બોર્ડર ગાવસ્કર ટ્રોફી પહેલા ટીમ ઈન્ડિયાને વધુ એક ઝટકો લાગ્યો છે. બેટર શુભમન ગિલ પણ ઈજાગ્રસ્ત છે. અહેવાલો અનુસાર, શનિવારે પર્થમાં મેચ સિમ્યુલેશન દરમિયાન સ્લિપમાં ફિલ્ડિંગ કરતી વખતે ગિલને આંગળીમાં ઈજા થઈ હતી. એક સૂત્રએ TOIને જણાવ્યું કે, ગિલને તેની આંગળીમાં ઈજા થઈ છે પરંતુ તે પર્થમાં રમશે કે કેમ તે કહેવું વહેલું છે. મેડિકલ ટીમ તેના પર નજર રાખી રહી છે, 2-3 દિવસ પછી નિર્ણય લેવામાં આવશે. આના એક દિવસ પહેલાં કેએલ રાહુલને પણ બોલ વાગ્યો હતો અને તે પ્રેક્ટિસ ચાલુ રાખી શક્યો ન હતો. વિરાટ કોહલીનું પણ સ્કેનિંગ કરવામાં આવ્યું હતું. જોકે, બાદમાં ખબર પડી કે કોહલી એકદમ ઠીક છે. ભારતીય ટીમ 22 નવેમ્બરથી પર્થમાં પ્રથમ ટેસ્ટથી ઓસ્ટ્રેલિયા પ્રવાસની શરૂઆત કરશે. ભારતીય ટીમે ત્યાં 5 ટેસ્ટ મેચની સિરીઝ રમવાની છે. વર્લ્ડ ટેસ્ટ ચેમ્પિયનશિપના દૃષ્ટિકોણથી ભારતીય ટીમ માટે આ સિરીઝ મહત્વપૂર્ણ છે. કેએલ રાહુલની કોણીમાં ઈજા થઈ
આ પહેલા કેએલ રાહુલ ઈજાગ્રસ્ત થયો હતો. શુક્રવારે પ્રેક્ટિસ મેચ દરમિયાન પ્રસિદ્ધ ક્રિષ્નાના બોલથી રાહુલને કોણીમાં વાગ્યો હતો અને તે સ્કેન માટે મેદાનની બહાર ગયો હતો. દરમિયાન, ઓસ્ટ્રેલિયન મીડિયાએ દાવો કર્યો હતો કે કોહલીએ અજાણી ઈજા માટે સ્કેન પણ કરાવ્યું છે. બેંગલુરુના ખેલાડીએ તેની છેલ્લી ટેસ્ટ સદી ડિસેમ્બર 2023માં સેન્ચુરિયનમાં સાઉથ આફ્રિકા સામે ફટકારી હતી અને ત્યારથી તેણે નવ ઇનિંગ્સમાં માત્ર 2 અડધી સદી ફટકારી છે. દાવો- કોહલીનું પણ સ્કેનિંગ થયું
ઓસ્ટ્રેલિયાના અખબાર સિડની મોર્નિંગ હેરાલ્ડે દાવો કર્યો હતો કે સ્ટાર બેટર વિરાટ કોહલીનું ગુરુવારે અજાણી ઈજા માટે સ્કેન કરવામાં આવ્યું હતું. જો કે, તેને પ્રેક્ટિસ મેચમાં રમવાથી રોકવામાં આવ્યો ન હતો અને આઉટ થતા પહેલા તેણે 15 રન બનાવ્યા હતા. આ અંગે એક સૂત્રએ પીટીઆઈને કહ્યું, ‘વિરાટ કોહલીને લઈને અત્યારે કોઈ ચિંતા નથી.’ તે મોટા રન બનાવવા માટે સંઘર્ષ કરી રહ્યો છે અને તેની છેલ્લી ટેસ્ટ સદી જુલાઈ 2023માં પોર્ટ ઓફ સ્પેનમાં વેસ્ટ ઈન્ડિઝ સામે હતી. ત્યારથી, 36 વર્ષીય ખેલાડીએ 14 ટેસ્ટ ઇનિંગ્સમાં માત્ર બે ફિફ્ટી ફટકારી છે. છેલ્લી 60 ઇનિંગ્સમાં કોહલીએ માત્ર બે સદી સાથે 31.68ની એવરેજ બનાવી છે. 2024માં તેની એવરેજ છ ટેસ્ટમાં માત્ર 22.72ની છે.
પ્રેક્ટિસ દરમિયાન ગિલની આંગળીમાં ઈજા થઈ:કેએલ રાહુલ એક દિવસ પહેલા ઘાયલ થયો હતો; 22 નવેમ્બરથી પ્રથમ ટેસ્ટ
