એક્શન સ્ટાર ‘પુષ્પા’ સામે પોલીસ એક્શનમાં:મહિલાના મોત મામલે કેસ નોંધાયો, અલ્લુ અર્જુનને જોવા આવેલ ભીડમાં મચી હતી નાસભાગ

હૈદરાબાદમાં ‘પુષ્પા-2’ ફિલ્મના સ્ક્રિનિંગ દરમિયાન નાસભાગને કારણે એક મહિલાનું મોત નિપજ્યું હતું. હવે આ મામલે પોલીસે એક્ટર અલ્લુ અર્જુન, સંધ્યા થિયેટર અને સુરક્ષા એજન્સી સામે કેસ નોંધ્યો છે. પોલીસે આપી જાણકારી ડેપ્યુટી કમિશનર અક્ષંશ યાદવે જણાવ્યું કે, પોલીસે મૃતક મહિલાના પતિની ફરિયાદના આધારે કેસ નોંધ્યો છે. થિયેટર મેનેજમેન્ટ, અલ્લુ અર્જુન અને તેની સુરક્ષા ટીમ સામે દોષિત હત્યાનો કેસ નોંધવામાં આવ્યો છે. ચિક્કડપલ્લી પોલીસ સ્ટેશને કલમ 105 (દોષિત હત્યા), 118(1) (સ્વેચ્છાએ ઈજા પહોંચાડવી) r/w 3(5) BNS હેઠળ કેસ નોંધ્યો છે. DCPએ વધુમાં જણાવ્યુ કે, થિયેટર મેનેજમેન્ટ અથવા એક્ટરની ટીમ દ્વારા કોઈ માહિતી આપવામાં આવી નથી કે તે થિયેટરમાં આવશે. થિયેટર મેનેજમેન્ટે ભીડને કાબૂમાં રાખવા માટે સુરક્ષા સંબંધિત વધુ વ્યવસ્થા કરી ન હતી. હાલ આ મામલે તપાસ ચાલી રહી છે. સિનેમા હોલની અંદર અવ્યવસ્થિત સ્થિતિ ઉભી કરનાર જવાબદાર તમામ લોકો સામે કાયદા મુજબ કડક કાર્યવાહી કરવામાં આવશે. અલ્લુ અર્જુન બુધવારે રાત્રે સંધ્યા થિયેટરમાં ફિલ્મની સ્ક્રીનિંગ માટે કોઈ જાણ કર્યા વગર આવ્યો હતો. થિયેટરની બહાર એકઠા થયેલા ચાહકો અલ્લુ અર્જુનને મળવા આતુર હતા. મોટી સંખ્યામાં ચાહકોએ તેમની સાથે થિયેટરમાં પ્રવેશવાનો પ્રયાસ કર્યો. જેના કારણે થિયેટરમાં ભારે ભીડ ઉમટી પડી હતી. લોકોને શ્વાસ લેવામાં તકલીફ થવા લાગી. ભીડને કાબૂમાં લેવા પોલીસે લાઠીચાર્જ પણ કરવો પડ્યો હતો. ભીડ ઓછી થયા બાદ ગૂંગળામણને કારણે બેભાન થઈ ગયેલા લોકોને હોસ્પિટલમાં દાખલ કરવામાં આવ્યા હતા. આ દરમિયાન ડોક્ટરે એક મહિલાને મૃત જાહેર કરી, જ્યારે ત્રણ લોકોની સારવાર ચાલી રહી છે. નાસભાગની 3 તસવીરો… પીડિતા તેના પુત્ર સાથે ફિલ્મ જોવા આવી હતી, પુત્ર પણ ઘાયલ
પોલીસના જણાવ્યા અનુસાર પીડિતાની ઓળખ 35 વર્ષીય રેવતી તરીકે થઈ છે. તે તેના 13 વર્ષના પુત્ર શ્રેતેજ સાથે ફિલ્મ જોવા આવી હતી. નાસભાગમાં પુત્ર પણ ઘાયલ થયો હતો. હોસ્પિટલમાં તેની સારવાર ચાલી રહી છે જ્યાં તેને 48 કલાક સુધી નિરીક્ષણ હેઠળ રાખવામાં આવ્યો છે. 500 કરોડનું બજેટ, 200 મિનિટનો રન ટાઈમ, થિયેટરોમાં રિલીઝ. ફિલ્મ 2022માં રિલીઝ થવાની હતી
અલ્લુ અર્જુને વર્ષ 2019માં ‘પુષ્પાઃ ધ રાઇઝ’ (પ્રથમ ભાગ)નું શૂટિંગ શરૂ કર્યું હતું. આ સમયે દિગ્દર્શક સુકુમારે જાહેરાત કરી હતી કે તેઓ આ ફિલ્મને બે ભાગમાં રિલીઝ કરશે. તેઓ પહેલો ભાગ 2021માં અને બીજો ભાગ 2022માં રિલીઝ કરવા માગતા હતા. મીડિયા રિપોર્ટ્સ અનુસાર અલ્લુ અર્જુન અને ડિરેક્ટર સુકુમાર વચ્ચે મતભેદને કારણે ફિલ્મનું શૂટિંગ અધવચ્ચે જ રોકવું પડ્યું હતું. 2 વર્ષ સુધી વિલંબ થયા પછી, આ ફિલ્મ 15 ઓગસ્ટના રોજ રિલીઝ થવાની હતી, પરંતુ તે ફરીથી મોકૂફ રાખવામાં આવી હતી. ‘પુષ્પા’ 2021ની સૌથી વધુ કમાણી કરનારી ફિલ્મ હતી
2021માં રિલીઝ થયેલી ‘પુષ્પાઃ ધ રાઇઝ’ એ વર્ષની સૌથી વધુ કમાણી કરનાર ભારતીય ફિલ્મ હતી. તમામ સંસ્કરણો સહિત, આ ફિલ્મે ભારતમાં 313 કરોડ રૂપિયા અને વિશ્વભરમાં 350 કરોડ રૂપિયાનો બિઝનેસ કર્યો હતો. સૌથી વધુ કમાણી કરનાર તેલુગુ ફિલ્મોની યાદીમાં તે છઠ્ઠા નંબર પર છે. , પુષ્પા-2 ફિલ્મ સાથે જોડાયેલા આ સમાચાર પણ વાંચો… ‘પુષ્પા-2’માં અલ્લુ અર્જુનનો નેવરસીન અવતાર, એક્શન થ્રિલરથી ભરપૂર અલ્લુ અર્જુન સ્ટારર મોસ્ટ અવેટેડ ફિલ્મ ‘પુષ્પા- ધ રૂલ’ રિલીઝ થઈ ગઈ છે. ક્રાઈમ અને એક્શન થ્રિલર આ ફિલ્મની લંબાઈ 3 કલાક 20 મિનિટ છે. દિવ્ય ભાસ્કરે ફિલ્મને 5માંથી 3.5 સ્ટારનું રેટિંગ આપ્યું છે. સંપૂર્ણ સમાચાર અહીં વાંચો…