાનો ઉપયોગ કરવામાં આવ્યો છે. તેમનો દાવો છે કે ફિલ્મની લેખિકા સુમિતા સક્સેનાએ કોપી-પેસ્ટ કરી છે. યાહ્યાએ પોતાની પોસ્ટમાં અક્ષય કુમાર, કરણ જોહર, અનન્યા પાંડે, સુમિત સક્સેના અને ધર્મા પ્રોડક્શન્સને ટેગ કર્યા છે. યાહ્યા આગળ લખે છે – ‘એક લેખક તરીકે, કોઈના કન્ટેન્ટને ક્રેડિટ આપ્યા વિના ઉપયોગ કરવો ખોટું છે. કૃપા કરીને હવે પછી જરૂર લાગે તો મારો સંપર્ક કરો. હું તમારા માટે મૂળ ડાયલોગ લખીશ.
‘ફરી એકવાર તે જ ગુસ્સો જાગી ઊઠ્યો છે’:પહેલગામ આતંકી હુમલા પર અક્ષય કુમારનું રિએક્શન, એક્ટરે જાહેરમાં ગાળો આપી
