ગૂગલે તાજેતરમાં તેની પ્રથમ કંપની-વ્યાપી ‘અગ્લી સ્વેટર’ સ્પર્ધાનું આયોજન કર્યું હતું. કંપનીની આ સ્પર્ધામાં ગૂગલના ચીફ એક્ઝિક્યુટિવ ઓફિસર (CEO) સુંદર પિચાઈએ પણ ભાગ લીધો હતો. સુંદર પિચાઈએ પોતે ક્રિસમસના દિવસે આજે (25 ડિસેમ્બર બુધવાર) ઈન્સ્ટાગ્રામ પર આ ઈવેન્ટની કેટલીક તસવીરો શેર કરી છે. આ ફોટાઓમાં પિચાઈએ તેમનું અનોખું થીમ આધારિત સ્વેટર પણ બતાવ્યું, જે તેમના ભારતીય વારસા સાથે મેળ ખાય છે. ગયા અઠવાડિયે યોજાયેલી આ ઇવેન્ટમાં ગૂગલના કર્મચારીઓએ ભાગ લીધો હતો. આ ઇવેન્ટમાં તમામ કર્મચારીઓને નીટવેરના સ્વેટર્સને તહેવારોની ડિઝાઇન આપીને તેમની સર્જનાત્મકતા બતાવવાની તક મળી. આ ઇવેન્ટને ગૂગલના AI સહાયક જેમિની દ્વારા જજ કરવામાં આવી હતી અને વિજેતાઓની પસંદગી કરવામાં આવી હતી. પિચાઈના સ્વેટર પર ક્રિકેટ બેટ-બોલ અને ક્રિસમસ ટ્રી
પિચાઈએ સ્વેટર પહેરેલો પોતાનો ફોટો પણ શેર કર્યો છે. તેના કાળા પુલઓવર સ્વેટર પર ક્રિકેટ બેટ, ક્રિકેટ બોલ અને ક્રિસમસ ટ્રી છે. પિચાઈનું આ સ્વેટર ક્રિકેટ પ્રત્યેનો તેમનો જુસ્સો દર્શાવે છે. અમે ગયા અઠવાડિયે અમારી પ્રથમ ગૂગલ વ્યાપી ‘અગ્લી સ્વેટર’ હોલિડે હરીફાઈ સાથે 2024 સમાપ્ત કર્યું, પિચાઈએ એક ઇન્સ્ટાગ્રામ પોસ્ટમાં લખ્યું. જેમિની જજ હતી અને મારે કહેવું જોઈએ કે તેની પસંદગી સારી હતી. વિજેતાઓને અભિનંદન અને વર્ષના આનંદદાયક અંત માટે દરેકનો આભાર. યુઝર્સે પિચાઈના સ્વેટર અને ક્રિકેટ થીમ આધારિત ડિઝાઇનની પ્રશંસા કરી હતી
સોશિયલ મીડિયા પર યુઝર્સે પિચાઈના સ્વેટર અને ક્રિકેટ થીમ આધારિત ડિઝાઇનની પ્રશંસા કરી હતી. ચેન્નાઈમાં જન્મેલા સુંદર પિચાઈએ ઘણીવાર ક્રિકેટ પ્રત્યેનો પોતાનો પ્રેમ વ્યક્ત કર્યો છે. તેણે એકવાર કહ્યું હતું કે, તેણે આ રમતમાં પ્રોફેશનલ કરિયર બનાવવાનું સપનું જોયું હતું. આ ગૂગલ ઇવેન્ટ માત્ર હલ્કી-ફુલ્કી પ્રતિસ્પર્ધાને પ્રોત્સાહન આપતી નથી. પણ રજાઓની મોસમ દરમિયાન કર્મચારીઓ વચ્ચે સંવાદિતાને પણ પ્રોત્સાહન આપ્યું. અગ્લી સ્વેટર ટ્રેડિશન’નું મૂળ 1950ના દાયકામાં છે, જેને ગૂગલે હવે અપનાવ્યું છે. ગૂગલની આ નવીન રજા પરંપરાએ કંપનીની ઓફિસોમાં ઉત્સવનું વાતાવરણ ઊભું કર્યું.
ગૂગલના કર્મચારીઓ વચ્ચે ‘અગ્લી સ્વેટર’ સ્પર્ધા યોજાઈ:CEO સુંદર પિચાઈએ બેટ-બોલ અને ક્રિસમસ ટ્રી સાથે સ્વેટર બનાવ્યું, AI જેમિનીએ વિજેતા પસંદ કર્યા
