રખડતાં ઢોરને લઈને હજી પણ અનેક વખત મુશ્કેલીના દૃશ્યો સામે આવતા રહે છે. ઘણી વખત રસ્તા વચ્ચે આખલા યુદ્ધને કારણે તેમજ રખડતા પશુઓને કારણે રાહદારીઓ અને વાહન ચાલકો ભોગ બનતા હોય છે. જેને લઈને રખડતા ઢોર પકડવાની કામગીરી સુરત મ્યુનિસિપલ કોર્પોરેશન (SMC) દ્વારા શહેરમાં કરવામાં આવી રહી છે, પરંતુ પશુપાલકો સાથે ઘર્ષણના દૃશ્યો પણ સામે આવી જાય છે. કાપોદ્રા વિસ્તારમાં આજે સવારે પાલિકાની ટીમ અને માલધારીઓ વચ્ચે ઘર્ષણ થયું હતું. પશુ પકડતાં માલધારીઓ દોડતા થયા
શહેરમાં રખડતા ઢોર રસ્તા ઉપર જોવા મળતા હોય છે ભૂતકાળમાં રખડતાં ઢોરને કારણે અકસ્માતની ઘટનાઓ બની છે જેમાં લોકોના જીવ ગુમાવવાનો પણ વખત આવ્યો છે, તો ઘણી વખત અકસ્માતમાં લોકોને ગંભીર ઈજા પણ થઈ છે. કાપોદ્રા વિસ્તારમાં પાલિકાની ટીમ દ્વારા રખડતાં ઢોરને પકડવાની કામગીરી શરૂ કરતાં કેટલાક ઢોરોને ઝડપી પાડવામાં આવ્યા હતા. ઢોર પાર્ટી દ્વારા રખડતાં ઢોરોને બાંધવામાં આવ્યા હતા. જોકે, ઢોર પાલિકાએ પકડ્યા હોવાની જાણ થતાંની સાથે જ માલધારીઓ પોતાના ઢોરને છોડાવવા માટે બળ પ્રયોગ કરતા દેખાયા હતા. SMCની ટીમ સાથે દાદાગીરી કરી ઢોર છોડાવ્યાં
માલધારીઓએ પાલિકાની ટીમ સાથે દાદાગીરી કરી હતી અને જે બાંધેલા ઢોર હતા. તેમના દોરડા કાપીને પોતાના ઢોરને ભગાડી ગયા હતા. પાલિકાના કર્મચારીઓ વારંવાર તેમને આ પ્રકારનું કૃત્ય ન કરવા માટે કહેવામાં આવ્યું હતું, પરંતુ પશુપાલકોના સામે તેમનું કંઈ ચાલ્યું ન હતું. પશુપાલકોએ ત્યાં કહ્યું હતું કે, જે પણ દંડ હશે, તે અત્યારે જ અમે અહીં ચૂકવી દઈશું. પરંતુ ઢોરને સાથે ન લઈ જાવ. પાલિકાના કર્મચારીઓએ ઢોર ન લઈ જવા કહેવા છતાં પણ માલધારીઓ પોતાના ઢોર છોડાવી ગયા હતા. કાપોદ્રા પોલીસને લેખિતમાં જાણ કરાય
પાલિકાની ટીમ દ્વારા આ બાબતે કાપોદ્રા પોલીસ સ્ટેશનમાં અરજી આપવામા આવી હતી.લાકડીઓ લઈને માલધારીઓ ગાયોને ભગાવીને લઈ ગયા હતા.પાલિકાના કર્મચારીઓ સાથે માલધારીઓનો દાદાગીરીનો વીડિયો પણ સામે આવ્યા છે. પાલિકાના કર્મચારીઓ દ્વારા કાપોદ્રા પોલીસ સ્ટેશનમાં લેખિતમાં અરજી કરાતા પોલીસ દ્વારા જે માલધારીઓ વીડિયોમાં દેખાઈ રહ્યા છે તેમનો સંપર્ક કરવાનો પ્રયાસ શરૂ કરી દીધો છે અને સમગ્ર ઘટના અંગે તપાસ પણ કરવામાં આવી રહી છે.
સુરતમાં માલધારીઓની LIVE દાદાગીરી:કાપોદ્રા બ્રિઝ નીચેથી SMCની ટીમે 2 પકડેલી રખડતી ગાયોના દોરડા કાપી ભગાડી દીધી, ઝપાઝપીના દૃશ્યો કેમેરામાં કેદ
