પંજાબી સિંગર અને એક્ટર દિલજીત દોસાંઝ નવા વર્ષ 2025ની ઉજવણી કરવા લુધિયાણા પહોંચી રહ્યા છે. 31 ડિસેમ્બરે લુધિયાણામાં દિલજીત દોસાંઝનો લાઈવ કોન્સર્ટ યોજાવા જઈ રહ્યો છે. દિલજીતે પોતે પોતાના સોશિયલ મીડિયા પ્લેટફોર્મ પર એક પોસ્ટ શેર કરીને આ માહિતી આપી હતી. દિલજીતે લુધિયાણામાં તેના કોન્સર્ટની જાહેરાત કરતાની સાથે જ હરિયાણા, યુપી, ચંદીગઢ, રાજસ્થાન સહિત પંજાબમાં તેના ચાહકોમાં ખુશીની લહેર છવાઈ ગઈ હતી. આજથી ઓનલાઈન બુકિંગ શરૂ
દિલજીત દોસાંઝના લુધિયાણા કોન્સર્ટ માટે આજથી ઓનલાઈન બુકિંગ શરૂ થઈ ગયું છે. ઝોમેટો લાઈવ પર બુકિંગ શરૂ થતાં જ તેમના સમર્થકો અને ચાહકોએ ટિકિટ બુક કરવાનું શરૂ કરી દીધું હતું. આ પહેલા 29 ડિસેમ્બરે ગુવાહાટીમાં દિલજીતનો કોન્સર્ટ યોજાશે. 31મી ડિસેમ્બરે લુધિયાણામાં દિલજીતનો વર્ષની અંતિમ ટૂર
દિલજીત દોસાંઝે વર્ષ 2024 માં ભારતભરનો પ્રવાસ કર્યો અને વિવિધ સ્થળોએ કોન્સર્ટ પણ કર્યા. તેણે પોતાના પ્રવાસનું નામ ‘દિલ-લુમિનાટી ટૂર’ રાખ્યું છે અને દિલજિત 31મી ડિસેમ્બરે લુધિયાણામાં આ દિલ-લુમિનાટી ટૂરનો છેલ્લો કોન્સર્ટ કરવા જઈ રહ્યો છે. તેણે પોતાની ટૂર માટે દેશના એક ડઝન જેટલાં મોટાં શહેરોની પસંદગી કરી હતી. પીએયુમાં રાત્રે 8 વાગ્યા પછી કોન્સર્ટ શરૂ થશે
31 ડિસેમ્બરે લુધિયાણામાં દિલજીતનો કોન્સર્ટ PAUમાં રાત્રે 8 વાગ્યા પછી શરૂ થશે, જે 12.30 સુધી ચાલશે. એટલે કે, દિલજીત અને તેના સમર્થકો નવા વર્ષની ઉજવણી લુધિયાણામાં નાચ-ગાન કરીને પૂરા ઉત્સાહ સાથે કરવા જઈ રહ્યા છે. દિલજીત 30મીએ જ લુધિયાણા પહોંચશે.
29 ડિસેમ્બરે ગુવાહાટીમાં પોતાનો કોન્સર્ટ પૂરો કર્યા બાદ દિલજીત સીધો પંજાબ પહોંચશે. જ્યાં તે અમૃતસર દરબાર સાહિબમાં પણ દર્શન કરવા પહોંચી શકે છે. ત્યાર બાદ તે સીધો લુધિયાણા પહોંચશે અને પોતાના પ્રિયજનોને મળશે. લુધિયાણામાં નવા વર્ષની તૈયારીઓ ફીકી પડી
લુધિયાણામાં દિલજીત દોસાંઝના લાઈવ કોન્સર્ટની જાહેરાત થતાં જ શહેરમાં નવા વર્ષની ઉજવણીની તમામ તૈયારીઓ દિલજીતના શોની સરખામણીમાં ઝાંખી પડી ગઈ છે. નવા વર્ષની ઉજવણી માટે શહેરમાં વિવિધ સ્થળોએ હોટેલો અને ક્લબોમાં નાઈટ પાર્ટીની તૈયારીઓ થઈ રહી હતી જ્યારે સેંકડો લોકોએ પહાડો પર જવાનો પ્લાન બનાવ્યો હતો, પરંતુ દિલજીતના કોન્સર્ટની જાહેરાત થતાં જ તમામ તૈયારીઓ આટોપી લેવાઈ છે. પોલીસ વહીવટીતંત્રે તૈયારીઓ શરૂ કરી દીધી છે
31મી ડિસેમ્બરે લુધિયાણામાં યોજાનાર દિલજીત દોસાંઝના કોન્સર્ટને લઈને સુરક્ષાની ચિંતાઓને કારણે પોલીસ અને પ્રશાસને પણ તૈયારીઓ શરૂ કરી દીધી છે. આ લાઈવ શોમાં લાખો લોકો આવવાની અપેક્ષા છે. નવું વર્ષ હોવાથી ભીડને અંકુશમાં લેવા અને તોફાની તત્ત્વો પર કાર્યવાહી કરવા માટે વિશેષ પોલીસ દળો પણ તૈનાત કરવામાં આવી રહ્યા છે. ટૂંક સમયમાં જ ટોચના પોલીસ અધિકારીઓ સુરક્ષા અને કાયદાને લઈને લુધિયાણામાં એક બેઠક યોજશે અને પોલીસ અધિકારીઓને સૂચનાઓ આપશે.
દિલજીત દોસાંઝ નવું વર્ષ લુધિયાણામાં ઉજવશે:31મી ડિસેમ્બરની રાત્રે લાઈવ કોન્સર્ટ યોજાશે, ચાહકોમાં છવાઈ ખુશીની લહેર, ઓનલાઈન ટિકિટ બુકિંગ શરૂ
