ફ્રાન્સના માયોટ ક્ષેત્રમાં વાવાઝોડા ‘ચિડા’એ ખૂબ જ તબાહી મચાવી છે. અહીં જીવ ગુમાવનાર લોકોની સંખ્યા લગભગ 1000 હોઈ શકે છે. એક ટોચના સરકારી અધિકારીએ રવિવારે આ માહિતી આપી. મેયોટ પ્રીફેક્ટ ફ્રાન્કોઇસ-ઝેવિયર બ્યુવિલે ટીવી ચેનલ મેયોટ લાએરે કહ્યું, મને લાગે છે કે સૈંકડો લોકો મૃત્યુ પામ્યા હશે. લગભગ સંખ્યા 1000ની નજીક પહોંચી જશે. તેમણે વધુમાં જણાવ્યું કે શનિવારે હિન્દ મહાસાગરના ટાપુ પર આવેલાં ભીષણ ઉષ્ણકટિબંધીય ચક્રવાતને કારણે થયેલા વ્યાપક વિનાશ બાદ ચોક્કસ આંકડા આપવા ‘અત્યંત મુશ્કેલ’ છે. મેયોટ યુરોપિયન યુનિયનનો સૌથી ગરીબ પ્રદેશ છે અધિકારીઓએ રવિવારે અગાઉ મેયોટમાં ઓછામાં ઓછા 11 મૃત્યુની પુષ્ટિ કરી હતી પરંતુ જણાવ્યું હતું કે સંખ્યા વધવાની અપેક્ષા છે. આફ્રિકાના કિનારે દક્ષિણ-પૂર્વ હિંદ મહાસાગરમાં સ્થિત મેયોટ, ફ્રાન્સનો સૌથી ગરીબ ટાપુ પ્રદેશ અને યુરોપિયન યુનિયનનો સૌથી ગરીબ પ્રદેશ છે. 220 કિલોમીટર પ્રતિ કલાકની ઝડપે પવન ફૂંકાયો ચિડોને કારણે 220 કિલોમીટર પ્રતિ કલાકથી વધુની ઝડપે પવન ફૂંકાયો હતો, જેના કારણે મેયોટમાં અનેક મકાનોને નુકસાન થયું હતું, ફ્રેન્ચ હવામાન સેવા અનુસાર આફ્રિકાના પૂર્વ કિનારે લગભગ 800 કિલોમીટર દૂર આવેલા બે મુખ્ય ટાપુઓમાં ફેલાયેલા મેયોટની વસ્તી 3 લાખથી વધુ લોકોની છે. કેટલાક સ્થળોએ સમગ્ર વિસ્તાર નાશ પામ્યો હતો. સ્થાનિક રહેવાસીઓએ અહેવાલ આપ્યો હતો કે ઘણા વૃક્ષો ઉખડી ગયા હતા અને બોટ પલટી ગઈ હતી અથવા ડૂબી ગઈ હતી. તે જ સમયે, ફ્રાન્સના રાષ્ટ્રપતિ ઇમેન્યુઅલ મેક્રોને કહ્યું કે તેઓ સ્થિતિ પર નજીકથી નજર રાખી રહ્યા છે.
