ભારત અને ઓસ્ટ્રેલિયા વચ્ચે રમાઈ રહેલી બોર્ડર-ગાવસ્કર ટ્રોફીની પ્રથમ ટેસ્ટનો આજે બીજો દિવસ છે. બીજા દિવસની રમત પર્થના ઓપ્ટસ સ્ટેડિયમમાં સવારે 7:50 કલાકે શરૂ થશે. અત્યારે ભારત સ્પર્ધામાં મજબૂત સ્થિતિમાં છે. ટીમ ઈન્ડિયા ઓસ્ટ્રેલિયાથી 83 રનથી આગળ છે. શુક્રવારે પ્રથમ દિવસે ભારતે ટૉસ જીતીને બેટિંગ કરવાનું પસંદ કર્યું હતું. કોઈ બેટર ફિફ્ટી ફટકારી શક્યો નહોતો અને ટીમ 150 રનમાં ઓલઆઉટ થઈ ગઈ હતી. જોશ હેઝલવુડે 4 વિકેટ ઝડપી હતી. ભારતે બોલિંગથી ધમાકેદાર કમબેક કર્યું અને ઓસ્ટ્રેલિયાએ 59 રનમાં 7 વિકેટ ગુમાવી દીધી. દિવસની રમતના અંત સુધીમાં ટીમનો સ્કોર 67 રન હતો, એલેક્સ કેરીએ 19 અને મિચેલ સ્ટાર્ક 6 રન બનાવીને નોટઆઉટ પરત ફર્યા હતા. ભારત તરફથી જસપ્રીત બુમરાહે 4 અને મોહમ્મદ સિરાજે 2 વિકેટ ઝડપી હતી. બન્ને ટીમની પ્લેઇંગ-11
ભારત: જસપ્રીત બુમરાહ (કેપ્ટન), યશસ્વી જયસ્વાલ, કેએલ રાહુલ, દેવદત્ત પડિકલ, વિરાટ કોહલી, રિષભ પંત (વિકેટકીપર), ધ્રુવ જુરેલ, વોશિંગ્ટન સુંદર, નીતિશ રેડ્ડી, હર્ષિત રાણા અને મોહમ્મદ સિરાજ. ઓસ્ટ્રેલિયા: પેટ કમિન્સ (કેપ્ટન), નાથન મેકસ્વિની, ઉસ્માન ખ્વાજા, માર્નસ લાબુશેન, સ્ટીવ સ્મિથ, ટ્રેવિસ હેડ, મિચેલ માર્શ, એલેક્સ કેરી (વિકેટકીપર), મિચેલ સ્ટાર્ક, નાથન લાયન અને જોશ હેઝલવુડ.
IND Vs AUS પર્થ ટેસ્ટનો બીજો દિવસ:ભારતીય કેપ્ટને ધમાલ મચાવી, તેની ઓવરના પહેલા જ બોલ પર વિકેટ ઝડપી; ઇનિંગની પાંચમી સફળતા
