મુંબઈમાં પાયલોટ યુવતીના આત્મહત્યા કેસમાં નવો ખુલાસો થયો છે. પોલીસ તપાસમાં સામે આવ્યું છે કે આરોપી બોયફ્રેન્ડ યુવતીને હેરાન કરતો હતો. તેનું અપમાન કર્યું હતું. નોનવેજ ખાવાને લઈને પણ બંને વચ્ચે ઝઘડો થતો હતો. યુવતીના કાકાની ફરિયાદ પર પોલીસે 26 નવેમ્બરે બોયફ્રેન્ડ આદિત્ય પંડિતની ધરપકડ કરી હતી. યુવતીની ઓળખ સૃષ્ટિ તુલી તરીકે થઈ હતી. તે એર ઈન્ડિયામાં પાઈલટ હતી. 25 નવેમ્બરે સૃષ્ટિનો મૃતદેહ મુંબઈના એક ફ્લેટમાંથી મળી આવ્યો હતો. તેણે કેબલથી ગળેફાંસો ખાધો હતો. પરિવારનો આરોપ- બોયફ્રેન્ડ યુવતી સાથે મારઝૂડ કરતો હતો
સૃષ્ટિના કાકા વિવેક કુમાર તુલીની ફરિયાદના આધારે પવઈ પોલીસ સ્ટેશનમાં નોંધાયેલી એફઆઈઆરમાં ઘણી બાબતો સામે આવી છે. આદિત્ય ઘણીવાર તેની ગર્લફ્રેન્ડ સાથે ગેરવર્તન કરતો હતો. નવેમ્બરમાં આદિત્ય સૃષ્ટિ અને તેની બહેનને કાકાની કારમાં દિલ્હી શોપિંગ માટે લઈ ગયો હતો. બજારમાં બંને વચ્ચે બોલાચાલી થઈ હતી. આદિત્યએ સૃષ્ટિને અપશબ્દો સંભળાવ્યા હતા. ગુસ્સામાં કારે અન્ય વાહનને પણ ટક્કર મારી હતી. વિવેક કુમારે કહ્યું કે તેમની કારને નુકસાન થયું છે, પરંતુ આદિત્યને જરા પણ પસ્તાવો નથી. ગર્લફ્રેન્ડને નોનવેજ ખાવા મામલે પણ બંને વચ્ચે ઝઘડો થયો હતો, રસ્તા પર એકલી છોડી દીધી
FIRમાં બીજી એક ઘટનાનો ઉલ્લેખ છે, જે આ વર્ષે માર્ચમાં બની હતી. આદિત્ય અને સૃષ્ટિ તેમના મિત્રો સાથે ગુરુગ્રામમાં ડિનર માટે ગયા હતા. રેસ્ટોરન્ટમાં પણ આદિત્યએ સૃષ્ટિનું અપમાન કર્યું હતું. તેણે સૃષ્ટિને નોન-વેજ ફૂડ ખાવાથી રોકી અને તેને વેજ ફૂડ ખાવા બહાર લઈ ગયો. થોડા સમય પછી સૃષ્ટિ રાશીને ફોન કરે છે અને કહે છે કે આદિત્ય તેને રસ્તા પર એકલી મૂકીને ઘરે જતો રહ્યો હતો. આદિત્યએ સૃષ્ટિનો નંબર બ્લોક કરી દીધો હતો
કાકાના કહેવા પ્રમાણે, સૃષ્ટિ આદિત્ય સાથેના સંબંધોમાં ખૂબ જ પરેશાન હતી. પરંતુ તે તેને છોડવા માંગતી ન હતી. એકવાર આદિત્યને એક ફેમિલી ફંક્શનમાં જવાનું હતું અને તે ઈચ્છતો હતો કે સૃષ્ટિ તેની સાથે આવે. તેણે સૃષ્ટિને તે દિવસે ફ્લાઇટ પકડવાની હતી તેની જાણ હોવા છતાં પણ તે કાર્યક્રમમાં હાજરી આપવા દબાણ કર્યું. જ્યારે બંને વચ્ચે બોલાચાલી થઈ ત્યારે આદિત્યએ લગભગ 10 થી 12 દિવસ સુધી સૃષ્ટિનો ફોન નંબર બ્લોક કરી દીધો, જેના કારણે તે નારાજ થઈ ગઈ હતી.
પાયલોટ યુવતીએ બોયફ્રેન્ડથી કંટાળીને આત્મહત્યા કરી હતી:નોનવેજ ખાવા બાબતે બંને વચ્ચે ઝઘડો થતો હતો, રસ્તામાં અપમાન કર્યું અને એકલી છોડીને જતો રહ્યો , ગર્લફ્રેન્ડનો નંબર બ્લોક કરી દીધો હતો
