Jamnagar Road Damage : જામનગર મહાનગરપાલિકા દ્વારા તાજેતરમાં કાલાવડ નાકા બહાર આવેલ મોરકંડા માર્ગને રૂા.અઢી કરોડના ખર્ચે નવો ડામર રોડ બનાવવામાં આવેલ જે માર્ગમાં એક જ માસમાં ગાબડાં પડી જતાં નબડાં કામની ચાડી ખાઇ રહ્યું છે, અને હજુ ચોમાસુ બાકી છે અને જોરદાર વરસાદ પડશે તો આ નવા રોડની હાલત વધારે ખરાબ થવાની શક્યતા નકારી શકાતી નથી.
ડામર રોડની ડિફેકટ લાયાબિલીટી પાંચ વર્ષની હોય છે, પરંતુ માત્ર એ જ મહિનામાં ગાબડાંઓ પડી જતાં રોડની નબળી ગુણવત્તા અને મટીરીયલથી બનાવાયો હોવાની ફરિયાદ ઉઠી છે. આ અંગે જામનગર મહાનગરપાલિકાના ડેપ્યુટી ઇજનેર રાજીવ જાનીનો ટેલીફોનિક સંપર્ક કરવાનો પ્રયાસ કરતાં તેમનો ફોન ‘નો રિપ્લાય’ થયો હતો.
