નરગીસ ફખરીની બહેનની ડબલ મર્ડરના આરોપમાં ધરપકડ:આલિયા પર EX બોયફ્રેન્ડને જીવતો આગમાં સળગાવવાનો આરોપ; USમાં આજીવન કેદ થઈ શકે છે

રોકસ્ટાર ફેમ નરગીસ ફખરીની બહેન આલિયાની ન્યૂયોર્ક પોલીસે ધરપકડ કરી છે. તેના પર તેના પૂર્વ બોયફ્રેન્ડની હત્યાનો આરોપ છે. અહેવાલો અનુસાર, આલિયાએ ઈર્ષ્યાથી એક ગેરેજમાં આગ લગાવી દીધી, જેમાં તેનો પૂર્વ બોયફ્રેન્ડ અને તેની એક મહિલા મિત્ર બળીને ખાખ થઈ ગયા. આલિયા પર એક્સ બોયફ્રેન્ડ અને તેની મિત્રને સળગાવવાનો આરોપ
‘ડેઈલી ન્યૂઝ’ના અહેવાલ મુજબ, આલિયાએ ન્યૂયોર્કના ક્વીન્સમાં બે માળના ગેરેજમાં આગ લગાવવામાં આવી, જેમાં એડવર્ડ જેકોબ્સ અને અનાસ્તાસિયા સ્ટાર એટીએનનું મોત થયું હતું. આલિયાને જામીન આપવાનો ઇનકાર કરવામાં આવ્યો છે. જોકે, ન્યૂયોર્ક પોલીસ આલિયાની પૂછપરછ કરી રહી છે. એટર્ની મેલિન્ડા કાત્ઝે એક પ્રેસ રિલીઝમાં જણાવ્યું હતું કે આલિયા ફખરી પર ફર્સ્ટ-ડિગ્રી મર્ડરના ચાર ગુનાઓ તેમજ અન્ય આરોપો લગાવવામાં આવ્યા છે. તેણી પર ક્વીન્સ, ન્યુ યોર્કમાં તેના ભૂતપૂર્વના ઘરના ગેરેજમાં ઇરાદાપૂર્વક આગ લગાડવાનો આરોપ છે, જેમાં તેના 35 વર્ષીય એક્સ બોયફ્રેન્ડ એડવર્ડ જેકોબ્સ અને તેની 33 વર્ષીય ગર્લફ્રેન્ડ અનાસ્તાસિયા એટીએનની હત્યા કરવામાં આવી હતી. નરગીસની માતાએ આરોપોને નકારી કાઢ્યા હતા
નરગીસ ફખરીએ હજુ સુધી આ મામલે કંઈ કહ્યું નથી. પરંતુ તેની માતાએ ન્યૂઝ આઉટલેટ સાથે વાત કરતા આ તમામ અહેવાલોને નકારી કાઢ્યા છે. “મને નથી લાગતું કે તેણે કોઈની હત્યા કરી હશે,” તેણે કહ્યું- મારી દીકરી હંમેશા દરેકની કાળજી લેતી અને હંમેશા દરેકને મદદ કરવાનો પ્રયાસ કરતી. બ્રેકઅપ પછી પણ આલિયાએ પીછો નથી છોડ્યો- જેકબ્સની માતા
એડવર્ડ જેકોબ્સની માતાએ ન્યૂયોર્ક પોસ્ટને જણાવ્યું કે જેકોબ્સ અને આલિયાના સંબંધો એક વર્ષ પહેલા જ ખતમ થઈ ગયા હતા. બ્રેકઅપ બાદ પણ આલિયાએ તેનો પીછો છોડ્યો નહોતો. રિપોર્ટમાં એમ પણ કહેવામાં આવ્યું છે કે જેકોબ્સ અને એટીએન વચ્ચે કોઈ રોમેન્ટિક સંબંધ નથી, તેઓ માત્ર મિત્રો હતા. સાક્ષી નિવેદન
ઘટનાસ્થળે હાજર લોકોએ પોલીસને કહ્યું, ‘અમને કંઈક સળગવાની થોડી ગંધ આવી હતી. મને ખબર નથી કે તે પેટ્રોલ હતું કે બીજું કંઈક. અમે બહાર દોડ્યા અને જોયું કે સીડી પરના સોફામાં આગ લાગી હતી. આલિયા પહેલા બધાને કહેતી હતી કે તે તેનું ઘર સળગાવી દેશે, તેને મારી નાખશે. નરગિસ રોકસ્ટારમાં જોવા મળી હતી
નરગીસ ફખરીએ 2011માં આવેલી ફિલ્મ રોકસ્ટારમાં રણબીર કપૂર સાથે કામ કર્યું હતું. આ દિવસોમાં અભિનેત્રી ‘હાઉસફુલ 5’ના શૂટિંગમાં વ્યસ્ત છે, જેમાં તે અક્ષય કુમાર, રિતેશ દેશમુખ, અભિષેક બચ્ચન, જેકલીન ફર્નાન્ડિસ, ટાઈગર શ્રોફ, સંજય દત્ત અને સોનમ બાજવા સાથે પણ જોવા મળશે.