‘પરિંદા’ ફિલ્મ 1989માં રિલીઝ થઈ હતી. જેમાં અનિલ કપૂર, જેકી શ્રોફ, નાના પાટેકર અને માધુરી દીક્ષિત મહત્ત્વની ભૂમિકામાં જોવા મળ્યા હતા. તાજેતરમાં વિધુ વિનોદ ચોપરાએ આ ફિલ્મ વિશે વાત કરી હતી. તેણે કહ્યું કે તે આ ફિલ્મમાં નસીરુદ્દીન શાહને કાસ્ટ કરવા માંગતો હતો, પરંતુ બંને વચ્ચે ઝઘડો થયો. એટલું જ નહીં એક ચેલેન્જના કારણે જેકી શ્રોફને આ રોલ મળ્યો. વિધુ વિનોદ ચોપરાએ ગોવામાં ચાલી રહેલા ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI)માં પરિંદા ફિલ્મને લગતો એક કિસ્સો સંભળાવ્યો. તેણે કહ્યું, ‘હું પરિંદા ફિલ્મમાં કિશનના રોલ માટે નસીરુદ્દીન શાહને કાસ્ટ કરવા માંગતો હતો. પરંતુ આ દરમિયાન નસીરના એક શુભેચ્છકે કહ્યું કે કિશનના પાત્રની સાથે એક મહિલા કલાકાર પણ હોવી જોઈએ. પરંતુ આ થઈ શક્યું નહીં. આ કારણે અમારી વચ્ચે બોલાચાલી થઈ હતી. નસીરુદ્દીન શાહને આ બિલકુલ ગમ્યું નહીં અને તેમણે મને કહ્યું કે તમે મારા શુભચિંતક સાથે આ રીતે વાત ના કરી અને બંને વચ્ચે ઉગ્ર બોલાચાલી થઈ હતી. આ પછી તેમણે આ રોલ કરવાની ના પાડી દીધી. વિધુ વિનોદ ચોપરાએ કહ્યું, ‘આ મામલો અહીં પૂરો નથી થયો, નસીરુદ્દીને મને પડકાર ફેંક્યો હતો અને કહ્યું હતું કે જો તમે સારા ડિરેક્ટર છો તો જેકી શ્રોફ જોડે એક્ટિંગ કરાવી બતાવો. તેમના આ નિવેદનથી મને ગુસ્સો આવ્યો અને મેં પણ ગુસ્સામાં તેમને કહ્યું કે તમે જુઓ, હું કરીશ. આ પછી હું અભિનેતાના ઘરે ગયો અને તેને ફિલ્મની વાર્તા સંભળાવી. તેણે હા પાડી અને પછી તેણે આ પાત્ર કર્યું. વિધુએ જણાવ્યું કે જેકીની સૌથી મોટી સમસ્યા એ હતી કે તે સીન કરતી વખતે યોગ્ય જગ્યાએ પહોંચી શક્યો ન હતો. તેણે કહ્યું કે જ્યારે કોઈ સીન શૂટ કરવામાં આવે છે, ત્યારે અભિનેતાને ચોક્કસ જગ્યાએ ઉભા રહેવું પડે છે જેથી કેમેરા તેને યોગ્ય રીતે કેપ્ચર કરી શકે, પરંતુ જેકીને હંમેશા આમાં મુશ્કેલી પડતી હતી. આ સમસ્યાને ઉકેલવા માટે વિધુએ તેના કેમેરામેન બિનોદ પ્રધાનને સીનને એવી રીતે લાઇટ કરવા કહ્યું કે જેકીને કોઈ માર્કની જરૂર ન પડે.
