મુંબઈ બોટ દુર્ઘટનાઃ નેવીએ તપાસ માટે કમિટી બનાવી:પોલીસે નેવીને પૂછ્યું- સ્પીડબોટના ટ્રાયલ રનની પરવાનગી કોણે આપી?

મુંબઈમાં 18 ડિસેમ્બરે થયેલી બોટ દુર્ઘટનામાં અત્યાર સુધીમાં 14 લોકોના મોત થયા છે. ગેટવે ઓફ ઈન્ડિયાથી એલિફન્ટા જઈ રહેલી પેસેન્જર બોટ સાથે નેવીની સ્પીડબોટ અથડાઈ હતી, જે બાદ પેસેન્જર બોટ ડૂબી ગઈ હતી. હવે નેવી પણ આ અંગે આંતરિક તપાસ કરી રહી છે. અહેવાલો અનુસાર, નેવીએ તપાસ માટે ગુરુવારે (19 ડિસેમ્બર) એક તપાસ બોર્ડની રચના કરી છે. જોકે, આ માહિતી આજે શુક્રવારે સામે આવી છે. દુર્ઘટના બાદ નૌકાદળે એક નિવેદન જારી કરીને કહ્યું કે સ્પીડ બોટ એન્જિન ટ્રાયલ પર હતી. કેપ્ટને બોટ પરનો કાબૂ ગુમાવ્યો અને તે પેસેન્જર બોટ સાથે અથડાઈ. નેવીના નિવેદન પર મુંબઈ પોલીસે સવાલ ઉઠાવ્યા છે. પોલીસે નેવીને પૂછ્યું છે કે ગેટવે ઓફ ઈન્ડિયા પાસે ટ્રાયલ રનની પરવાનગી કોણે આપી હતી. પોલીસે મહારાષ્ટ્ર મેરીટાઇમ બોર્ડને પણ પત્ર લખીને અકસ્માત અંગે સંપૂર્ણ માહિતી માગી છે. ત્રીજા દિવસે પણ રેસ્ક્યુ ચાલુ છે…આખો કેસ 5 પોઇન્ટમાં 3 પ્રત્યક્ષદર્શીઓના નિવેદન, કહ્યું- નેવી બોટ સ્ટંટ કરી રહી હતી નેવીએ 11 બોટ, 4 હેલિકોપ્ટરથી બચાવ્યા
નેવી, જવાહરલાલ નહેરુ પોર્ટ ટ્રસ્ટ (JNPT), કોસ્ટ ગાર્ડ, યલોગેટ પોલીસ સ્ટેશન 3 અને સ્થાનિક માછીમારી બોટની મદદથી રાહત અને બચાવ કામગીરી હાથ ધરવામાં આવી હતી. નૌકાદળની 11 બોટ, મરીન પોલીસની 3 બોટ અને કોસ્ટ ગાર્ડની 1 બોટ બચાવ કામગીરીમાં જોડાઈ હતી. બચાવ કાર્યમાં 4 હેલિકોપ્ટરે પણ ભાગ લીધો હતો. મુસાફરોને ગેટવે ઓફ ઈન્ડિયા પર પાછા લાવવામાં આવ્યા હતા. જ્યાંથી તેમને અલગ-અલગ હોસ્પિટલમાં દાખલ કરવામાં આવ્યા હતા. PM મૃતકોના પરિવારજનોને 2 લાખ રૂપિયા અને મુખ્યમંત્રી 5 લાખ રૂપિયા આપશે
પીએમ મોદીએ પ્રધાનમંત્રી રાષ્ટ્રીય રાહત ફંડમાંથી 2 લાખ રૂપિયાની એક્સ-ગ્રેશિયા રકમની પણ જાહેરાત કરી હતી. તે જ સમયે, મહારાષ્ટ્રના સીએમ દેવેન્દ્ર ફડણવીસે ખાતરી આપી હતી કે સરકાર અસરગ્રસ્ત લોકોને તમામ શક્ય સહાય પૂરી પાડશે. તેમણે એવી પણ જાહેરાત કરી હતી કે જે લોકોએ જીવ ગુમાવ્યો છે તેમના પરિવારોને મુખ્યમંત્રી રાહત ફંડમાંથી 5 લાખ રૂપિયાની એક્સ-ગ્રેશિયા રકમ આપવામાં આવશે.