સીરિયામાં વિદ્રોહી જૂથોએ રાજધાની દમાસ્કસ પર કબજો કરી લીધો છે. સીરિયામાં 27 નવેમ્બરના રોજ બળવાખોર જૂથો અને સેના વચ્ચે લડાઈ શરૂ થઈ હતી. એક પછી એક ચાર શહેરો પર વિજય મેળવ્યા પછી, બળવાખોરોએ 8 ડિસેમ્બરે રાજધાની દમાસ્કસ પર પણ કબજો કર્યો. આ સાથે જ સીરિયામાં અસદ પરિવારના 5 દાયકા લાંબા શાસનનો અંત આવ્યો છે. રાષ્ટ્રપતિ બશર અલ-અસદ દેશ છોડીને રશિયા ભાગી ગયા છે. રોયટર્સના અહેવાલ મુજબ, રશિયન રાષ્ટ્રપતિ પુતિને અસદ અને તેના પરિવારને રાજકીય આશ્રય આપ્યો છે. અમેરિકાએ સીરિયામાં અસદ સરકારના પતનને સ્વીકાર્યું છે. તે જ સમયે, અસદ સરકારના સહયોગી ઈરાને સીરિયામાં તખ્તાપલટને લઈને આશ્ચર્ય વ્યક્ત કર્યું છે. ઈરાનના વિદેશ પ્રધાન અબ્બાસ અરાગચીએ રવિવારે કહ્યું કે તેઓ આશ્ચર્યચકિત છે કે સીરિયન સૈન્ય બળવાખોરોને રોકી શક્યું નથી, તેમણે ઉમેર્યું હતું કે આ બધું ખૂબ ઝડપથી થયું. અરાગચીએ એમ પણ કહ્યું કે સીરિયાના રાષ્ટ્રપતિ અસદે ઈરાન પાસેથી કોઈ મદદ માગી નથી. નીચે બ્લોગમાં વાંચો વિગતવાર અપડેટ્સ…
