આમ આદમી પાર્ટી (AAP)ના ધારાસભ્ય નરેશ બાલ્યાનને જામીન મળતાં જ બુધવારે દિલ્હી પોલીસે ફરી ધરપકડ કરી. મકોકા કેસમાં તેમની ધરપકડ કરવામાં આવી છે. ઉત્તમ નગર વિધાનસભા વિસ્તારના ધારાસભ્ય બાલ્યાનને રાઉઝ એવન્યુ કોર્ટથી ક્રાઈમ બ્રાન્ચની ઓફિસ લઈ જવામાં આવી રહ્યા છે. બુધવારે જ તેમને વસૂલીના કેસમાં જામીન મળી ગયા હતા. હકીકતમાં, 30 નવેમ્બરના રોજ ક્રાઈમ બ્રાન્ચે 2023 ખંડણી કેસમાં નરેશ બાલ્યાનની ધરપકડ કરી હતી. તે જ દિવસે ભાજપે બાલ્યાનની એક ઓડિયો ક્લિપ જાહેર કરી હતી. ભાજપનું કહેવું છે કે નરેશ એક ગેંગસ્ટર સાથે સંબંધ ધરાવે છે અને ખંડણી ગેંગ ચલાવે છે. તેઓ હવાલા દ્વારા પૈસાની લેવડદેવડ કરે છે. બાલ્યાને ઓડિયોને ફેક ગણાવ્યો
બાલ્યાને સોશિયલ મીડિયા પ્લેટફોર્મ X પર અમિતની પોસ્ટને રીટ્વીટ કરી. તેમણે કહ્યું કે હાઇકોર્ટે આ ઓડિયોને ખોટો ગણાવતાં તમામ ચેનલો પરથી ફેક ન્યૂઝ હટાવડાવ્યા હતા. આ ઘણા વર્ષો જૂનો મામલો છે. જ્યારે કેજરીવાલે કાયદો અને વ્યવસ્થાના મુદ્દે ભાજપને ઘેરી લીધું ત્યારે તેઓ ઘણા વર્ષો જૂના ફેક ન્યૂઝ લાવ્યા છે. અમિત માલવિયાએ ઓડિયો શેર કર્યો છે
બીજેપી-આઈટી સેલના વડા અમિત માલવિયાએ બાલિયાનનો કથિત ઓડિયો શેર કરતા લખ્યું કે, ‘નરેશ બાલ્યાનનો ગેંગસ્ટરો સાથેનો ઓડિયો કોલ વાઇરલ થયો છે, જેમાં તે દિલ્હીના બિલ્ડરો અને બિઝનેસમેન પાસેથી ખંડણી માગી રહ્યા છે. કેજરીવાલ દિલ્હીમાં વસૂલીનું નેટવર્ક ચલાવી રહ્યા છે અને પછી કાયદો અને વ્યવસ્થાની ખરાબ સ્થિતિ માટે ભાજપને જવાબદાર ઠેરવી રહ્યા છે. AAPએ દિલ્હીને ભ્રષ્ટાચારના કળણમાં ફેરવી દીધું છે. AAP ધારાસભ્ય નરેશ બાલ્યાનના નજીકના સહયોગીનો ગેંગસ્ટરો સાથેનો ઓડિયો કોલ પણ હવે સાર્વજનિક થઈ ગયો છે. ભાસ્કર આ ઓડિયોની પુષ્ટિ કરતું નથી. ભાજપે કહ્યું- બાલ્યાન કેસમાં AAPની મિલીભગત ભાજપના નેતાઓ વીરેન્દ્ર સચદેવા અને ગૌરવ ભાટિયાએ શનિવારે જ પ્રેસ કોન્ફરન્સ કરી હતી. તેમણે કહ્યું કે આમ આદમી પાર્ટી હવે કૌભાંડીઓ અને ગુંડાઓની પાર્ટી બની ગઈ છે. નરેશ બાલ્યાન ગુંડાઓ સાથે મળીને પૈસા પડાવી રહ્યો છે અને નાગરિકોને ડરાવી રહ્યો છે. સચદેવા અને ભાટિયાએ સવાલ ઉઠાવ્યો હતો કે જો AAP નરેશ બાલ્યાન સામે પગલાં નહીં લે તો એ માની લેવામાં આવશે કે પાર્ટી પણ આમાં સામેલ છે. દિલ્હીમાં 2025માં વિધાનસભાની ચૂંટણી યોજાશે
દિલ્હી વિધાનસભાનો વર્તમાન કાર્યકાળ 23 ફેબ્રુઆરી 2025ના રોજ સમાપ્ત થાય છે. ચૂંટણી પંચ વર્તમાન ગૃહની પાંચ વર્ષની મુદત પૂરી થવાની તારીખ પહેલાં ચૂંટણી પ્રક્રિયા પૂર્ણ કરે છે. છેલ્લી વિધાનસભા ચૂંટણી ફેબ્રુઆરી 2020 માં યોજાઈ હતી, જેમાં આમ આદમી પાર્ટીએ સંપૂર્ણ બહુમતી અને 70 માંથી 62 બેઠકો જીતી હતી. ભારતીય જનતા પાર્ટી માત્ર 8 બેઠકો જીતવામાં સફળ રહી હતી, જ્યારે કોંગ્રેસનું ખાતું પણ ખુલ્યું ન હતું. AAP સંબંધિત આ સમાચાર પણ વાંચો…. પદયાત્રા દરમિયાન કેજરીવાલ પર પ્રવાહી ફેંક્યું: આરોપીને સમર્થકોએ માર માર્યો; પોલીસે અટકાયત કરી; AAPએ કહ્યું- ભાજપે હુમલો કરાવ્યો શનિવારે દિલ્હીના ગ્રેટર કૈલાશ વિસ્તારમાં પૂર્વ મુખ્યમંત્રી અરવિંદ કેજરીવાલ પર એક વ્યક્તિએ પ્રવાહી ફેંક્યું હતું. કેટલાક મીડિયા રિપોર્ટ્સમાં તેને શાહી અને અન્યમાં તેને પાણી તરીકે વર્ણવવામાં આવી રહ્યું છે. જો કે સમર્થકોએ સ્થળ પર જ આરોપીઓને માર માર્યો હતો. દિલ્હી પોલીસે તેને કસ્ટડીમાં લીધો છે અને તેની પૂછપરછ કરી રહી છે. આ પહેલા કેજરીવાલ સાથે છતરપુર-નાંગલોઈમાં પણ આવી ઘટનાઓ બની હતી. દિલ્હીના મંત્રી સૌરભ ભારદ્વાજે કહ્યું કે ભાજપના નેતાઓ તમામ રાજ્યોમાં રેલીઓ કાઢે છે, તેમના પર ક્યારેય હુમલો થતો નથી. કેજરીવાલ પર સતત હુમલા થઈ રહ્યા છે. ભાજપે તેમના પર હુમલાઓ કર્યા છે. નાંગલોઈ અને છતરપુરમાં તેમના પર હુમલો કરવામાં આવ્યો હતો. (વાંચો સંપૂર્ણ સમાચાર…)
AAP ધારાસભ્ય બાલ્યાનની જામીન મળ્યા બાદ ફરી ધરપકડ:નવા કેસમાં અરેસ્ટ થયા, વસૂલી-ધાકધમકીના કેસમાં આજે જ જામીન મળ્યા હતા
