હાલમાં જ એક હોરર ફિલ્મનું ટ્રેલર સામે આવ્યું છે. આત્માને ધ્રુજાવી દેતું ટ્રેલર 24 કલાકમાં વિશ્વનો બીજો સૌથી વધુ જોવાયેલો વીડિયો બની ગયો છે. આ ફિલ્મ ‘સ્લમડોગ મિલિયોનેર’ના ડિરેક્ટર ડેની બોયલે ડિરેક્ટ કરી છે. ’28 યર્સ લેટર’ ફિલ્મ જોયા બાદ તમે બાથરૂમ જતા પણ ડરશો. હોરર ફિલ્મોના પોતાના અનોખા દર્શકો હોય છે. તમે અત્યાર સુધી આવી કેટલીય ફિલ્મો જોઈ હશે, જેને જોઈને તમે વિચારવા પર મજબૂર થઈ ગયા હશો કે આ કેવી રીતે થયું. આ દિવસોમાં ઘણી હોરર ફિલ્મોએ જબરદસ્ત પરફોર્મન્સ કર્યું છે. જો તમે પણ હોરર ફિલ્મોના ફેન છો તો આવતા વર્ષે આવી જ એક ફિલ્મ તમારા માટે પણ આવી રહી છે. આ જોયા પછી તમે એકલા બાથરૂમ જતા ડરી જશો. 24 કલાકમાં 6 કરોડ વ્યૂઝ મળ્યા
’28 ઇયર્સ લેટર’ નામની આ ફિલ્મનું ટ્રેલર રિલીઝ થતાની સાથે જ લોકપ્રિય થઈ ગયું છે. આ ટ્રેલર જોયા પછી દરેક લોકો આશ્ચર્યચકિત થઈ ગયા છે. ફિલ્મનું ટ્રેલર બધાને ખૂબ જ પસંદ આવી રહ્યું છે. તેણે એક ખાસ રેકોર્ડ પણ બનાવ્યો છે. ટ્રેલરને 24 કલાકમાં અત્યાર સુધીમાં 6 કરોડ વ્યુઝ મળી ચૂક્યા છે. આ સાથે તે બીજી સૌથી વધુ જોવાયેલી હોરર ફિલ્મનું ટ્રેલર બની ગયું છે. 2 ભાગ આવી ચૂક્યા છે
જો આપણે ફિલ્મ ’28 યર્સ લેટર’ વિશે વાત કરીએ તો તે એક એપોકેલિપ્ટિક હોરર ફિલ્મ છે. આ પહેલા પણ આ ફ્રેન્ચાઈઝીની બે ફિલ્મો ’28 ડેઝ લેટર’ અને ’28 વીક્સ લેટર’ દર્શકોના દિલ જીતી ચૂકી છે. આ બંને ફિલ્મો લોકોને ઘણી પસંદ આવી હતી. ત્રીજા ભાગની વાત કરીએ તો કિલિયન મર્ફી, જોડી કોમર, રાલ્ફ ફિનેસ, એરિન કેલીમેન અને એડવિન રાઈડિંગ્સ મહત્ત્વની ભૂમિકામાં જોવા મળશે. આ ફિલ્મની રિલીઝની ચાહકો આતુરતાથી રાહ જોઈ રહ્યા છે. નોંધનીય છે કે, ફિલ્મનું એક પોસ્ટર સોશિયલ મીડિયા પર વાયરલ થઈ રહ્યું છે. આ પોસ્ટરને જોઈને લાગે છે કે તે કિલિયન મર્ફી છે, પરંતુ એવું નથી. આ કિલિયન નહીં પરંતુ કોઈ અન્ય અભિનેતા છે. ’28 યર્સ લેટર’નું ટ્રેલર જોયા બાદ ફિલ્મને લઈને લોકોનો ઉત્સાહ બમણો થઈ ગયો છે.
‘કંપારી છૂટી જાય તેવી ફિલ્મ આવી રહી છે’:હોરર ફિલ્મ ’28 યર્સ લેટર’નું ટ્રેલર રિલીઝ, 24 કલાકમાં 6 કરોડ વ્યૂઝનો રેકોર્ડ બનાવ્યો
