સુરત શહેરમાં હિટ એન્ડ રનની ઘટના સામે આવી છે. જેમાં એક ટેમ્પાચાલકે રાહદારીને અડફેટે લેતા રાહદારીનું મોત નિપજ્યું હતું. આ સમગ્ર ઘટના ત્યાં લાગેલા સીસીટીવી કેમેરામાં કેદ થઈ છે. સીસીટીવીમાં જોઈ શકાય છે કે, પૂરપાટ ઝડપે આવેલા ટેમ્પોચાલકે રાહદારી અડફેટે લેતા તે ફંગોળાઈને જમીન પર પટકાયા હતા. સીસીટીવીમાં શું જોવા મળે છે?
સીસીટીવીમાં જોઈ શકાય છે કે, રાહદારી રસ્તા પર ઉભા છે. ત્યારે અચાનક તેની તરફ પૂરપાટ ઝડપે એક ટેમ્પો આવે છે. આથી રાહદારી બચવા માટે રોડ ક્રોસ કરવાનો પ્રયાસ કરે છે પણ ટેમ્પો તેને જોરદાર ટક્કર મારે છે. બાદમાં ટેમ્પો તેના આગળના ભાગથી રાહદારીને 20 ફૂટ જેટલા ઢસડે છે. ટેમ્પોચાલક ઘટનાસ્થળેથી ફરાર થઈ ગયો હતો
વહેલી સવારે એક ટેમ્પોચાલકે રાહદારીને અડફેટે લેતા મોત નીપજ્યું છે. અકસ્માત બાદ ટેમ્પોચાલક ઘટનાસ્થળેથી ફરાર થઈ ગયો હતો. ગત 5 નવેમ્બર 2024ના રોજ રામપુરા પેટ્રોલ પંપ પાસે આ ઘટના બની હતી. હાજર લોકો દોડી આવ્યા હતા
એક રાહદારી વહેલી સવારે રસ્તા પર ઉભા હતા. આ દરમિયાન એક ટેમ્પોચાલક પૂરપાટ ઝડપે આવ્યો હતો અને રાહદારીને અડફેટે લેતાં તે ફંગોળાઈને જમીન પર પટકાયા હતા. આ ઘટના બાદ ત્યાં હાજર લોકો દોડી આવ્યા હતા. આ ઘટનામાં રાહદારીને ગંભીર ઈજા થતા તેનું ઘટનાસ્થળે જ મોત નિપજ્યું હતું. વહેલી સવારે 4.26 વાગ્યે આ ઘટના બની
આ સમગ્ર ઘટના ત્યાં લાગેલા સીસીટીવી કેમેરામાં કેદ થઈ જવા પામી છે. સીસીટીવીમાં જોઈ શકાય છે કે, રાહદારીને અડફેટે લઈને ટેમ્પોચાલક ત્યાંથી ફરાર થઈ જાય છે. વહેલી સવારે 4.26 વાગ્યે આ ઘટના બની હતી. આ મામલે હાલ પોલીસે વધુ તપાસ હાથ ધરી હોવાનું જાણવા મળ્યું છે.
હિટ એન્ડ રનના હચમચાવતા CCTV:સુરતમાં પૂરપાટ ઝડપે આવતા ટેમ્પોએ રાહદારીને ટક્કર મારી 20 ફૂટ ઢસડ્યા, ઘટનાસ્થળે જ કમકમાટીભર્યું મોત
