આ સપ્તાહે સોનાના ભાવમાં વધારો જોવા મળ્યો હતો. ઈન્ડિયા બુલિયન એન્ડ જ્વેલર્સ એસોસિએશન (IBJA) ના ડેટા અનુસાર, ગયા શુક્રવારે (25 ઓક્ટોબર) 24 કેરેટ સોનાના 10 ગ્રામની કિંમત 78,015 રૂપિયા હતી, જે એક સપ્તાહના ટ્રેડિંગ પછી ગઈકાલે (શુક્રવાર, 2 નવેમ્બર) રૂપિયા 78,425 પર પહોંચી ગઈ હતી. એક અઠવાડિયાના કારોબાર પછી, એક કિલો ચાંદીની કિંમત 2,299 રૂપિયા સસ્તી થઈ અને 93,501 રૂપિયા પ્રતિ કિલો પર પહોંચી ગઈ. એક સપ્તાહ પહેલા ચાંદીનો ભાવ રૂ.95,800 હતો. 30 ઓક્ટોબરે સોનું રૂ. 79,681 અને 23 ઓક્ટોબરે ચાંદી રૂ. 99,151ની ઓલ-ટાઇમ હાઇ હતી. 4 મેટ્રો અને ભોપાલમાં સોનાનો ભાવ આગામી દિવાળી સુધીમાં સોનું 87 હજાર રૂપિયા સુધી જઈ શકે છે એચડીએફસી સિક્યોરિટીઝના કોમોડિટી અને કરન્સી હેડ અનુજ ગુપ્તાના જણાવ્યા અનુસાર, ભૌગોલિક રાજકીય તણાવ અને તહેવારોની સિઝનના કારણે સોનામાં તેજી જોવા મળી રહી છે. જેના કારણે આગામી દિવસોમાં સોના-ચાંદીમાં વધારો જોવા મળી શકે છે. આગામી મહિના સુધી સોનું 87 હજાર રૂપિયા પ્રતિ 10 ગ્રામ સુધી જઈ શકે છે. સર્ટિફાઈડ સોનું જ ખરીદો બ્યુરો ઓફ ઇન્ડિયન સ્ટાન્ડર્ડ્સ (BIS) ના હોલમાર્ક ધરાવતું સર્ટિફાઈડ સોનું જ હંમેશા ખરીદો. સોના પર 6 અંકનો હોલમાર્ક કોડ છે. તેને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક છે એટલે કે કંઈક આના જેવું છે – AZ4524. હોલમાર્કિંગ દ્વારા એ જાણી શકાય છે કે સોનું કેટલા કેરેટનું છે.
