ભરૂચના જંબુસર કલક રોડ ઉપર અજાણ્યા વાહનની ટક્કરે મોર્નિંગ વોર્ક પર નીકળેલા જંબુસરના આરએસએસના કાર્યકર્તાનું કરુણ મોત નીપજ્યું હતું. ઘટનાની જાણ થતાં જબુંસર પોલીસે દોડી વધુ તપાસ હાથ ધરી છે. જબુંસર પોલીસે વાહન ચાલકની તપાસ હાથ ધરી
ભરૂચના જંબુસરમાં રહેતા અને આરએસએસના કાર્યકર્તા નીતિન જેન્તીલાલ ચોક્સી આજરોજ જંબુસર-કલક રોડ ઉપર મોર્નિંગ વોર્ક પર નીકળ્યા હતા. તે દરમિયાન કોઈ અજાણ્યા વાહન ચાલકે નીતિન ચોક્સીને અડફેટે લેતાં અકસ્માત સર્જાયો હતો. આ અકસ્માતમાં તેઓનું ગંભીર ઈજાઓને પગલે ઘટનાસ્થળે જ કરુણ મોત નીપજ્યું હતું. લાશ પોસ્ટમોર્ટમ અર્થે મોકલાઈ
ઘટના અંગેની જાણ થતાં જબુંસર પોલીસ મથકનો કાફલો તાત્કાલિક સ્થળ પર દોડી આવી લાશને પોસ્ટમોર્ટમ અર્થે મોકલી આપી વધુ તપાસ હાથ ધરી છે. જ્યારે ઘટનાની જાણ થતાં જબુંસર ધારાસભ્ય ડી.કે.સ્વામી અને તાલુકા પંચાયત પ્રમુખ જંબુસર હોસ્પિટલ ખાતે દોડી આવ્યા હતા. પોલીસે હાલમાં તો અકસ્માત અંગે પોલીસે ગુનો નોંધી ફરાર વાહન ચાલકને ઝડપી પાડવાની તજવીજ હાથ ધરી છે.
મોર્નિંગ વોક દરમિયાન અકસ્માત થતાં મોત:જબુંસરમાં RSS કાર્યકર્તાને અજાણ્યા વાહને અડફેટે લીધા, ઘટનાસ્થળે જ મોત
