SL vs SA બીજી ટેસ્ટ રોમાંચક વળાંક પર:શ્રીલંકા ટાર્ગેટથી 143 રન દૂર, દક્ષિણ આફ્રિકાને અંતિમ દિવસે 5 વિકેટની જરૂર

દક્ષિણ આફ્રિકા અને શ્રીલંકા વચ્ચેની બીજી ટેસ્ટ રોમાંચક વળાંક પર પહોંચી ગઈ છે. પાંચમા દિવસે શ્રીલંકાને 143 રનની જરૂર છે. જ્યારે દક્ષિણ આફ્રિકાને 5 વિકેટની જરૂર છે. બંને ટીમો પાસે જીતવાની સમાન તકો છે. ચોથા દિવસે સ્ટમ્પ સમયે શ્રીલંકાએ 5 વિકેટે 205 રન બનાવ્યા હતા. ટીમને 348 રનનો ટાર્ગેટ મળ્યો છે. દક્ષિણ આફ્રિકાએ પ્રથમ દાવમાં 358 રન અને બીજા દાવમાં 317 રન બનાવ્યા હતા. જ્યારે શ્રીલંકાએ પ્રથમ દાવમાં 328 રન બનાવ્યા હતા. બાવુમાએ ફિફ્ટી ફટકારી હતી
ચોથા દિવસે, દક્ષિણ આફ્રિકાએ 191/3ના સ્કોર સાથે તેનો બીજો દાવ રમવાની શરૂઆત કરી. ટ્રિસ્ટન સ્ટબ્સે 36 રન અને કેપ્ટન ટેમ્બા બાવુમાએ 48 રન સાથે પોતાની ઇનિંગ આગળ ધપાવી હતી. બાવુમાએ ફિફ્ટી ફટકારી હતી અને 66 રન બનાવીને આઉટ થયો હતો જ્યારે સ્ટબ્સે 47 રન બનાવ્યા હતા. જયસૂર્યાની 5 વિકેટ
શ્રીલંકા તરફથી સ્પિનર ​​પ્રબથ જયસૂર્યાએ બીજી ઇનિંગમાં 5 વિકેટ ઝડપી હતી. વિશ્વા ફર્નાન્ડોને 2 જ્યારે અસિથા ફર્નાન્ડો અને લાહિરુ કુમારાને 1-1 વિકેટ મળી હતી. મારપીટનો પણ બનાવ બન્યો હતો. શ્રીલંકા માટે ખરાબ શરૂઆત
348 રનના લક્ષ્યનો પીછો કરવા આવેલી શ્રીલંકાની ટીમની શરૂઆત ખરાબ રહી હતી. દિમુથ કરુણારત્ને 1 રને અને પથુમ નિસાન્કા 18 રન બનાવીને આઉટ થયા હતા. મિડલ ઓર્ડર બેટર્સે ઇનિંગની જવાબદારી સંભાળી હતી, પરંતુ 3 બેટર્સ સેટ થયા બાદ આઉટ થઈ ગયા હતા. દિનેશ ચાંદીમલે 29, એન્જેલો મેથ્યુસે 32 અને કામિન્દુ મેન્ડિસે 35 રન બનાવ્યા હતા. કેપ્ટન ધનંજય ડી સિલ્વાએ કુસલ મેન્ડિસ સાથે ટીમની કમાન સંભાળી હતી. બંનેએ પચાસની ભાગીદારી કરી અને સ્કોરને 200 રનની પાર પહોંચાડી દીધો. ટીમે સ્ટમ્પ સુધી 205 રન બનાવ્યા હતા, કુસલ અને ધનંજય બંને 39-39 રન બનાવીને નોટઆઉટ પરત ફર્યા હતા. દક્ષિણ આફ્રિકા તરફથી કેશવ મહારાજ અને ડેન પેટરસને 2-2 વિકેટ લીધી છે. કાગિસો રબાડાને પણ એક વિકેટ મળી હતી. દક્ષિણ આફ્રિકા ત્રીજા દિવસે 221 રનની લીડ પર છે શનિવારે મેચના ત્રીજા દિવસે દક્ષિણ આફ્રિકાએ 221 રનની લીડ મેળવી લીધી છે. સ્ટમ્પ સુધી ટીમનો સ્કોર 191/3 હતો. દક્ષિણ આફ્રિકા તરફથી રેયાન રિકલ્ટન અને કાયલ વેરિઅનએ સદી ફટકારી હતી. શ્રીલંકા તરફથી પથુમ નિસાન્કાએ સૌથી વધુ 89 રન બનાવ્યા હતા.